Verðlaunavagn Silla kokks staddur á Sauðárkróki - Allt íslenskt
Undanfarin tvö sumur hefur veitingavagn undir heitinu Silli kokkur verið staðsettur fyrir utan bílaverkstæði Gylfa Ingimarssonar á Sauðárkróki. Um verðlaunavagn er að ræða því Silli Kokkur hefur verið valinn Götubiti ársins tvö ár í röð, í fyrra og nú í ár. Á bakvið vagninn stendur Sigvaldi Jóhannesson (Silli kokkur sjálfur) og kona hans Elsa Blöndal Sigfúsdóttir en hún er einmitt hreinræktaður Skagfirðingur, dóttir Vigdísar Blöndal Gunnarsdóttur og Sigfúsar Sigfússonar.
Silli kokkur er í grunninn veisluþjónusta, en þegar ákveðin veira herjaði á landann fór Silli að útbúa grillpakka til að selja. Hann var með veislueldhúsið sitt opið um helgar sem hann seldi út úr en svo fór fólkið að flykkjast í sumarfrí og út á land. Þá var ekkert annað í stöðunni en að elta fólkið, koma sér upp matarvagni og bruna út á land.
„Ég sá að ég yrði að fara til fólksins, elta þau og þannig byrjaði þetta ævintýri, 17. júní í fyrra og strax í þá vann ég Götubiti ársins og aftur í ár,“ segir Silli.
„Ég er mikið að vinna með villibráð, ég er með gæsaborgara og það sem flestir vita ekki er að ég nota eingöngu gæsalæri í hamborgarann, þetta er svona 50% villibráð og 50% naut, nautafita og smá ostur.“
Silli kokkur býður einnig upp á hreindýraborgara og gæsapulsu í ár en matseðillinn er breytilegur. Í fyrra var hann til að mynda með sveppapulsu og hefur verið með hreindýrapulsu með Omnom-súkkulaði kakóbaunum.
„Pulsan breytist aðeins en hamborgararnir alltaf til staðar, en núna bjó ég sérstaklega til sér meðlæti fyrir hreindýraborgarann til að senda í keppnina, þannig að þetta eru villisveppir týndir á Snæfellsnesi og Egilsstöðum, og rabarbarinn úr garðinum og bláberin úr Aðaldalnum, allt Íslenskt.“
„Margir spyrja mig af hverju þetta sé svona gott og ég hef alltaf sagt; „ég náttúrulega er kokkur“ og það náttúrulega það sem að er mikið í þessu er að það eru ekkert allir fagmenntaðir sem eru að brasa í þessu vagna dóti.“
Þau hjón, Silli og Elsa gera allt frá grunni og segja að minnsta vinnan sé að fara út með vagninn og selja. Seinustu tvær vikur hafa þau verið í veislueldhúsinu að undirbúa hráefni fyrir næstu þrjár helgar, hamborgara, sósur o.fl.
En hvað er það sem fær þau hjón til að koma á Sauðárkrók með vagninn?
„Það er náttúrulega bara bæði fjölskyldutengsl og vinatengsl og síðan góðar viðtökur. Einn besti vinur minn býr hérna og græjaði mig hérna hjá Gylfa og það er alltaf tekið vel á móti okkur hér.
Og Gylfi ánægður með þetta?
„Gylfi er hæstánægður með þetta. Aðsóknin hefur bara aukist í hvert skipti sem við komum, það tekur náttúrulega alltaf smá tíma að kynna sig og komast undir húðina hjá heimamönnum, en það virðist vera að virka, eykst og eykst í hvert skipti sem við komum, maður er alla veganna að gera eitthvað rétt,“ segir Silli kokkur að lokum.
Silli verður að selja veitingar sínar á planinu hjá Gylfa Ingimars til klukkan 19:30 í dag og hægt er að fylgja vagninum eftir á Fésbókarsíðu Silla kokks.
"Varúð maturinn getur innihaldið högl!!!"
/SMH
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.