Skallagrímur fann enga höfuðlausn gegn herskáum Skagfirðingum
Lið Skallagríms og Tindastóls mættust í VÍS-bikarnum í körfubolta í Fjósinu í Borgarnesi í kvöld. Borgnesingar spila í 1. deildinni í vetur líkt og undanfarin tímabil og þeir sáu aldrei til sólar gegn liði Tindastóls í kvöld. Lokatölur voru 61-112 og Stólarnir því komnir í 16 liða úrslitin.
Í stuttu máli þá komust heimamenn aldrei yfir í leiknum, Bess og Badmus komu liði Tindastóls í 0-4 og Arnar Smári minnkaði muninn fyrir Skallana með þristi. Eftir að Skallar minnkuðu muninn í 6-11 eftir ríflega fjögurra mínútna leik gerðu Stólarnir tólf stig í röð. Staðan var 16-25 að loknum fyrsta leikhluta og heimamenn náðu að minnka muninn í fimm stig, 23-28, snemma í öðrum leikhluta en þá skildu leiðir á ný en þó munaði aðeins 16 stigum í hálfleik. Staðan 33-49. Stólarnir skoruðu síðan að vild í þriðja leikhluta sem vannst 19-39 og staðan því 52-88 að honum loknum.
Það fengu að sjálfsögðu allir leikmenn Tindastóls að láta ljós sitt skína í kvöld og allir komust á blað nema Axel Kára sem var nú reyndar eitthvað lítið að nota skothöndina gegn sínum gömlu félögum í Fjósinu. Byrjunarlið Tindastóls gerði 65 stig en bekkurinn 47. Lið Tindastóls gerði 47 stig úr hraðaupphlaupum en lið heimamanna tapaði boltanum 35 sinnum í leiknum. Pétur Rúnar átti frábæran leik en hann gerði 18 stig, tók átta fráköst og átti ellefu stoðsendingar. Badmus var stigahæstur með 22 stig, Javon Bess var með 18 stig líkt og Pétur og Arnar skilaði 17 stigum.
Fleiri fréttir
-
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira -
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.