Ungur fatlaður Blönduósingur berst fyrir draumi sínum.
Rúnar Þór Njálsson er 25 ára gamall Blönduósingur sem berst nú fyrir draumi sínum. Rúnar er með CP fjórlömun og er í hjólastól en hann fæddist þremur mánuðum fyrir tímann og vó þá aðeins fjórar merkur.
Stærsti draumur Rúnars Þórs er að komast í ferð til Nýja-Sjálands en eins og hann segir á Facebooksíðu sinni er hann RISA nörd þegar kemur að Hringadróttinssögu en myndirnar sem gerðar voru eftir sögunni voru einmitt teknar upp á Nýja-Sjálandi. „...minn stærsti draumur er að ferðast til Nýja-Sjálands og fara í sérstakan 14 daga skoðunartúr, skoða landið, hitta fólkið á bakvið gerð þessara kvikmynda og bara upplifa eins mikið og ég mögulega get. Mér finnst frekar erfitt að finna réttu orðin til að lýsa hversu mikið Lord of the Rings, Hobbit og bara þessi ævintýraheimur í heild, er mér mikils virði. Það líður ekki dagur þar sem ég geri ekki eitthvað tengt þessu og ef ég á slæman dag get ég alltaf gleymt mér í þessum heimi og gleymt fötlun minn og vandræðum þó það sé ekki nema í smástund,“ segir Rúnar Þór.
Rúnar Þór, sem hóf söfnun sína fyrir ári síðan, hefur nú safnað rúmlega milljón króna en alls kostar ferðin rúmar þrjár milljónir. „Ég veit sem er að ég gæti aldrei gert þetta einn og því þarf ég að taka gott fólk með mér. Ég mun aldrei hafa efni á þessu sjálfur og því hélt ég alltaf að þessi draumur minn yrði bara draumur og yrði aldrei að veruleika. Svo uppgötvaði ég þessa frábæru síðu [gofundme.com] þar sem fólk tekur sig saman og hjálpar fólki hvort sem það er vegna veikinda eða að láta fjarlæga drauma, eins og minn, rætast. Þannig að ég ákvað að slá til og með hjálp frá góðu fólki er síðan mín tilbúin,“ segir Rúnar Þór ennfremur á Facebooksíðu sinni.
Rúnar Þór segir að upphæðin þurfi ekki að vera stór, allt skipti máli, hver deiling og hver innlögn. Hægt er að leggja Rúnari Þór lið á söfnunarsíðu hans og er slóðin þangað https://www.gofundme.com/2dj937ms eða með því að leggja beint inn á reikning hans. Þar er reikningsnúmerið 307-26-9119 og kennitalan 261191-2619.
Rúnar Þór var í viðtali við Stöð 2 í síðustu viku og má nálgast það á visir.is
Fleiri fréttir
-
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira -
Strandveiðin byrjaði á mánudaginn
feykir.is Skagafjörður, Lokað efni 08.05.2025 kl. 12.15Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.Meira -
Klara Sveinbjörnsdóttir og lið Storm Rider sigruðu KS deildina
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 12.08Úrslit í Meistaradeild KS urðu ljós þegar lokakeppnin fór fram að kvöldi 2. maí, í Svaðastaðahöllinni á Sauðárkróki þegar keppt var í tölti og flugskeiði. Mikil eftirvænting var fyrir kvöldinu því þá kæmi í ljós hverjir stæðu uppi sem heildarsigurvegarar bæði í einstaklings- og liðakeppni.Meira
