Úlfur Úlfur nýliði ársins
Hljómsveitin Úlfur Úlfur var valin nýliði ársins á Tónlistarverðlaunum X-ins 977 þann 16. febrúar sl. Hljómsveitina skipa Króksararnir Arnar Freyr Frostason og Helgi Sæmundur Guðmundsson, ásamt Keflvíkingnum Þorbirni Einari Guðmundssyni.
Tónlistarverðlaunin fóru fram á Nasa en samkvæmt heimildum Vísi.is var þar húsfyllir og frábær stemming en þetta var í fyrsta sinn sem hátíðin er haldin. Fyrirkomulagið var á þann veg að hlustendur X-ins 977 kusu sigurvegara í 8 flokkum auk þess sem veitt voru sérstök útflutningsverðlaun sem Iceland Express veitti.
Strákarnir í Úlfi Úlfi voru afar þakklátir þeim 2328 manneskjum sem kusu þá og bættu við að það væri mjög gaman að fá verðlaun, eins og sjá má á myndbandi sem þeir birtu á Facebook.
Sigurvegarar Tónlistarverðlauna X-ins 977 voru:
Flytjandi ársins: Mugison
Lag ársins: Of monsters and men – Little Talks
Plata ársins : Mugison – Haglél
Söngkona ársins : Nanna Bryndís Hilmarsdóttir – Of monsters and men
Söngvari ársins: Örn Elías Guðmundsson – Mugison
Tónlistarmyndband ársins: Sólstafir – Fjara
Viðburður ársins: Iceland Airwaves
Beck´s nýliði ársins: Úlfur Úlfur
Útflutningsverðlaun Music Express: Sólstafir sem fá styrk í formi flugsæta frá Iceland Express sem gerir þeim kleift að komast út til að kynna tónlist sína.
Fleiri fréttir
-
Loftur frá Kálfsstöðum ein af stjörnum Íslandsmóts
feykir.is Skagafjörður, Íþróttir, Hestar, Vestur-Húnavatnssýsla, Lokað efni 30.06.2025 kl. 11.35Glæsilegu Íslandsmóti í hestaíþróttum lauk í gær með úrslitum í öllum hringvallagreinum. Á vef Landssamband hestamannafélaga, lh.is, segir: „ Það má segja að það hafi kristallast í úrslitum Íslandsmóts í dag á hversu háu stigi íþróttakeppnin er. Litlu munar á milli knapa í flestum greinum og heilt yfir frábært mót og sterk úrslit. Veðrið lék ekki við keppendur í byrjun dags en átti heldur betur eftir batna þegar leið á daginn og lauk frábæru móti í fallegu Íslensku sumarveðri.”Meira -
Verið velkomin á Sturluhátíð 12. júlí í Tjarnarlundi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.06.2025 kl. 11.23Hin árlega Sturluhátíð, kennd við sagnaritarann mikla, Sturlu Þórðarson, verður haldin annars vegar á Staðarhóli og hins vegar í félagsheimilinu Tjarnarlundi, Saurbæ í Dölum, laugardaginn 12. júlí nk. Hátíðin hefst kl 14 á Staðarhóli, þar sem stóð bær Sturlu Þórðarsonar. Sturlunefndin hefur haft forgöngu um að setja þar upp söguskilti og hafa þau að geyma margvíslegan fróðleik sem í senn tengist sögu staðarins en umfram allt auðvitað Sturlungu.Meira -
Fiskeldi og samfélagsábyrgð | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.06.2025 kl. 11.16Fiskeldi hefur átt mikinn þátt í þeirri endurreisn sem íbúar Vestfjarða eru að upplifa. Fiskveiðar hafa verið helsta atvinnugrein á svæðinu en þegar aflaheimildir fluttust í stórum stíl til annarra landshluta fækkaði störfum með tilheyrandi áhrifum á byggðaþróun. Frá upphafi 9. áratugarins fækkaði íbúum Vestfjarða mikið eða þangað til að viðsnúningur varð árið 2017. Óumdeilt er að fiskeldið spilar hér lykilhlutverk. Fiskeldi hefur verið mikilvægt fyrir atvinnuuppbyggingu á landsbyggðinni og er líklega ein mikilvægasta byggðaaðgerð síðustu ára.Meira -
Þemasýning um Þórdísi spákonu í Listakoti Dóru
feykir.is Austur-Húnavatnssýsla, Listir og menning, Lokað efni 30.06.2025 kl. 09.38Laugardaginn 5. júlí næstkomandi kl. 13.00 opnar Dóra Sigurðardóttir listakona áhugaverða sýningu í galleríinu sínu Listakoti Dóru á jörð sinni, Vatnsdalshólum í Húnabyggð, aðeins 2 km suður af Hringveginum. Sýningin er opin á opnunartíma Listakots Dóru, frá kl. 13–18 alla daga nema mánudaga en sýningin sjálf stendur til 20. september.Meira -
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira
