Vinnan, Sturlunga, goðafræði og Gerpla | Málþing í Kakalaskála
Næstkomandi laugadag, 29. ágúst verður hið árlega málþing í Kakalaskála haldið. Feykir hafði samband við Guðrúnu Ingólfsdóttur sem hefur veg og vanda að skipulagningu málþingsins og bað hana segja frá sögu þessa ágæta viðburðar. Gefum Guðrúnu orðið:
„Árið 2013 ákvað félagið Á Sturlungaslóð að halda málþing um Sturlungasögu í Kakalaskála. Ég og Eiríkur Rögnvaldsson eiginmaður minn og Skagfirðingur, tókum þátt í að útvega fyrirlesara. Sama var upp á teningnum árið eftir en æ síðan hefur ég séð um að skipuleggja Kakalaþing í samvinnu við Kakalaskálabændur, þau Maríu Guðmundsdóttur og Sigurð Hansen. Aðeins einu sinni hefur þurft að fella Kakalaþing niður en það var árið 2020 í kóvid-faraldrinum.
Kakalaþing eru löngu hætt að snúast einvörðungu um Sturlungasögu. Haldin hafa verið þing um ákveðin þemu, svo sem náttúruna, málfar að fornu og nýju, skáldkonur og menningararfinn á breytingatímum. Oftar en ekki er efni þinganna mjög fjölbreytt, eins og í ár.
Fyrirlesarar hafa komið úr ýmsum áttum, frá Árnastofnun, Háskóla Íslands, Reykjavíkurakademíunni og svo auðvitað Skagafirði. Allir hafa þeir gefið vinnu sína með glöðu geði.
Frá upphafi hefur Kaupfélag Skagfirðinga styrkt þinghaldið rausnarlega. Í ár fékkst svo myndarlegur styrkur frá Samtökum sveitarfélaga á Norðurlandi vestra. Allt þetta þökkum við af alhug.“ Feykir þakkar Guðrúnu fyrir og hvetur fólk til að láta áhugavert málþing ekki framhjá sér fara. Meðfylgjandi er dagskrá laugardagsins. /hmj
- ágúst 2026, kl. 14.
Dagskrá:
14:00 Pétur Gunnarsson
Hvað varð um vinnuna? Um breytileg viðhorf til vinnunnar í vestrænum hugarheimi.
14:30 Ingibjörg Eyþórsdóttir
Dansað í Sturlungu – frá brúðkaupi til aftöku.
15:00 Kaffihlé
15:30 Ingunn Ásdísardóttir
Sjónarhorn í boði?!? Um sjónarhorn og notkun þess í umfjöllun um norræna goðafræði.
16:00 Guðmundur Andri Thorsson
„Dags hríðar spor …“ Gerpla og uppgjörið sem hlaut að svíða.
Fleiri fréttir
-
Vel heppnaður fræðsludagur í Miðgarði
feykir.is Skagafjörður, Mannlíf, Lokað efni 25.08.2026 kl. 10.45Miðvikudaginn 19. ágúst kom starfsfólk leikskóla, grunnskóla og tónlistarskóla í Skagafirði saman á árlegum fræðsludegi sem haldinn var í Miðgarði. Að þessu sinni var um sérstakan áfanga að ræða, þar sem fræðsludagurinn var haldinn í 15. sinn. Markmið dagsins var að efla fagþekkingu, styrkja samstarf og skapa góðan grunn fyrir komandi skólaár. Dagskráin var fjölbreytt og tók á mikilvægum málefnum sem tengjast velferð, námi og starfsþróun. Skagafjordur.is segir frá:Meira -
Ég er þetta fífl | Högni Elfar Gylfason skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.08.2026 kl. 10.12Næstu helgi göngum við til mikilvægustu kosninga frá því að Ísland öðlaðist fullveldi. Við munum greiða atkvæði um hvort taka skuli upp viðræður um aðild Íslands að Evrópusambandinu eða með öðrum orðum hvort við sækja eigi um inngöngu í ESB.Meira -
Norðurlandameistarar í kata frá Íslandi | Annika Líf Maríudóttir Noack skrifar
feykir.is Skagafjörður, Íþróttir 25.08.2026 kl. 09.00Freyr Hugi Herbergsson og Jóhanna María Grétarsdóttir Noack úr Júdódeild Tindastóls tóku nýverið þátt í Nordic Kata Open Tournament 2026 í Finnlandi. Þetta var í annað sinn sem þau kepptu saman á mótinu, en árið 2025 fóru þau til Svíþjóðar þar sem þau unnu sinn fyrsta kata-keppnisflokk.Meira -
Af hverju ég segi nei 29. ágúst | Ólafur Adolfsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.08.2026 kl. 08.57Á laugardaginn göngum við að kjörborðinu og svörum spurningunni hvort Ísland eigi að hefja að nýju aðildarviðræður við Evrópusambandið. Ég mun segja nei. Ísland á að eiga náið og gott samstarf við Evrópu. EES samningurinn tryggir okkur aðgang að innri markaðnum og við eigum að halda áfram að nýta þau tækifæri. En ESB aðild er annað og meira. ESB er yfirþjóðlegt samstarf þar sem aðildarríkin fela stofnunum sambandsins mikil völd. Opinber kynning landskjörstjórnar staðfestir raunar að breyta þyrfti íslensku stjórnarskránni vegna þess framsals ríkisvalds sem aðild fæli í sér.Meira
