Keflvíkingar stungu Stólana af í fjórða leikhluta
Lið Tindastóls mætti Keflvíkingum suður með sjó í Subway-deildinni nú í kvöld. Leikurinn var bísna fjörugur og þá sérstaklega í fyrri hálfleik. Gestirnir leiddu 53-58 í hálfleik en Keflvíkingum tókst að gera Stólunum erfitt fyrir í síðari hálfleik og stungu síðan af með stigin tvö í fjórða leikhluta sem þeir unnu 28-12 og leikinn þar með 99-86.
Það var hasar og læti í fyrsta leikhluta og bæði lið á eldi. Fjórir þristar frá Þóri í fjórum tilraunum voru vel þegnir hjá gestunum og Tindastólsliðið var yfir að loknum fyrsta leikhluta, 32-33. Calloway og Arnar gerðu tvær körfur hvor í upphafi annars leikhluta og Stólarnir þá komnir með ellefu stiga forystu, 32-43. Keflvíkingar svöruðu fyrir sig og minnkuðu forskot gestanna fyrir hlé. Staðan 53-58 eftir að Martin svaraði tveimur þristum frá Arnari þeð flautuþristi.
Heldur gekk liðunum verr að koma boltanum í körfurnar í þriðja leikhluta, Keflvíkingar minnkuðu muninn í eitt stig en tveir þristar frá Arnari breyttu stöðunni í 60-66. Fjögur stig frá Calloway komu liði Tindatóls sex stigum yfir, 68-74, rétt fyrir lok þriðja leikhluta en Daneiro Thomas átti lokaorðið og smellti niður þristi og munurinn þrjú stig. Keflvíkingar náðu síðan undirtökunum í upphafi fjórða leikhluta, komust strax yfir en aðeins munaði þó tveimur stigum þegar sex mínútur voru til leiksloka, 81-79. Á næstu þremur mínútum gerðu heimamenn níu stig á meðan ekkert gekk hjá Stólunum og þar með var björninn unninn.
Arnar var stigahæstur Stólanna með 22 stig, Þórir skilaði 21 stigi, Calloway var með 15, Lawson 12 og Drungilas 10. en hann hirti 15 fráköst í leiknum. Stólarnir settu 17 3ja stiga körfur í 45 skotum sem er 37% nýting. Lið Tindastóls er nú í sjöunda sæti Subway-deildarinnar og menn þurfa að fara að finna taktinn saman fyrr en síðar – ekki síst ef liðið ætlar sér heimaleikjarétt í úrslitakeppninni. Deildin er hins vegar hnífjöfn og skemmtileg og allt getur gerst. Áfram Tindastóll!
Fleiri fréttir
-
Lukkan í liði Selfyssinga þegar Kormákur/Hvöt laut í gras
feykir.is Austur-Húnavatnssýsla, Íþróttir, Vestur-Húnavatnssýsla 05.05.2024 kl. 18.30Lið Kormáks/Hvatar hóf leik í 2. deild Íslandsmótsins í knattspyrnu í gærdag en þá héldu Húnvetningar á Selfoss þar sem lið Selfoss beið þeirra. Gestirnir voru þéttir til baka og sköpuðu sér vænlegar stöður sem ekki nýttust en lið heimamanna fékk eitt gott færi og nýtti það. Lokatölur því 1-0 og nú krossa Húnvetningar fingur og treysta á að fall sé fararheill.Meira -
Allt frá sumarkaffi í Árskóla til súpermanna á hestbaki í Sæluvikunni
feykir.is Skagafjörður, Ljósmyndavefur, Listir og menning 05.05.2024 kl. 15.28Sæluvikunni lýkur í dag þó svo enn eigi eftir að frumsýna Sæluvikustykki Leikfélags Sauðárkróks af ástæðum sem ættu nú að vera flestum kunnar. Einn stærsti viðburður Sælunnar var í gærkvöldi en þá fór Tekið til kostanna fram í Svaðastaðahöllinni þar sem frábær hross og knapar létu ljós sín skína.Meira -
Keppt í tölti og flugskeiði á lokamóti Meistaradeildar KS
feykir.is Skagafjörður, Íþróttir, Hestar 05.05.2024 kl. 14.30Lokamót Meistaradeildar KS í hestaíþróttum var haldið sl. föstudagskvöld í boði Fóðurblöndunnar. Á þessu síðasta keppniskvöld deildarinnar var keppt í tölti og skeiði en kvöldið hófst á forkeppni í Tölti T1. Það voru þeir félagar, villiköttur Hrímnis-Hestkletts, Páll Bragi Hólmarsson og Vísir frá Kagaðarhóli, sem stóðu uppi sem sigurvegarar í tölti með einkunnina 8.83. Agnar Þór Magnússon og Stirnir frá Laugavöllum reyndust fremstir í flokk í flugskeiðinu.Meira -
Undirbúningur að uppsetningu á nýstárlegri gróðurstöð í Miðfirði í fullum gangi
feykir.is Vestur-Húnavatnssýsla 05.05.2024 kl. 10.29Fulltrúar frá Skógarplöntum ehf. ásamt Magnúsi Barðdal verkefnastjóra frá SSNV vinna nú að uppsetningu á nýstárlegri gróðurstöð til framleiðslu á skógarplöntum í Miðfirði í Húnaþingi vestra. Sagt er frá því á FB síðu SSNV að í tengslum við verkefnið hafi hópurinn farið til Svíþjóðar og Hollands á dögunum til að kynna sér aðrar sambærilegar gróðurstöðvar og skoða búnað frá framleiðendum. Verkefnið hefur verið í undirbúningi í um tvö ár og standa vonir til að framkvæmdir hefjist á árinu.Meira -
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.