Vatnsdalur.is formlega opnaður
feykir.is
Austur-Húnavatnssýsla
26.03.2009
kl. 12.09
Laugardaginn 21. mars síðastliðinn var aðalfundur félagsins Landnám Ingimundar Gamla haldinn í Klausturstofu á Þingeyrum. Þar var meðal annars opnuð ný heimasíða félagsins, www.vatnsdalur.is
Félagið er öllum opið og ekkert árgjald er í félaginu. Stjórn félagsins vill endilega skora á alla þá sem eru áhugasamir um húnvetnska sögu og menningu að gerast félagsmenn. Skráning í félagið er möguleg á hof@simnet.is eða peturjo@simnet.is
Helstu verkefni félagsins Landnám Ingimundar Gamla
Í samræmi við markmið og tilgang félagsins kemur það að ýmsum verkefnum er snúa einkum að verndun og varðveislu minja í Húnaþingi, fræðslu og kynningu á sögu svæðisins og eflingu menningarferðaþjónustu. Þau helstu um þessar mundir eru.
- Rannsóknir á minjastöðum. Í samstarfi við Fornleifavernd ríkisins og Minjavörð Norðurlands vestra hefur verið á liðnum árum unnið að því að kanna, aldursgreina og teikna upp minjastaði í Vatnsdal og þingi. Áhersla hefur verið á þá staði sem hafa verið sérstaklega friðlýstir.
- Merking minja- og sögustaða. Unnið er að því að merkja upp og gera aðgengilegar minjar Vatnsdælasögu, en víða er að finna leifar af búsetu frá þeim tíma er sagan gerðist. Staðir sem hafa verið merktir eru: Jökulstaðir, Ljótunnarkinn, Hof, Faxabrandsstaðir, Þórdísarholt, Ingimundarhóll.
- Útgáfa á sögukorti Vatnsdælasögu. Unnið er að útgáfu á korti þar sem minjastaðir Vatnsdælasögu verða merktir og atburðirnir dregnir fram í myndum. Stefnt er að útgáfu kortsins vorið 2009.
- Sögusýningar. Félagið hyggst meðal annars standa fyrir sögusýningum þar sem lögð verður áherslu á sögu og menningu Húnaþings. Í fyrstu verður horft til Vatnsdælasögu og Þingeyra. Sumarið 2008 var sett upp sýning í Klausturstofunni á Þingeyrum um Þingeyrastað.
- Rekstur Klausturstofu. Félagið hefur stutt við rekstur Klausturstofu á Þingeyrum. Þjónustuhúsið er í eigu og rekstri sóknarnefndar kirkjunar og er opið fyrir almenning yfir sumarmánuðina. Opnunin hefur verið styrkt af Samönguráðuneyti. Félagið setti þar upp sýningu um Þingeyrastað sumarið 2008.
- Félagstarf. Félagið stendur að auki fyrir fjölbreyttu félagsstarfi. Ráðstefnum, sögugöngum, félagsfundum, sögukynningum og er tilbúið að vinna með ýmsum aðilum að rannsóknar og fræðastarfi og styðja við menningartengda ferðaþjónustu
Hægt er að fara beint inn á síðuna hér
Fleiri fréttir
-
Geggjaður sigur í framlengdum leik gegn toppliði Njarðvíkinga
feykir.is Skagafjörður, Íþróttir, Lokað efni 18.12.2025 kl. 08.56Tindastóll og Njarðvík mættust í Síkinu í gærkvöldi í athyglisverðum og æsispennandi leik. Lið Tindastóls var í áttunda sæti fyrir leik en gestirnir á toppi deildarinnar. Þó að úrslit fjölmargra leikja í vetur hafi ekki dottið með Stólastúlkum þrátt fyrir jafna leiki þá stóðust stelpurnar okkar prófið gegn toppliðinu með glæsibrag – þurftu reyndar framlengingu til að landa sigrinum en það var auðvitað bara enn skemmtilegra. Lokatölur 99-91 eftir að staðan að loknum venjulegum leiktíma var 84-84,Meira -
Jólatréssalan á Eyrinni komin í gang
feykir.is Skagafjörður 17.12.2025 kl. 16.36Jólatréssala körfuknattleiksdeilar Tindastóls fór í gang sl. mánudag og nú er ekkert annað í stöðunni en mæta á sama gamla góða staðinn á Eyrinni, hitta fyrir eldhressa körfuboltamenn og fara heim með jólin í skottinu – enda ekkert betra en ilmurinn af lifandi tré yfir jólin.Meira -
Stelpurnar fengu KR en strákarnir Snæfell
feykir.is Skagafjörður, Íþróttir, Lokað efni 17.12.2025 kl. 16.14Dregið var í átta liða úrslit VÍS bikarsins í körfuknattleik í hádeginu í dag. Tindastóll átti lið í pottunum báðum þar sem bæði karla- og kvennalið félagsins höfðu unnið leiki sína sl. sunnudag. Stelpurnar fengu heimaleik gegn spræku liði KR og þar verður væntanlega hart barist. Leið karlaliðsins í fjögurra liða úrslit ætti að vera nokkuð örugg þar sem Stólarnir fengu útileik gegn 1. deildar liði Snæfells.Meira -
Heimismenn sjálfir í aðalhlutverki
feykir.is Skagafjörður 17.12.2025 kl. 10.25Karlakórinn Heimir heldur sína árlegu áramótatónleika í Miðgarði þann 28. desember næstkomandi. Af því tilefni hafði blaðamaður samband við Atla Gunnar Arnórsson formann kórsins, til þess að forvitnast um tónleikana og starfsemi kórsins í haust og vetur.Meira -
Jólamót Molduxa haldið enn og aftur
feykir.is Skagafjörður, Íþróttir 17.12.2025 kl. 09.47Jólamót Molduxa verður haldið samkvæmt venju annan dag jóla en mótið er í hugum margra ómissandi þáttur í jólahefð Skagfirðinga. Samkvæmt bestu vitund talnagleggstu Molduxa er þetta mót það 32. sem haldið er.Meira
