Veggjalistaverk vígt á Vatnahverfisvelli
Golfklúbburinn Ós í Húnabyggð vígði formlega nýtt glæsilegt listaverk á velli félagsins um helgina. Í Húnahorninu segir að við sama tækifæri fór jafnframt fram lokamót sumarsins, þ.e. sameiginlegt mót klúbbanna á Blönduósi og Skagaströnd. Það mót er árlegt mót sem spilað er á báðum völlum klúbbanna.
Mótið hófst kl. 10:00 í Vatnahverfi en áður en það hófst fór fram vígsluafhöfn á veggjalistaverki miklu sem prýðir einn vegg vélargeymslu klúbbsins. Listaverkið málaði listakonan Inese Elferte í sumar. Ásamt því að listaverkið var málað voru öll hús á vellinum máluð, bæði veggir og þök. Þá má ekki gleyma listaverkunum sem máluð voru af börnum í sumarfjöri Húnabyggðar en þau skreyttu hurðirnar þar sem áður voru fjárhús alls níu talsins.
Þó nokkur fjöldi sótti vígsluna auk golfspilaranna, ávörp flutt og að því loknu voru veitingar í boði Golfklúbbsins Óss á Blönduósi.
Sigurvegarar mótsins voru þau Berglind Björnsdóttir og Eyþór Franzson Wechner. Í öðru sæti voru þeir Sindri Freyr Björnsson og Leifur Örn Ragnarsson og í þriðja sæti þær Greta Björg Lárusdóttir og Ingibjörg Guðjónsdóttir.
Heimild: Húni.is
Fleiri fréttir
-
Rúnar Már leggur skóna á hilluna
feykir.is Skagafjörður, Íþróttir, Lokað efni 22.09.2026 kl. 15.38Knattspyrnukappinn Rúnar Már Sigurjónsson frá Sauðárkróki hefur tekið þá ákvörðun að leggja fótboltaskóna á hilluna eftir langan og farsælan feril. Hann hóf meistaraflokks ferilinn með liði Tindastóls vorið 2005, þá aðeins 14 ára gamall, og gerði sitt fyrsta mark fyrir Stólana 24. júní sama ár, þá 15 ára og sex daga gamall. Síðan hefur hann víða farið og meðal annars var hann í leikmannahópi Íslands sem bar sigurorð af liði Englands á EM í Frakklandi sællar minningar.Meira -
Nýir kantsteinar á Hvammstanga í tómri steypu
feykir.is Vestur-Húnavatnssýsla 22.09.2026 kl. 08.37Í síðustu viku voru steyptir kantsteinar á nokkrum stöðum á Hvammstanga. Í frétt á vef Húnaþings vestra segir að því miður hafi komið í ljós galli í steypunni sem notuð var og er þess vegna nauðsynlegt að steypa steinana upp á nýtt.Meira -
Gjöf til Mótorhjólasafns Íslands á Akureyri!
feykir.is Austur-Húnavatnssýsla, Mannlíf, Lokað efni 21.09.2026 kl. 15.25Á vefsíðunni tia.is sem er heimasíða Tíunnar sem Bifhjólaklúbbur Norðuramts og er hollvinafélag Mótorhjólasafns Íslands á Akureyri er þessa skemmtilegu frétt að finna: Flagghjól Honda verksmiðjanna, farskjóti húnvetnskra hjóna. „Skagstrendingur kaupir Gullvæng.“Meira -
Atvinnulífssýning Skagafjarðar tókst ljómandi vel
feykir.is Skagafjörður, Mannlíf, Lokað efni 21.09.2026 kl. 14.40Það var mikið um að vera í íþróttahúsinu á Sauðárkróki um liðna helgi þegar Atvinnulífssýning Skagafjarðar var haldin. Það er talsvert handtak að koma svona sýningu upp en sýnendur voru 42 og voru rúmlega 100 manns á þeirra vegum starfandi yfir helgina samkvæmt því sem Hugi Halldórsson verkefnisstjóri fræddi blaðamann um. Við það bættist fjöldi starfsmanna sveitarfélagsins sem komu að ýmsum verkum við uppsetningu sýningarinnar.Meira
