Unglingum vinnuskólans boðið í vinnustofu á vegum Blönduósbæjar og Listasafns Alþýðu
Blönduósbær og Listasafn Alþýðu hafa tekið höndum saman og skipulagt vinnustofu fyrir unglinga í vinnuskóla bæjarins dagana 10. og 11. júlí. Einnig hafa stéttarfélagið Samstaða á Blönduósi og menningarbændurnir á Kleifum haft hönd í bagga við undirbúning námskeiðsins.
Námskeiðið er hluti af stærra verkefni þar sem Listasafn ASÍ skipuleggur vinnustofur í hreyfimynda- og stuttmyndagerð í skólum á ýmsum stöðum víðsvegar um landið. Námskeiðið á Blönduósi er haldið í tengslum við sýningu Sigurðar Guðjónssonar INNLJÓS sem opnar laugardaginn 7. júlí í útihúsunum að Kleifum við Blönduós. Þátttakendur í námskeiðinu fá þar tækifæri til að kynnast nýjustu verkunum í safneign Listasafns ASÍ um leið og þau læra um eldri verk sem safnið geymir.
Verkefnið felst í því að farið er með málverk úr stofneign Listasafns ASÍ inn í skólastofu eða vinnustofu þar sem nemendur fá að skoða verkið og fræðast um tilurð þess og höfund. Börnin/unglingarnir vinna síðan hreyfimyndir sem innblásnar eru af viðkomandi verki. Þannig gefst þeim tækifæri til túlka verkið og gefa því nýtt líf. Þau rýna ofan í það sem helst vekur áhuga þeirra í verkinu; liti, birtu, form, stíl, bakgrunn eða það umhverfi sem verkið sjálft spratt úr á sínum tíma. Nemendur vinna í litlum hópum með aðstoð kennaranna, búa til söguþráð, vinna annað hvort klippimyndir úr pappír, mynda þær með spjaldtölvum og klippa þær til í klippiforriti eða endurgera málverkið á annan hátt, mynda atburð með vídeó-vél og hljóðsetja. Þannig kynnast nemendur vel verkinu sjálfu í samhengi við listasöguna, læra um myndbyggingu, sjónarhorn og litanotkun, sögugerð og handritaskrif (storyboard), tæknivinnslu, hljóðvinnslu og kynnast jafnframt kvikmyndaferlinu frá upphafi til enda. Að þessu sinni verður unnið með málverkið ,,Hestur í jökulvatni‘‘ eftir Jón Stefánsson en listamaðurinn var fæddur og uppalinn á Norurlandi vestra, nánar tiltekið á Sauðárkróki.
Kennarar á námskeiðinu að þessu sinni eru Kolbeinn Hugi Höskuldsson myndlistarmaður og Sigrún Jónsdóttir básúnuleikar og tónskáld. Kolbrún Vaka Helgadóttir vinnur stutta heimildarmynd um vinnustofuna sem verður gerð aðgengileg á heimasíðu Listasafnsins ásamt stuttmyndum frá öðrum stöðum.
Frekari upplýsingar veitir Elísabet Gunnarsdóttir safnstjóri Listasafns Alþýðu, sími: 868 1845 – netfang: listasi@centrum.is
/Fréttatilkynning
Fleiri fréttir
-
Setning Sæluviku Skagfirðinga 2025 og endurgerð Faxa | Einar E. Einarsson skrifar
feykir.is Skagafjörður, Aðsendar greinar 28.04.2025 kl. 10.25Ég vil byrja á að óska ykkur öllum gleðilegs sumars á þessum fallega degi sem jafnframt er síðasti sunnudagur aprílmánaðar, en hann hefur verið upphafsdagur Sæluviku Skagfirðinga í um 30 ár. Sæluvika Skagfirðinga á sér hins vegar mun lengri sögu, en heimildir herma að Sæluvikan hafi orðið til í framhaldi af svokölluðum sýslunefndarfundum sem haldnir voru einu sinni á ári með Sýslumanni og helstu forsvarsmönnum allra hreppa í Skagafirði.Meira -
Forsætisráðherra heimsækir Skagafjörð
feykir.is Skagafjörður, Mannlíf 28.04.2025 kl. 02.41Kristrún Frostadóttir forsætisráðherra býður til opins fundar í Skagafirði mánudaginn 28. apríl. Ráðherra verður einnig með erindi á kirkjukvöldi á Sauðárkróki sama dag í tilefni Sæluviku. „Það hefur gefið mér mikið síðustu misseri að halda opna fundi með fólki um allt land og ég vil halda því áfram eins og ég get í nýju embætti. Ég hlakka til að koma í Skagafjörðinn og eiga opið og milliliðalaust samtal um það sem brennur helst á heimamönnum,“ segir Kristrún.Meira -
Þungur hnífur á Sauðárkróksvelli
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 23.12Það er oft stutt á milli hláturs og gráturs og það á ekki síst við í sportinu. Lið Tindastóls og Stjörnunnar mættust í Bestu deild kvenna á Sauðárkróksvelli í dag og allt stefndi í stórgóðan sigur Stóalstúlkna þegar allt fór í skrúfuna. Það þýðir oft lítið að nöldra undan óheppni í íþróttum en lið Tindastóls var annan leikinn í röð aðeins mínútum frá góðum úrslitum. Garðbæingar rændu stigunum í blálokin með tveimur mörkum, unnu heimastúlkur 1-2.Meira -
Sæluvikan sett og Faxi afhjúpaður á ný
feykir.is Skagafjörður, Listir og menning, Mannlíf, Lokað efni 27.04.2025 kl. 20.20Sæluvika Skagfirðinga var sett við hátíðlega athöfn á Sauðárkróki í dag. Gestir voru flestir mættir tímanlega fyrir kl. 13 eins auglýst hafði verið og voru umsvifalsust sjanghæjaðir út á Faxatorg í ískalt þokuloftið þar sem draugalegur Faxi beið þess að verða afhjúpaðir enn og aftur. Einar E. Einarsson, forseti sveitarstjórnar Skagafjarðar, flutti þar ágæta setningarræðu Sæluviku, sagði síðan nýjustu fréttir af Faxa og sýndi loks lipra takta við að færa listaverkið okkar góða úr plastklæðunum. Eftir stóð Faxi bronshjúpaður á nýjum stalli og hefur sennilega aldrei verið ferskari.Meira -
María og Sigurður hlutu Samfélagsverðlaun Skagafjarðar
feykir.is Skagafjörður, Listir og menning, Mannlíf, Lokað efni 27.04.2025 kl. 19.16Við setningu Sæluviku Skagfirðinga í dag kynnti Hrefna Jóhannesdóttir frá Silfrastöðum og varaformaður atvinnu-, menningar- og kynningarnefndar Skagafjarðar val á þeim sem hlutu Samfélagsverðlaun Skagafjarðar 2025 en þetta var í tíunda sinn sem verðlaunin eru afhent. Þau komu nú í hlut heiðurshjónanna Maríu Guðmundsdóttur og Sigurðar Hansen frá Kringlumýri í Blönduhlíð og eru þau sannarlega vel að heiðrinum komin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.