Öruggur sigur Tindastóls á Fjölni í Lengjubikarnum
Tindastólsmenn áttu ekki í vandræðum með lið Fjölnis í Lengjubikarnum í gærkvöldi en liðin áttust við í Dalshúsum. Í lið heimamanna vantaði þrjá leikmenn en Stólarnir prufukeyrðu nýjan kana, Drew Gibson, sem lék rúmar 20 mínútur og gerði 8 stig. Stólarnir voru með góða forystu í hálfleik og gekk heimamönnum illa að lagfæra stöðuna og lokatölur 79-102 fyrir Tindastól.
George Valentine byrjaði leikinn af kraft og gerði 6 fyrstu stigin og Stólarnir náðu sæmilegri forystu, 7-15, en heimamenn gerðu næstu 7 stig og allt í járnum. Tindastóll hélt forystunni út leikhlutann. Staðan 26-28. Fjölnir komst yfir í byrjun annars leikhluta, 32-30, en þá settu Þröstur Leó og Rikki niður þrista og og í stöðunni 34-36 skelltu Stólarnir í lás í vörninni og síðustu 5 mínútur fyrri hálfleiks gerðu heimamenn ekki eitt einasta stig en gestirnir riðu á vaðið og gerðu 15 stig á sama tíma. Staðan í hálfleik 34-51.
Fjölnismenn voru ekki snöggir úr startholunum í byrjun þriðja leikhluta. Valentine og Helgi Rafn juku forystuna í 21 stig en Fjölnir komst loks á blað þegar 2 mínútur voru liðnar en þá var leik nánast lokið. Það sem eftir lifði leiks voru Stólarnir alltaf 15-25 stigum yfir og fór svo að lokum að strákarnir skiluðu í hús 23ja stiga sigri, 79-102.
Valentine lék lausum hala í gærkvöldi, gerði 27 stig, en Þröstur Leó og Isaac Miles gerðu 13 stig hvor en Þröstur gerði sér lítið fyrir og tók flest fráköst Tindastólsmanna, eða 9 talsins. Nýi leikmaðurinn, Drew Gibson, gerði 8 stig í leiknum og átti 9 stoðsendingar og stal að auki 4 boltum.
Tindastóll hefur nú spilað fjóra leiki í Lengjubikarnum og unnið þá alla sem er frábær árangur. Næstkomandi sunnudag fá Stólarnir Breiðablik í heimsókn í Lengjubikarnum og þann 18. nóvember spila þeir síðasta leik sinn í riðlakeppninni þegar þeir mæta Stjörnunni í Garðabæ.
Stig Tindastóls: Valentine 27, Isaac Miles 13, Þröstur Leó 13, Helgi Rafn 11, Gibson 8, Svabbi 7, Arnar 6, Hreinsi 6 og Rikki 5 stig.
Fleiri fréttir
-
Grindhvalur fannst á óvæntum slóðum
feykir.is Skagafjörður, Lokað efni 21.09.2025 kl. 20.51Feykir fékk á föstudagskvöldið upphringingu þar sem tilkynnt var um óvanalegan hvalreka og myndir af hvalnum fylgdu í kjölfarið. Umsvifalaust var send fyrirspurn á Náttúrustofu Norðurlands vestra og það kom í ljós að þar vissu menn um hvalrekann en um var að ræða grindhval sem þótti svo sem ekki heyra til tíðinda. Það sem kom þó á óvart var staðsetningin.Meira -
Kotasæluvefja og baunapylsur | Feykir mælir með
feykir.is Skagafjörður, Í matinn er þetta helst, Lokað efni 21.09.2025 kl. 14.05Í tbl. 23 á þessu ári var Feykir að mæla með tveimur girnilegum uppskriftum frá vinkonu okkar Berglindi Hreiðarsdóttur sem er með heimasíðuna Gotteri og gersemar. Var á þeim tíma ekki búin að prufukeyra þá og er ekki enn.... en það hlítur að styttast í að ég gefi mér tíma í það enda virka þeir auðveldir í framkvæmd og efast ekki um að þeir eigi eftir að vera bragðgóðir.Meira -
Örnám, einstakt tækifæri | Aðsend grein
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 21.09.2025 kl. 12.33Þann 15. september komu saman rektor Háskólans á Hólum ásamt deildarstjórum, prófessor, gæðastjóra og kennslustjóra með fulltrúum Háskólafélags Suðurlands, SASS og atvinnugreinum á Suðurlandi til vinnufundar um samstarf á nýrri nálgun í háskólamenntun, þróun örnáms á háskólastigi.Meira -
Stólastúlkur í erfiðum málum í Bestu deildinni
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 20.09.2025 kl. 19.16Lokaumferðin í hefðbundinni deildarkeppni í Bestu deild kvenna var spiluð í dag og það var sterkt lið FH sem kom á Krókinn þar sem lið Tindastóls beið þess. Hlutskipti liðanna er ólíkt; Stólastúlkur í bullandi fallbaráttu en lið FH að reyna að halda spennu í toppbaráttunni. Gæðamunurinn kom fljótt í ljós í leiknum og lið Hafnfirðinga vann öruggan 0-4 sigur.Meira -
Drangey – smábátafélag Skagafjarðar sendir frá sér átta ályktanir
feykir.is Skagafjörður 20.09.2025 kl. 18.48Þann 17. september fór fram aðalfundur Drangeyjar – smábátafélags Skagafjarðar og sendi fundurinn frá átta ályktanir. Þannig skora smábátasjómenn á stjórnvöld að endurskoða tafarlaust veiðiheimildir með dragnót upp í fjörur í fjörðum og flóum hér Norðanlands. Þá lagði fundurinn áherslu á að byggðakvóta í Skagafirði verði einungis úthlutað til dagróðrabáta sem eru minni en 30 brt. Lesa má um ályktanir aðalfundsins í fréttinni.Meira
