Er hægt að blása lofti í sprungna blöðru?
Síðasta umferðin í Dominos-deildinni var spiluð í kvöld og fengu Tindastólsmenn lið Stjörnunnar í heimsókn í galtómt Síkið. Sigur hefði tryggt heimamönnum spennandi einvígi við lið Þórs Þorlákshöfn í úrslitakeppninni en úrslit kvöldsins fóru á þann veg að lið Tindastóls endaði í áttunda sæti deildarinnar og spilar því við Keflavík í átta liða úrslitum. Það þýðir auðvitað að leikurinn gegn Stjörnunni tapaðist og þrátt fyrir að leikurinn hafi verið ágæt skemmtun og spennandi þá var þetta undarlega andlaust hjá heimamönnum. Lokatölur 96-102 eftir framlengingu.
Gestirnir voru sterkari í fyrsta leikhluta og leiddu að honum loknum 13-20. Stólarnir hófu annan leikhluta af kraftir og minnkuðu muninn í eitt stig en Stjarnan rétti aftur úr kútnum og gestirnir voru yfirleitt þetta 2-6 stigum yfir fram að hléi. Tomsick gerði sex síðustu stig Stólanna og minnkaði muninn í eitt stig þannig að staðan í hálfleik var 44-45. Jafnræði var með liðunum í síðari hálfleik en það voru þá Stjörnumenn sem leiddu lengstum. Endrum og sinnum komust Stólarnir yfir en þeir skutu sig jafnan í fótinn í framhaldinu með klaufagangi og slæmum ákvörðunum.
Stjarnan var sex stigum yfir þegar lokafjórðungurinn hófst, 62-68, og þeir komust fljótlega átta stigum yfir. Um miðjan leikhlutann gekk lítið hjá gestunum og þristar frá Tomsick og Udras minnkuðu muninn í eitt stig, 75-76, og þegar tæpar þrjár mínútur voru til leiksloka kom Whitfield liði Tindastóls loks yfir, 81-79, og Udras bætti tveimur stigum við. Brodnik kom heimamönnum fimm stigum yfir þegar tæplega ein og hálf mínúta var eftir, 86-81, en lokakaflinn var grátlega slakur þar sem halda mátti að lið Tindastóls væri skíthrætt við að vinna leikinn. Pétur gat farið langt með að tryggja sigurinn af vítalínunni en setti bara annað skotið niður og Ægir Þór jafnaði leikinn með auðveldu stökkskoti. Staðan 87-87 og leikurinn framlengdur.
Það þótti eitthvað fínt hjá Stólunum að gefa Ægi nokkur skot og þristur frá honum kom Stjörnunni sjö stigum yfir um miðja framlengingu. Tomsick og Brodnik svöruðu með þristum og munurinn eitt stig. Stólarnir unnu síðan boltann og fengu víti þegar 45 sekúndur voru eftir en Udras klikkaði á báðum skotunum, Brodnik náði frákastinu og sendi boltann á Tomsick sem féll kylliflatur á auglýsingalímmiða á gólfinu og missti boltann. Mirza rak svo naglann í kistu Stólanna með örvæntingarþristi rétt áður en skotklukkann rann út og þar með voru úrslitin ráðin.
Kannski var lið Tindastóls bara einum auglýsingalímmiða frá því að tryggja sér sjöunda sætið í deildinni en var ekki stefnan sett hærra? Stemningsleysið í liði Tindastóls var þrúgandi í kvöld. Hvar er gamli góði fítonsandinn í leikhléum þar sem menn skiluðu sér út á parketið uppveðraðir og til í slaginn? Hvar er ákefðin, stoltið og leikgleðin? Það lítur einfaldlega út fyrir að þessir leikmenn séu ekki tilbúnir að fara alla leið fyrir þjálfarann. Það lítur út fyrir að þjálfaranum hafi mistekist að búa til lið. Það lítur út fyrir að menn séu löngu orðnir hundleiðir á þessum langa körfuboltavetri. Það lítur út fyrir að nú séu góð ráð dýr.
Á lið Tindastóls einhvern möguleika á að standa í meistaraliði Keflavíkur í úrslitakeppninni? Það er ólíklegt en stuðningsmenn fara ekki fram á annað en Tindastólsmenn sýni hjarta og berjist til síðustu sekúndu. Upp með hausinn og áfram gakk!
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.