Vel mætt á íbúafundi um mögulega sameiningu í Austur-Húnavatnssýslu
Góð þátttaka var á íbúafundum um mögulega sameiningu Blönduósbæjar, Húnavatnshrepps, Skagabyggðar og Skagastrandar þann 3. og 6. mars sl. en þeir voru haldnir í gegn um fjarfundakerfi. Á fyrri fundinn skráðu sig um 100 þátttakendur, en á heimasíðu verkefnisins segir ljóst að við nokkrar tölvur hafi fleiri en einn tekið þátt. Auk þeirra fylgdust svo rúmlega hundrað manns með útsendingu á Facebooksíðunni „Húnvetningur“.
Á hunvetningur.is kemur fram að eftir kynningar hafi fólki fyrri fundarins verið skipað í fjóra hópa, sem ræddu umræðuefnið út frá fjórum spurningum.
1. Hvernig líst þér á?
Hvaða atriðum ertu sammála?
Hvaða atriðum ertu ósammála?
2. Hvaða tækifæri liggja í sameiningu sveitarfélaganna?
3. Hvað ber að varast í sameiningarferlinu?
4. Hvað viljum við varðveita?
Miklar umræður spunnust í hópunum og komu fram mjög gagnlegar upplýsingar fyrir mótun sameiningartillögunnar. Segir á vef Húnvetnings að sitt sýndist hverjum um hvort kostir væru fleiri en gallar og komu fram þau sjónarmið að samstarf sveitarfélaganna geti verið betri lausn á áskorunum svæðisins, heldur en sameining.
„Íbúar í Austur- Húnavatnssýslu telja að ein helsta áskorunin við mögulega sameiningu sveitarfélaganna sé að byggja upp traust og auka trú íbúanna á að hag þeirra verði betur borgið í sameinuðu sveitarfélagi. Að þjónusta nái til allra íbúa og að áhrif jaðarbyggða verði tryggð. Sameining sveitarfélaga geti ekki farið þannig fram að eitt sveitarfélag yfirtaki önnur,“ segir á Húnvetningur.is.
Fram kemur að íbúar leggi áherslu á að einkenni, menning og mannlíf hvers samfélags verði varðveitt. Þannig verði íbúar áfram Blönduósingar, Skagstrendingar og Vatnsdælingar svo dæmi sé tekið, þó þeir sameinist um að vera Húnvetningar.
„Mikil umræða var um fræðslumál og áhersla lögð á að skólarnir haldi sínum sérkennum og geti veitt þjónustu í samræmi við þarfir á hverjum stað. Ein viðamesta breytingatillagan sem kynnt var á fundinum er möguleg sameining Blönduskóla og Húnavallaskóla og var eðli málsins samkvæmt mikil umræða um þá tillögu. Mikil áhersla var lögð á að sameining skóla, væri raunverulega sameining skóla en ekki yfirtaka stærri skóla á þeim minni.“
Stöðnun er ekki valkostur
Fundarmenn telja að tækifæri liggi í auknum slagkrafti svæðisins til atvinnuþróunar og hagsmunagæslu gagnvart ríkinu og Alþingi, sérstaklega í samgöngumálum. Væntingar eru um að sameiningarframlög hjálpi svæðinu að verða fjárhagslega sterkara og til að efla stjórnsýslu og þjónustu. Þá töldu þátttakendur mikil tækifæri felast í aukinni áherslu á umhverfis- og skipulagsmál og uppbyggingu á Húnavöllum, eftir því sem kemur fram á hunvetningur.is.
Hvað stjórnsýslu varðar, atvinnulíf og þjónustu á svæðinu standa íbúar svæðisins frammi fyrir þeirri spurningu hvort betra sé fyrir samfélagið að takast á við þær breytingar sem í vændum eru í einu sveitarfélagi eða fjórum. Stöðnun sé ekki valkostur.
„Fundarfólk var sammála um að í sameiningu sveitarfélaganna fælust mörg tækifæri og þá helst í að blása til sóknar í atvinnu- og byggðamálum og bættum samgöngum innan svæðisins og hætta endalausum varnarleik. Mikilvægt er að varðveita núverandi þjónustu og bæta hana, halda sérstöðu hvers staðar eða byggðakjarna og halda áfram að halda staðbundna menningaratburði eins og þorrablót,“ segir á heimasíðu Húnvetnings.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.