Öflugur kappi í markið hjá Stólunum
Nú í vikunni var nýr markvörður kynntur til leiks hjá 4. deidar liði Tindastóls í knattspyrnu. Það er Nikola Stoisavljevic, 26 ára gamall Serbi, 192 sm á hæð, sem skrifaði undir tveggja ára samning en hann lék með liði KFA í 2. deildinni í fyrrasumar og var þá valinn markvörður tímabilsins í deildinni.
Hann mun mæta til leiks í byrjun apríl en fram kemur í fréttatilkynningu frá knattspyrnudeildinni að það sé mikil ánægja með að Nikola hafi valið að taka slaginn með liði Stólanna og vera partur af því plani sem lagt er af stað með. Haft er eftir Nikola að hann sé sæll með að hafa skrifað undir samning við lið Tindastóls og vilji hjálpa liðinu að komast aftur þangað sem það á að vera.
Margir vænir kappar hafa staðið milli stanganna hjá Stólunum síðustu árin en kannski má segja að nokkuð sé um liðið síðan verulega öflugur markvörður hefur verið með liðinu.
Gott gengi í Lengjubikarnum
Þá var fyrr í vikunni kynntur til leiks splunkunýr sóknarmaður, David Bercedo, og mun hann spila með liðinu í sumar. Hann er 25 ára gamall Madridingur sem kemur til Stólanna frá Quinnipiac University háskólanum í Bandaríkjunum. David kom til landsins sl. föstudag og tók þátt í sínum fyrsta leik um liðna helgi.
Í lok febrúar skrifuðu heimamennirnir efnilegu, Bragi Skúlason og Svend Emil Busk Friðriksson, undir tveggja ára samning við Stólana og verða því á fullri ferð með þeim hvítu og rústrauðu í sumar.
Lið Tindastóls tekur þátt í C-deild Lengjubikarsins og hefur þegar spilað þrjá leiki og unnið þá alla. Fyrst lögðu þeir Samherja 2-6 í Boganum, þá KM 3-1 á Sauðárkróksvelli og nú síðast höfðu Stólarnir betur gegn liði Skallagríms, 0-2, í Akraneshöllinni. Kría hefur einnig unnið alla sína leiki og liðin mætast einmitt á Króknum nú á laugardaginn og ræðst þá hvort liðið sigrar í riðlinum.
Fleiri fréttir
-
Að pissa eða ekki pissa | Leiðari 16. tölublaðs Feykis
feykir.is Skagafjörður, Aðsendar greinar 03.05.2024 kl. 15.36...Í bíó á þessum tímum voru mögulega myndir á borð við Cannonball Run, Grease og Superman. Ekki var óvanalegt að Mundi hitaði upp með einum RoadRunner áður en stjörnunar birtust á tjaldinu. Klassískar Sæluvikumyndir voru Áfram-myndirnar (Carry On) og Trinity-myndirnar með hinum óborganlegu Terence Hill og Bud Spencer. Risinn Bud rotaði menn miskunnarlaust með einu góðu höggi ofan á höfuðið – brosti aldrei og var frekar þreyttur á þessum aumingjum sem voru með vesen. Þessar myndir hafa pottþétt ekki elst eins vel og Chaplin myndirnar sem Mundi sýndi í Sæluviku – enda kvikmyndaklassík einstaks listamanns...Meira -
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira -
Atkvæðagreiðsla utan kjörfundar vegna forsetakjörs 1. júní 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 13.45Í tilkynningu frá Sýslumanninum á Norðurlandi vestra eru hér upplýsingar um utankjörfundaratkvæðagreiðsla vegna forsetakjörs þann 1. júní 2024 er hafin.Meira -
F. Jónsson stækka trésmíðaverkstæði sitt um ríflega helming
feykir.is Skagafjörður 03.05.2024 kl. 13.32Talsvert hefur verið byggt af iðnaðarhúsnæði á Sauðárkróki nú í vetur og þar á meðal má nefna að F. Jónsson byggingaverktakar hafa verið að stækka við sig. Friðrik Þór Ólafsson, starfsmaður F. Jónsson, segir að með byggingunni sé verið að rúmlega tvöfalda stærð aðstöðu þeirra en við eldra húsnæðið bætast nú 800 m2. „Innan þessarar nýbyggingar eru aðallega geymslur fyrir ýmisleg tengt okkar stafsemi en þar að auki er gert ráð fyrir vélskemmu og nýrri skrifstofu og aðstöðu starfmanna,“ segir Friðrik.Meira -
Tvöfaldur skammtur af Stólastúlkum í kvöld
feykir.is Skagafjörður, Íþróttir 03.05.2024 kl. 13.22Stuðningsfólk Tindastóls gæti lent í smá veseni í kvöld þegar ákveða þarf hvar skal koma sínum Stólarassi fyrir á höfuðborgarsvæðinu. Ástæðan er sú að Stólastúlkur verða bæði í eldlínunni í Bestu deild kvenna í knattspyrnu á Samsung-vellinum í Garðabæ en í Austurbergi í Breiðholti Reykjavíkur spila körfuboltastelpurnar þriðja leikinn í einvígi sínu við lið Aþenu um sæti í Subway-deildinni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.