Úlfur Úlfur og fleira góðgæti á Unglingalandsmóti
Dagskrá Unglingalandsmóts UMFÍ á Sauðárkróki er fjölbreytt eins og alltaf. Alla helgina verður keppt í fjölmörgum íþróttagreinum ásamt því að þátttakendur fá tækifæri til að prófa og kynnast nýjum greinum. Auk þess er spennandi skemmti- og afþreyingardagskrá á hverjum degi. Á kvöldin verða tónleikar og fjör fyrir alla fjölskylduna.
Tónleikar og skemmtun
Allir tónleikar helgarinnar fara fram í risastóru samkomutjaldi sem sett verður upp á mótinu. Fjörið hefst strax fimmtudaginn 30. júlí með keppni í golfi, krakkahreysti, júdó og danskeppni Freestyle í íþróttahúsinu. Ekki þarf að skrá sig sérstaklega í danskeppnina. Nóg er að mæta á réttum tíma, ná í númer og sýna danshæfileikana.
Föstudaginn 31. júlí koma fram hinn eini sanni Ernir Daði og DJ Ragga Hólm. Þau komu fram á mótinu í fyrra og trylltu mótsgesti.
Á laugardag stígur tónlistarmaðurinn Maron Birnir á stokk klukkan 22:30 og ætlar hann að flytja þar vinsæl lög. Klukkan 23:00 koma fram stuðboltarnir í Sprite Zero Klan og spila þeir fram á kvöld.
Á lokakvöldinu koma fram Úlfur Úlfur og Reynir Snær, en sá síðasttaldi mun stýra brekkusöng kvöldsins með þeim Eysteini og Lillý.
Unglingalandsmóti UMFÍ verður slitið með flugeldasýningu á Nöfunum ofan við íþróttasvæðið.
Fyrirlestrar og læti
Margt fleira verður í boði á Unglingalandsmótinu, þar á meðal fyrirlestrar um heilsu og vellíðan, afþreying fyrir yngri systkini þátttakenda og mömmu og pabba.
Á meðal annars:
- Skátarnir stýra ævintýragarði í Litla skógi fyrir börn á öllum aldri.
- Íþróttaálfurinn og Solla stirða fá alla með sér í fjör og leik.
- Fjölskyldurfjör: LED badminton, blindrabolti, hlaup - kast og stökk, frisbígolf, körfuboltadjamm, pickleball, grasblak, göngufótbolti, bogfimi, pokavarp, flag Football ...
- Prikhestarnir eru mættir aftur! Fjörug stund fyrir yngstu þátttakendurna.
- Halldór Jón Sigurðsson (Donni) fjallar um það að ná árangri og setja sér markmið.
Og margt fleira!
Alla dagskrá er hægt að sjá hér: Dagskrá Unglingalandsmóts
Opið er fyrir skráningu á mótið til 26. júlí. Skráning er á umfi.is
Feykir hvetur unga sem aldna til að setja Unglingalandsmót á „todo” listann sinn. /hmj
Fleiri fréttir
-
Karlakórinn Heimir ætlar að bræða liðið á Bræðslunni
feykir.is Skagafjörður, Listir og menning, Lokað efni 21.07.2026 kl. 15.20Heimismenn eru í óða önn að búa sig undir að bruna alla leið á Borgarfjörð eystri en þar ætla þeir að taka þátt í hinni árlegu hátíð Bræðslunni. Áskell Heiðar Ásgeirsson, Borgfirðingurinn marghami sem býr á Sauðárkróki er einn af aðal skipuleggjendum hátíðarinnar. Tónleikarnir bera yfirskriftina „Fyrir afa.”Meira -
Eldur í Hún er eins og íslenskur fjárhundur
feykir.is Vestur-Húnavatnssýsla, Mannlíf, Lokað efni 21.07.2026 kl. 12.45Feykir lagði nokkrar samvisku spurningar fyrir nokkra vestur-Húnvetninga vegna Elds í Hún. Hér svarar Linda Sóley Guðmundsdóttir:Meira -
Ferðasaga úr badmintoninu: Mikil stemning á Englandi
feykir.is Skagafjörður, Íþróttir, Lokað efni 21.07.2026 kl. 11.23Dagana 16.-19. júlí var blaðamaður Feykis, undirrituð, Emma Katrín, stödd í Birmingham á Englandi. Þar fór fram alþjóðlega unglingamótið All England Junior Championship í badminton. Nú er ég komin heim og mætt aftur til Feykis og því er um að gera að skrifa ferðasögu. Ísland sendi sex keppendur til leiks og með hópnum ferðuðust tveir foreldrar, en þetta er sami hópur og mun keppa fyrir hönd Íslands á Evrópumeistaramóti undir 19 ára núna í ágúst.Meira -
Eldurinn fór vel af stað
feykir.is Vestur-Húnavatnssýsla, Mannlíf, Lokað efni 21.07.2026 kl. 11.05Gleðihátíðin Eldur í Hún hófst í gær, mánudag og rann ljúflega af stað að sögn Patreks Óla viðburðarstjóra. „Allt gekk eins og í sögu og fór vel af stað, yfir 30 manns á folf námskeiði og um 25 á folf móti seinna um kvöldið.” Segir Patrekur. Hátíðin heldur að sjálfsögðu áfram í dag og er hún efirfarandi með yfirskriftinni: Hver sagði að sund, rave og pílukast færu ekki saman?Meira
