Úrslitin ráðast í Tískustúlkunni annað kvöld
Lokakvöld Tískustúlkunnar 2008 fer fram í Íþróttahúsinu á Sauðárkróki annað kvöld. Hulda Jónsdóttir, hugmyndasmiður og aðstandandi keppninnar lofar glæsilegu og stjörnuprýddu lokakvöldi þar sem félagarnir, Haffi Haff, Sigfús Sigurðsson, silfurmaðurinn ógurlegi, að ógleymdum Erpi Eyvindarsyni og fyrrum herra Ísland Óla Geir, munu sitja í dómnefnd.
-VIð ætlum að opna húsið um hálf átta annað kvöld og síðan mun ég opna kvöldið tæpum klukkutíma síðar. Erpur, Haffi Haff og Panþers ætlar að syngja fyrir okkur milli atriða en stjörnur kvöldsins verða auðviðtað stelpurnar sjálfar, segir Hulda sem þeytist á milli staða í dag enda margir endar lausir kvöldið fyrir keppni. -Ég er reynslunni ríkari eftir að hafa gert þetta, þetta hefur verið erfitt og tímafrekt en ég held að eftir á verði framtakið vel þess virði, ekki spurning. Stelpurnar eru á stífum æfingum hjá henni Raggý sem kennir þeim framkomu og ganga æfingar vel og bera stelpurnar sig bæði fallega og vel.
Forsala aðgöngumiða er í Tískuhúsinu og Capello, í sama húsi og Þreksport. Miðaverð er krónur 3000 í forsölu en 4000 við innganginnn. Yngri en 18 ára mega koma á skemmtunina í fylgd með fullorðnum og þurfa að fara heim að skemmtun lokinni. Miðaverð fyrir yngri en 18 ára er krónur 1500.
Eftir skemmtunina verður síðan ball með Haffa Haff og Óla Geir og aldrei að vita nema einhverjir fleiri stökkvi inn í og taki lagið. Hægt verður að kaupa sig sérstaklega inn á ballið og kostar þá 2000 krónur inn.
Fleiri fréttir
-
Myndaveisla úr Síkinu í boði Sigurðar Inga
feykir.is Skagafjörður, Íþróttir, Ljósmyndavefur 15.05.2025 kl. 14.35Af því að lífið er körfubolti - ekki saltfiskur (sem betur fer) – þá er rétt að bjóða lesendum Feykis upp á aðeins meira af leiknum í gær. Sigurður Ingi ljósmyndari var að sjálfsögðu í Síkinu og Feykir fékk að velja 20 frábærar myndir í góða myndamöppu til birtingar.Meira -
Síðasta sýningin í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 15.05.2025 kl. 14.22Nú er síðasti séns að sjá Flæktur í netinu hjá Leikfélaginu á Sauðárkróki, því nú er komið að lokum.Meira -
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira
