Úlfur Úlfur og Agent Fresco í Sjallanum
Hljómsveitin Úlfur Úlfur kemur fram á Sjallanum Akureyri ásamt hljómsveitinni Agent Fresco nk. laugardag, þann 17. mars. Báðar hljómsveitirnar hafa verið iðnar við að koma fram undanfarin misseri og notið mikilla vinsælda.
Úlfur Úlfur, með Króksurnum Arnari Frey og Helga Sæmundi innanborðs, gaf út frumraun sína Föstudaginn langa í lok seinasta árs og hafa nokkur lög af þeirri plötu vakið mikla athygli, t.d. lögin „Lupus lupus“ og „Ég er farinn“ en hið síðarnefnda hefur verið að klifra upp íslenska vinsældarlista. Hljómsveitin var svo kjörin nýliði ársins 2011 af útvarpsstöðinni X-inu 977.
Hljómsveitin Agent Fresco hefur verið að gera góða hluti undanfarið og undirbýr sig nú undir tónleikaferðalag um Evrópu í sumar. Sveitin gaf út breiðskífuna A Long Time Listening í lok árs 2010 en sú plata verður gefin út í Evrópu í maí á þessu ári. Á sama tíma eru þeir á fullu að semja efni fyrir nýja plötu sem lítur þó ekki dagsins ljós fyrr en á næsta ári.
Tónleikarnir hefjast í Sjallanum kl. 23 og mun Konni Conca sjá um upphitun. Húsið opnar kl. 22 og verður 18 ára aldurstakmark. Forsala miða er í versluninni Imperíal á Akureyri en fyrstu 100 miðar í forsölu eru á 1000 kr., annars kostar inn 1500 kr.
/Heimild: facebook-síða viðburðarins.
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
