Verðandi endurnýtingarmiðstöð á Hofsósi blæs til Hringrásarhátíðar 22. - 24. júní 2023
Miðstöðin var stofnuð árið 2020 og er markmiðið að vekja athygli á ofneyslu í þjóðfélaginu og möguleikum endurnýtingar til að minnka urðun og meðvitund um umhverfið. Í húsnæði Verðanda, Þangstöðum á Hofsósi er hægt að koma og gera við föt, gera upp húsgögn og nýta aðstöðu og verkfæri til handverks og hönnunar.
Hátíðin verður sett 22. júní kl. 18 með opnun sýningar á verkum eftir Helgu Friðbjörnsdóttur fyrrum textílkennara í Varmahlíðarskóla og Sigrúnu Bragadóttur hannyrðapönkara. Sýningin, sem verður í gamla frystihúsinu verður opin bæði föstudag og laugardag. Helga hefur endurnýtt textíl í langan tíma og sýnir einstaklega fallegt handverk. Sigrún hóf sinn feril sem Craftivisti/hannyrðapönkari árið 2017 og hefur tekið þátt í samsýningum og haldið einkasýningar með verkum sínum. Einnig verður sýning á afrakstri endurnýtingar í miðstöðinni og þá verður hægt að sjá þrjú verk sem urðu efst í keppni á Prjónagleðinni á Blönduósi en þemað var einmitt endurnýting.
Á föstudegi verður opið i miðstöðinni og hægt að gera góð kaup í fatnaði og skoða aðstöðuna Einnig verður hægt að kaupa saumasett, hannað af Tinnu Laufdal en það samanstendur af efni, rennilás og sniði ásamt aðgangi að leiðbeiningum frá Tinnu um saumaskapinn.
Þá verður dagskrá fyrir börn á vegum Sigurlaugar Arnardóttur verkefnastjóra hjá Landvernd og síðar um daginn verður hún með fyrirlestur um hringrásarhagkerfið.
Sigrún hannyrðapönkari mun standa fyrir smiðju á laugardeginum þar sem hún kynnir skapandi endurnýting textíla með áherslu á gerð skrautveifa/-fána úr gömlum textíl.
Hátíðinni verður slitið laugardaginn 24. Júní kl. 16.
Dagskránna má nálgast á Facebook síðu miðstöðvarinnar sem heitir Verðandi endurnýtingarmiðstöð.
Fyrir nánari upplýsingar má hafa samband í tölvupósti á verdandiendurnyting@gmail.com eða í síma 6162219 Solveig Pétursdóttir eða 6958533 Þuríður Helga Jónasdóttir.
/Fréttatilkynning
Fleiri fréttir
-
Minni halli á Skagaströnd en áætlanir gerðu ráð fyrir
feykir.is Austur-Húnavatnssýsla 19.05.2024 kl. 12.08Húnahornið segir frá því að Sveitarfélagið Skagaströnd hafi skilað 46,8 milljón króna neikvæðri rekstrarniðurstöðu í fyrra en síðari umræða um ársreikning sveitarfélagsins 2023 fór fram á sveitarstjórnarfundi þann 10. maí sl. Niðurstaðan var þó 8,7 milljónum króna betri en áætlun með viðaukum haft gert ráð fyrir.Meira -
Vantaði upp á orkustigið og stemninguna
feykir.is Skagafjörður, Íþróttir 19.05.2024 kl. 12.01„Þetta var ekkert sérstakur leikur af okkar hálfu og við getum betur, sérstaklega með boltann,“ sagði Donni þjálfari Stólastúlkna þegar Feykir spurði hann út í bikarleikinn gegn liði Þórs/KA sem fram fór í gær en Akureyringar höfðu betur 1-2. „Vissulega spila aðstæður stóran þátt því það var mikill vindur á annað markið. En jafnvel með vindinum fannst mér pláss til að gera betur. Úrslitin voru svekkjandi og sanngjörn en frammistaðan er það sem við horfum í og þar viljum við gera betur.“Meira -
Gjöf foreldrafélagsins til Leikskóla Húnabyggðar
feykir.is Austur-Húnavatnssýsla, Mannlíf 19.05.2024 kl. 11.27Á dögunum afhenti Foreldrafélag Leikskóla Húnabyggðar leikskólanum að gjöf tvær barnakerrur fyrir 4-6 börn. Í tilkynningu frá Foreldrafélagi Leikskóla Húnabyggðar segir að hugmyndin sé að þær nýtist sérstaklega yngstu deild leikskólans sem nú er til húsa við Húnabraut 6 og auðveldi þannig heimsóknir þeirra upp í aðalbyggingu leikskólans. Ein 6-barna kerra hefur nú þegar verið afhent og von er á annarri 4-barna kerru í sendingu á komandi vikum.Meira -
„Get talað endalaust um kaffi“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 19.05.2024 kl. 09.00Vala tekur á móti blaðamanni Feykis á heimili sínu, Páfastöðum 2 í Skagafirði, þar sem þær Vala Stefánsdóttir og Rannveig Einarsdóttir hafa búið sér fallegt heimili og eru langt komnar með að útbúa litla kaffibrennslu í skúrnum sem á sumum heimilum er byggður fyrir bíla. Vala hefst strax handa við að útbúa kaffi handa blaðamanni, sem er venjulegur leikmaður þegar kemur að kaffi – kaupir Grænan Braga í búðinni og hellir upp á kaffi í venjulegri kaffivél og hellir því svo á brúsa, drekkur það svo svart og sykurlaust. Það er ekki ferlið sem Vala tekur blaðamanninn með sér í. Hún byrjar á að setja kaffibaunir í kvörn, sem koma frá samnefndu fyrirtæki, Kvörn, sem Vala er hluthafi í. Hún hellir „upp á gamla mátann“ eins og blaðamaður hefur heyrt sagt um aðferðina hennar Völu. Hún malar kaffið í kvörninni og hellir svo soðnu vatni yfir það. Það er kúnst, því bleyta þarf fyrst upp í öllu kaffinu og hægt er að segja til um ferskleika kaffisins eftir loftbólumynduninni þegar vatnið fer yfir kaffið. – Það er vel hægt að fullyrða að fyrir Völu er kaffi ekki bara kaffi.Meira -
Lagfæringar á gervigrasvellinum komnar á fullt
feykir.is Skagafjörður, Íþróttir 18.05.2024 kl. 22.12Það horfir til betri vegar á gervigrasvellinum á Króknum en hann varð fyrir skemmdum fyrir um fjórum vikum síðan í all harkalegum vorleysingum. Viðgerðir hófust í gærmorgun en í frétt á síðu Skagafjarðar segir að á meðan á viðgerðum stendur verður hluta vallarins lokað en hægt verður að æfa á þeim hluta sem ekki varð fyrir skemmdum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.