Stólarnir á flötu að Hlíðarenda
Rússíbanareið Tindastóls í Subway-deildinni heldur áfram. Í gær rúlluðu okkar menn suður að Hlíðarenda þar sem Valsmenn biðu þeirra. Eftir ágæta byrjun gestanna í leiknum náðu Valsmenn frumkvæðinu í öðrum leikhluta og gerðu svo bara lítið úr Stólunum í síðari hálfleik. Lokatölur 96-71 og lítil stemning fyrir svona tölum hjá stuðningsmönnum Stólanna – og sjálfsagt ekki hjá leikmönnum heldur. Það er því vonandi að að strákarnir rétti úr kútnum þegar Vesturbæingarnir heimsækja Síkið nk. fimmtudag.
Valsmenn voru skrefinu á undan í fyrsta leikhluta en Stólarnir vel inni í leiknum. Taiwo jafnaði leikinn, 16-16, þegar tæpar sex mínútur voru liðnar og Siggi kom okkar mönnum yfir með sjaldséðum þristi. Valsmenn komust þó aftur yfir en Bess minnkaði muninn í eitt stig, 23-22, með þristi undir lok fyrsta leikhluta. Liði Tindastóls gekk illa að eiga við góðan varnarleik Valsmanna sem voru komnir níu stigum yfir, 35-26, eftir fjórar mínútur í öðrum leikhluta. Hlutirnir geta gerst hratt í körfunni og tveir þristar frá Axel og Bess minnkuðu bilið í þrjú stig á mínútu. Valsmenn tóku þá leikhlé og náðu undirtökunum á ný og leiddu í hléi, 47-39, en Arnar lagaði stöðuna með þristi í blálok fyrri hálfleiks.
Stólarnir héldu í horfinu fyrstu tvær-þrjár mínútur þriðja leikhluta en síðan tóku heimamenn leikinn yfir með þá Bertone og Kristófer Acox í banastuði en þeir tvær voru með álíka marga framlagspunkta í leiknum og allt lið Tindastóls! Það var fátt um fína drætti í leik Stólanna og eingöngu Bess sem sýndi smá líf en hann var eini leikmaður liðsins sem gerði meira en níu stig í leiknum. Staðan var 70-54 að loknum þriðja leikhluta og í fjórða leikhluta kom í ljós að lengi getur vont versnað.
Sem fyrr segir var Javon Bess atkvæðamestur í liði Tindastóls með 22 stig og fimm fráköst. Fjórir leikmenn skiluðu níu stigum í hús; Taiwo, Arnar, Siggi og Zoran Vrkic sem spilaði sinn fyrsta leik fyrir lið Tindastóls í gærkvöldi. Hann tók að auki þrjú fráköst og átti fjórar stoðsendingar. Siggi var með átta fráköst og Pétur sjö stoðsendingar.
Skotnýting Tindastóls var 41% í leiknum en Valsmanna 49% og Stólarnir fengu aðeins sjö vítaskot á móti 19 vítum Valsmanna sem segir sína sögu. Liðin fráköstuðu svipað en Stólarnir töpuðu 19 boltum á meðan Valsmenn töpuðu níu og munar um minna.
„Mér fannst við lélegir á báðum endum vallarins. Við misstum Val langt frá okkur í seinni hálfleik. Varnarleikurinn var slakur og sóknarleikurinn ekki upp á marga fiska. Það var hvorki orka né vilji til að spila og verðum við að líta í eigin barm og gera betur. Mér fannst við aldrei ná neinu augnabliki í leiknum og virkaði allt sem við gerðum einfaldlega flatt,“ sagði svekktur Baldur Þór, þjálfari Tindastóls, í samtali við Vísi.is að leik loknum.
Fleiri fréttir
-
Lifandi samfélag – er slagorð Húnaþings vestra
feykir.is Vestur-Húnavatnssýsla 24.04.2024 kl. 08.03Á dögunum var efnt til kosningar á milli fimm tillagna af slagorði fyrir Húnaþing vestra. Slagorðið Lifandi samfélag varð hlutskarpast og hefur sveitarstjórn samþykkt tillöguna. Í tengslum við kosninguna var þátttakendum boðið að skrá netfang sitt og taka þátt í happadrætti. Dregið hefur verið úr pottinum og voru Pálína Fanney Skúladóttir og Hörður Gunnarsson dregin úr pottinum.Meira -
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.