Undanúrslitin í körfunni hefjast í Síkinu í kvöld
Undanúrslitin í Bónus deild karla í körfubolta hefjast í kvöld þegar Íslandsmeistarar Stjörnunnar heimsækja Síkið. Þar bíða eftir þeim úthvíldir Tindastólsmenn og væntanlega klikkuð stemning. Partýtjaldið tekur á móti gestum frá kl. 17:00 í dag en þá er gert ráð fyrir vægri vestanátt, sólskini og tíu stiga hita – en hann verður örugglega miklu meiri í tjaldinu. Leikurinn hefst svo kl. 19:15 en húsið verður opnað kl. 18:00.
Í tjaldinu verður hægt að gæða sér á heitum borgurum og köldum drykkjum og þeir sem þurfa að skreyta sig betur geta nálgast Tindastólsvarning í miklu úrvali.
Það má reikna með baráttuleik og eflaust vilja bæði lið eiga fyrsta höggið í þessum bardaga. Nú vona heimamenn að Stólarnir mæti sprækir en einbeittir til leiks og vonandi hefur hvíldin ekki tekið taktinn úr liðinu. Styttra er síðan Stjarnan spilaði en í þeirra lið vantar landsliðsmennina Orra Gunnars og Ægi Þór sem báðir eru og verða meiddir. Gæðaköppum fækkar því í hópi Stjörnunnar en hópurinn þeirra er engu að síður vel skipaður og engin ástæða til að vanmeta Garðbæinga þó kvarnast hafi úr hópnum. Þeir sýndu það einmitt gegn liði KR í síðasta leik að þeir kunna ekki að gefast upp.
„Komið og styðjið okkur. Við þurfum á ykkur að halda sama á hverju gengur,“ sagði Arnar þjálfari þegar Feykir spurði hvort hann væri með skilaboð til stuðningsmanna Stólanna.
Skilaboð frá lögreglunni
Til að tryggja aðkomu viðbragðsaðila að íþróttahúsinu á Sauðárkróki þegar leikur Tindastóls og Stjörnunnar fer fram er ítekað að óheimilt er leggja bifreiðum á götunni fyrir framan heimavist FNV. Þá verður einnig óheimilt að leggja bifreiðum á rauðmerktum svæðum á bifreiðastæðinu norðan við Árskóla. Lokað verður með merkingu að Sauðá. Sjá rauðmerkt á myndinni hér að neðan.
Lögreglan bendir á bifreiðastæðin norðan við heimavist FNV, norðan við Árskóla, við bóknámshús FNV og við verknámshús FNV. Þá er vert að benda eining á bílastæðin við Skagfirðingabúð. Heimafólk er hvatt til nota bifreiðastæðin heima og taka göngurtúrinn ef það á þess kost, tilvalinn hreyfing!
Það eru stæði fyrir fatlaða fyrir framan inngang íþróttahússins á bifreiðarstæðinu norðan við Árskóla og einnig á bifreiðarstæði norðan við heimavist FNV.
Lögreglan mun setja sektir á þær bifreiðar sem leggja á rauðmerktu svæðin á myndinni. Einnig verða sektir settar á þær bifreiðar sem lagt er á gangstéttum, línustrikuðum bannsvæðum á bifreiðarstæðum, við gular kantlínur og svæðum sem eru ekki ætluð fyrir umferð vélknúinna ökutækja.
Þá eru þeir sem ætla að leggja land undir fót og heimsækja Skagafjörðinn til að fara á leikinn beðnir að fara sérstaklega varlega í umferðinni og virða hámarkshraða.
Skemmtum okkur vel fyrir leik og á meðan á leiknum stendur, verum góð við hvert annað.
Fleiri fréttir
-
LM2026 og HorseDay innsigla samstarf sumarsins
feykir.is Skagafjörður, Íþróttir, Mannlíf, Lokað efni 21.04.2026 kl. 15.40Það styttist í landsmótið á Hólum en það verður haldið 5. – 11. júlí. Eitt af því sem er nauðsynlegt á nútímamótum er miðlun upplýsinga en þar kemur HorseDay sterkt inn. Smáforritið HorseDay hefur verið í mikilli þróun síðustu árin og sér HorseDay alfarið um niðurstöður hestamóta hérlendis. HorseDay hefur tekið við af gömlu góðu Landsmótskránni sem ekki er lengur gefin út á prenti en í smáforritinu er hægt að finna allar upplýsingar um landsmótið á einum stað. Síðan er skemmtilegur möguleiki að áhorfendur geta tekið beinan þátt með því að gefa einkunnir í forritinu og borið saman við einkunnir dómara.Meira -
Það eru forréttindi að búa í Skagafirði | Sigurður Bjarni Rafnsson skrifar
feykir.is Skagafjörður, Aðsendar greinar 21.04.2026 kl. 14.26Það eru forréttindi að búa í Skagafirði – það segi ég af eigin reynslu. Við fluttum hingað ég og hún Ingibjörg mín árið 2003, en hún starfar sem hjúkrunarfræðingur hjá HSN. Við vorum full væntinga um nýtt líf og ný tækifæri. Í dag, rúmum tveimur áratugum síðar, lít ég til baka með þakklæti. Hér höfum við alið upp þrjú börn sem hafa fengið að njóta þess að vaxa og dafna í öruggu og góðu samfélagi – frá leikskóla og upp úr. Hafa börnin okkar öll útskrifast hér úr framhaldsskólanum það er virkilega dýrmætt og eiginlega bara forréttindi að hafa þennan munað hér í firðinum fallega að börnin geti klárað skólagöngu sína heima.Meira -
Húnaþing vestra | Hátíðahöld á sumardaginn fyrsta 2026
feykir.is Vestur-Húnavatnssýsla, Mannlíf, Lokað efni 21.04.2026 kl. 11.15Á vef Húnaþings vestra má lesa: „Allt frá árinu 1957 hefur sumardagurinn fyrsti verið haldinn hátíðlegur í Húnaþingi vestra. Upphaflega var hátíðin haldin til fjáröflunar Fegrunarfélagsins fyrir gróðursetningu í sjúkrahúsgarðinum á Hvammstanga. Í dag er sá garður orðinn stór og þéttur skógur. Þó hátíðin hafi ekki verið með nákvæmlega sama sniði öll þessi ár hefur Vetur konungur þó alltaf afhent Sumardísinni veldissprotann og hafa þau verið klædd í búningana sem forvígiskonur hátíðarinnar saumuðu. Frá upphafi og til ársins 2022 hélt Ingibjörg Pálsdóttir (Lilla) utan um hátíðarhöldin með aðstoð fjölskyldu sinnar og ýmissa félagasamtaka. Í ár ákvað starfsmannafélag leikskólans að taka þetta að sér og viljum við þakka þeim innilega fyrir að viðhalda þessum flotta og rótgróna viðburði í samfélaginu okkar.Meira -
Fornverkaskólinn í Skagafirði hlýtur virtustu minjaverndarverðlaun Evrópu
feykir.is Skagafjörður, Listir og menning 21.04.2026 kl. 10.19Fornverkaskólinn í Skagafirði hefur hlotið Evrópsku minjaverndarverðlaunin / Europa Nostra Awards 2026, sem eru virtustu minjaverndarverðlaun Evrópu. Verðlaunin eru veitt af framkvæmdastjórn Evrópusambandsins og Europa Nostra með stuðningi úr Menningaráætlun ESB. Að þessu sinni hlutu 30 verkefni frá 18 löndum viðurkenningu, en alls barst 261 umsókn frá 40 löndum.Meira
