Þúfur hrossaræktarbú ársins 2022 :: Uppskeruhátíð Hrossaræktarsambands Skagfirðinga
Hrossaræktarsamband Skagfirðinga (HSS) hélt uppskeruhátíð fyrir árið 2022 þann 13. desember sl. í Tjarnarbæ. Við það tækifæri voru heiðruð þau hross sem efst stóðu sem einstaklingar í hverjum aldursflokki á kynbótasýningum ársins auk kynbótaknapa ársins, hrossaræktarbú ársins og hross sem hlotið höfðu afkvæmaverðlaun á árinu.
Að vanda var margt um hátt dæmd hross sem mættu til dóms á liðnu sumri og voru ræktuð af félagsmönnum HSS og mega Skagfirðingar vera stoltir af sinni ræktun nú sem endranær. Af öllum öðrum ólöstuðum verður sérstaklega að nefna árangur Mette Mannseth og Gísla Gíslasonar í Þúfum sem hlutu hinn eftirsótta Ófeigsbikar fyrir hrossaræktarbú ársins 2022 í Skagafirði. Ekki nóg með að fjöldi hrossa úr þeirra ræktun hafi glatt augað á kynbótabrautum í sumar, heldur átti búið hæst dæmda kynbótahross Skagafjarðar 2022, Hannibal frá Þúfum, og allar þrjár heiðursverðlaunahryssur ársins, þær Grýlu og Lýsingu báðar frá Þúfum og Pílu frá Syðra-Garðshorni.
Þá var og valinn kynbótaknapi ársins og var það Þórarinn Eymundsson sem hafði mikla yfirburði í stigum í ákveðnu kerfi sem notað er við stigaútreikninga, en hann sýndi 50 fullnaðarsýningar á árinu og þar af fóru 29 hross yfir 8 í aðaleinkunn.
Einn skagfirskur stóðhestur hlaut 1. verðlaun fyrir afkvæmi á Landsmóti á Hellu í sumar, Knár frá Ytra-Vallholti, og hlutu ræktendur hans viðurkenningu frá HSS fyrir það.
Einnig var veitt sérstök viðurkenning til handa ræktendum hæstd æmda klárhests landsins eftir aldursleiðréttingu þetta árið sem er Fróði frá Flugumýri.
Hér á eftir fylgja upplýsingar um verðlaunahafa hjá HSS árið 2022:
Stóðhestar 4 vetra
- Ambassador frá Bræðraá
- Grímar frá Þúfum
- Kvikur frá Nautabúi
Stóðhestar 5 vetra
- Fróði frá Flugumýri
- Sigurfari frá Sauðárkróki
- Suðri frá Varmalandi
Stóðhestar 6 vetra
- Frami frá Hjarðarholti
- Töfri frá Þúfum
- Síríus frá Tunguhálsi II
Stóðhestar 7 vetra og eldri
- Hannibal frá Þúfum
- Skarpur frá Kýrholti
- Seiður frá Hólum
Hryssur 4 vetra
- Agla frá Tölthólum
- Eldey frá Prestsbæ
- Frísk frá Prestsbæ
Hryssur 5 vetra
- Hringsjá frá Enni
- Klukka frá Þúfum
- Kjarnorka frá Flugumýri
Hryssur 6 vetra
- Staka frá Hólum
- Þenja frá Prestsbæ
- Grá frá Hofi á Höfðaströnd
Hryssur 7 vetra og eldri
- Álfamær frá Prestsbæ
- Gjöf frá Hofi á Höfðaströnd
- Kamma frá Sauðárkróki
Hryssur með heiðursverðlaun fyrir afkvæmi
Grýla frá Þúfum
Lýsing frá Þúfum
Píla frá Syðra-Garðshorni
Stóðhestur með 1. verðlaun fyrir afkvæmi
Knár frá Ytra-Vallholti
Sérstök viðurkenning fyrir hæst dæmda klárhest landsins eftir aldursleiðréttingu: Fróði frá Flugumýri.
Hæst dæmda kynbótahross í Skagafirði 2022 (Sörlabikarinn): Hannibal frá Þúfum.
Kynbótaknapi ársins í Skagafirði 2022 (Kraftsbikarinn): Þórarinn Eymundsson.
Tilnefning til kynbótaknapa ársins 2022 í Skagafirði:
Bjarni Jónsson
Mette Mannseth
Hrossaræktarbú ársins í Skagafirði 2022 (Ófeigsbikarinn): Þúfur.
Tilnefning til Hrossaræktarbús ársins í Skagafirði:
Hestklettur
Hólar/Hólaskóli
/Samantekt Þorlákur Sigurbjörnsson
Fleiri fréttir
-
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira -
Úrslit í Vísnakeppni Safnahúss Skagfirðinga
feykir.is Skagafjörður, Aðsendar greinar, Listir og menning 01.05.2024 kl. 09.22Við setningu Sæluviku Skagfirðinga þann 28. apríl sl. voru að venju birt úrslit í vísnasamkeppninni, okkar árlega viðburði, vonandi verður keppnin haldin um ókomin ár. Markmiðið er að fá fólk til að botna fyrirfram gefna fyrriparta og einnig að yrkja vísu eða vísur um líflegt og litríkt forsetaframboð, hafa aldrei fyrr verið jafn margir til kallaðir á þeim vettvangi mun það verðugt rannsóknarefni. Þátttaka í keppninni var nokkuð góð, alls bárust okkur svör frá tíu hagyrðingum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.