Vilja að stjórnvöld sýni spilin
Þorleifur Ingvarsson, formaður sameiningarnefndar sveitarfélaga í Austur-Húnavatnssýslu, segir að stór skref í átt að sameiningu sveitarfélaganna fjögurra verði ekki stigin fyrr en stjórnvöld sýna spilin. Rætt var við Þorleif í hádegisfréttum RÚV í gær. Hlé var gert sameiningarviðræðum fyrir sveitarstjórnarkosningar sl. vor og hafa nýjar sveitarstjórnir allra sveitarfélaganna samþykkt að halda viðræðum áfram og skipað fulltrúa í nýja sameiningarnefnd.
Þorleifur segir að nú sé unnið að því að fá svör varðandi aðkomu jöfnunarsjóðs og opinberra aðila að verkefninu. Ráðherra sveitarstjórnarmála, Sigurður Ingi Jóhannsson, hefur boðað átak í fækkun sveitarfélaga og talað fyrir því að jöfnunarsjóður verði notaður til þess að hvetja til sameininga. Þorleifur segist hlynntur þessu útspili sem gæti haft úrslitaáhrif varðandi sameiningu. „Og við viljum sjá útlistun, eða hvernig það verður framkvæmt, áður en við tökum endanlega ákvörðun um kosningu,“ segir Þorleifur í samtali við RÚV. „Og síðan erum við í vinnu, eða að undirbúa það að reyna að fá svör varðandi aðkomu jöfnunarsjóðs og opinberra aðila að verkefninu. Og við ætlum okkur helst að vera búin að fá þau svör fyrir enda janúar.“
Þorleifur telur að næsti fundur sameiningarnefndar verði trúlega ekki haldinn fyrr en svör hafi borist frá stjórnvöldum. Þá fyrst verði hægt að huga að íbúakosningu sem gæti í fyrsta lagi orðið seint í vor eða seinni part næsta árs að mati Þorleifs.
Fleiri fréttir
-
Lið Tindastóls jafnaði metin með sigri liðsheildarinnar
feykir.is Skagafjörður, Íþróttir 29.04.2024 kl. 22.05Lið Tindastóls og Aþenu mættust í annað sinn í einvígi sínu um sæti í Subway-deildinni í Síkinu í kvöld. Lið Aþenu fór illa með haltrandi Stólastúlkur í fyrsta leik sem var aðeins spennandi fyrstu mínúturnar. Það var annað uppi á teningnum í kvöld því leikurinn var æsispennandi en að þessu sinni var það lið Tindastóls sem leiddi lungann af leiknum. Gestirnir voru aðeins yfir í 20 sekúndur en voru annars í stöðugum eltingaleik við baráttuglatt lið Tindastóls. Það fór svo að taugar heimastúlkna héldu og sigur hafðist, lokatölur 67-64 og staðan í einvíginu 1-1.Meira -
Gunnari Þór afhent Gullmerki ÍSÍ fyrir mikil og góð störf
feykir.is Skagafjörður, Íþróttir 29.04.2024 kl. 20.45Ungmennasamband Skagafjarðar (UMSS) hélt ársþing sitt í félagsheimilinu Tjarnabæ laugardaginn 27. apríl síðastliðinn. Fulltrúi ÍSÍ á þinginu var Viðar Sigurjónsson en hann notaði tækifærið og veitti Gunnari Þór Gestssyni, formanni UMSS, Gullmerki ÍSÍ á þinginu fyrir mikil og góð störf í þágu íþrótta en Gunnar Þór hefur m.a. setið í fjölmörgum nefndum og starfshópum ÍSÍ.Meira -
Skagaströnd fékk rúmlega 41 milljón króna styrk vegna Spákonuhöfða
feykir.is Austur-Húnavatnssýsla 29.04.2024 kl. 19.31Lilja Dögg Alfreðsdóttir, menningar- og viðskiptaráðherra, úthlutaði í fyrir helgi úr Framkvæmdasjóði ferðamannastaða fyrir árið 2024. Tvö verkefni á Norðurlandi vestra hlutu styrki og annað þeirra var merkt Sveitarfélaginu Skagaströnd, styrkur að upphæð kr. 41.105.000 vegna verkefnisins Spákonufellshöfðu: Aðgengi fyrir alla.Meira -
Lokamót í Skagfirsku mótaröðinni
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 15.06Á heimasíðu Hestamannafélagsins Skagfirðings segir að lokamótið í Skagfirsku mótaröðinni hafi verið haldið á dögunum þar sem keppt var í gæðingakeppni, tölti og skeiði en hér að neðan eru úrslitin:Meira -
Kirkjukvöld Kirkjukórs Sauðárkrókskirkju í kvöld
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 14.55Kirkjukvöld Kirkjukórs Sauðárkróks er að venju haldið mánudag í Sæluviku nánar tiltekið í kvöld 29. apríl kl. 20:00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.