Arnar Björnsson kjörinn Íþróttamaður Skagafjarðar 2023
Í gærkvöldi fór fram mikil og góð hátíðarsamkoma í Ljósheimum þar sem tilkynnt var um val á íþróttamanni Skagafjarðar 2023 sem og þjálfara og lið ársins. Það þarf sjálfsagt ekki að koma nokkrum á óvart að meistaralið Tindastóls náði fullu húsi í valinu; Arnar Björnsson var kjörinn íþróttamaður Skagafjarðar, Pavel Ermolinski þjálfari ársins og Íslandsmeistarar Tindastóls í körfuknattleik lið ársins.
Það eru Ungmennasamband Skagafjarðar og sveitarfélagið Skagafjörður sem standa að kjörinu. Boðið var upp á veitingar og Sæþór Már Hinriksson sá um að allir væru syngjandi kátir. Gunnar Þór Gestsson, formaður UMSS, hafði veg og vanda að afhendingu verðlauna.
Fimm voru tilnefndir sem íþróttamenn Skagafjarðar; Anna Karen Hjartardóttir kylfingur í Golfklúbbi Skagafjarðar, Daníel Gunnarsson hestamaður í Hestamannafélaginu Skagfirðing, Ísak Óli Traustason, frjálsíþróttamaður í Umf. Tindastól, Murielle Tiernanknattspyrnumaður í Umf. Tindastól og Sigtryggur Arnar Björnsson körfuknattleiksmaður í Umf. Tindastól. Arnar var að auki valinn Íþróttamaður Tindastóls.
Auk Pavels voru Annika Líf Maríudóttir Noack (júdódeild Tindastóls), Atli Freyr Rafnsson (Golfklúbbi Skagafjarðar), Halldór Jón Sigurðsson (knattspyrnudeild Tindastóls) og Sigurður Arnar Björnsson (frjálsíþróttadeild Tindastóls) tilnefnd sem þjálfarar ársins.
Þá voru kvennasveit Golfklúbbs Skagafjarðar og kvennalið Tindastóls í knattspyrnu tilnefnd sem lið ársins ásamt körfuboltaliði karla hjá Tindastóli. Það voru þeir Pétur Rúnar, Drungilas, Helgi Rafn og Arnar Björns sem tóku við verðlaununum fyrir hönd meistaraliðsins.
Hvatningarverðlaun UMSS árið 2023 hlutu eftirtaldir aðilar:
Alexander Leó Sigurjónsson Hestamannafélagið Skagfirðingur
Axel Arnarsson Umf. Tindastóll körfuknattleiksdeild
Álfrún Anja Jónsdóttir Umf. Tindastóll frjálsíþróttadeild
Dagbjört Sísí Einarsdóttir Golfklúbbur Skagafjarðar
Dagmar Helga Helgadóttir Umf. Neisti
Emma Katrín Helgadóttir Umf. Tindastóll badmintondeild
Freyr Hugi Herbergsson Umf. Tindastóll júdódeild
Gígja Rós Bjarnadóttir Golfklúbbur Skagafjarðar
Halldór Stefánsson Smári og Umf. Tindastóll frjálsíþróttadeild
Hjördís Halla Þórarinsdóttir Hestamannafélagið Skagfirðingur
Ivan Tsvetomirov Tsonev Umf. Tindastóll knattspyrnudeild
Ísak Hrafn Jóhannsson Ungmennafélagið Tindastóll skíðadeild
Jóhanna María Grétarsdóttir Noack Umf. Tindastóll Júdódeild
Klara Sólveig Björgvinsdóttir Umf. Tindastóll körfuknattleiksdeild
Rakel Sonja Ámundadóttir Ungmenna- og Íþróttafélagið Smári
Sigríður Hrafnhildur Stefánsdóttir Umf. Tindastóll knattspyrnudeild
Tómas Bjarki Guðmundsson Golfklúbbur Skagafjarðar
Una Karen Guðmundsdóttir Golfklúbbur Skagafjarðar
Hér að neðan má sjá myndir sem teknar voru á hátíðarsamkomunni.
Fleiri fréttir
-
Hlaupið fyrir Einstök börn á morgun
feykir.is Skagafjörður, Mannlíf 30.04.2024 kl. 17.38Hlaupahópurinn 550 Rammvilltar blæs á ný til styrktarhlaups fyrir félagið Einstök börn þann 1. maí á Sauðárkróki en hlaupið hefst kl. 14:00. Veðurstofan spáir björtu veðri með dassi af norðanátt en er frekar sparsöm á hitastigin. Það stefnir því allt í upplagt hlaupaveður og engin afsökun að hanga heima.Meira -
Skemmdir á um 1500 fermetrum vallarins
feykir.is Skagafjörður, Íþróttir 30.04.2024 kl. 15.03Feykir.is birti í síðustu viku viðtal við Adam Smára Hermannsson, formann knattspyrnudeildar Tindastóls, sem sagði frá talsverðu tjóni sem varð á gervigrasvellinum glæsilega á Sauðárkróki í leysingum þann 20. apríl en þá fór völlurinn undir vatn. Í gær birtist frétt á vef Skagafjarðar þar sem greint var frá því að eftir athugun í liðinni viku liggi fyrir að skemmdir urðu á vellinum á um 1.500 fermetrum, þar af eru um 1.000 fermetrar illa farnir.Meira -
Loftslagsráðherrann og sveitarfélögin á Norðurlandi vestra | Sigurjón Þórðarson skrifar
feykir.is Skagafjörður, Aðsendar greinar 30.04.2024 kl. 15.02Núverandi umhverfisráðherra fer með himinskautum í endurskipulagi stofnana ráðuneytisins, þar sem rauði þráðurinn er að sjónarmið Samtaka atvinnulífsins ráði ferðinni í einu og öllu.Meira -
Samvinnurými á Skagaströnd hlaut 15 milljón króna styrk
feykir.is Austur-Húnavatnssýsla 30.04.2024 kl. 12.25SSNV og sveitarfélagið Skagaströnd hafa undirritað samning vegna 15 milljón króna styrks til að skapa samvinnurými á Skagaströnd. Í frétt á vef SSNV segir að markmiðið með verkefninu sé að skapa samvinnurými á Skagaströnd með því að standsetja og markaðssetja húsnæði í eigu sveitarfélagsins, skapa forsendur fyrir léttan iðnað í hluta hússins og aðstöðu fyrir frumkvöðla og minni fyrirtæki í öðrum hluta þess.Meira -
Skagabyggð hlaut styrk vegna Verndun Kálfshamarsvíkur
feykir.is Austur-Húnavatnssýsla 30.04.2024 kl. 10.44Skagabyggð hlaut fyrir helgi styrk frá Framkvæmdasjóði ferðamannastaða að upphæð 3.600.000 kr. vegna verkefnisins Verndun Kálfshamarsvíkur sem miðar að því að hreinsa í burtu núverandi girðingar á deiliskipulagssvæðinu og girða svæðið af upp á nýtt. Einnig á að hnitsetja og merkja um 3 km langa gönguleið og setja tréstíga yfir blautustu svæðin á þeirri leið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.