Tap í Blue-höllinni í gær
Það leið ekki langur tími á milli leikja hjá Stólastúlkum þessa vikuna og voru þær eflaust ennþá í sigurvímu eftir frábæran sigur á Stjörnunni síðastliðinn sunnudag. Í gær heimsóttu þær Keflavík í Blue-höllinni og má búast við að heimferðin hafi verið frekar döpur því niðurstaða leiksins var tap, lokatölur 77-67.
Liðið var, eins og svo oft áður, fámennt en góðmennt og náðu Stólastúlkur að láta Keflavík hafa fyrir hlutunum fram að hálfleik. Staðan eftir fyrst leikhluta var 15-13 fyrir Keflavík en hálfleikstölur 39-38. Eftir hlé tóku heimastúlkur hægt og rólega yfir leikinn og náðu mest 12 stiga forskoti á Stólana sem náðu aldrei að ógna á lokamínútum leiksins. Enga að síður flottur leikur hjá stelpunum sem eiga næst leik gegn Ármanni þann 21. mars í Síkinu.
Stigahæst í liði Stólanna var Marta Hermida með 26 stig, Madison Sutton var með 22 stig, Roselis Silva með átta stig, Oceane með fimm stig, Rannveig með fjögur og Inga Sólveig tvö stig.
Áfram Tindastóll!
Fleiri fréttir
-
Gömlu dansarnir í félagsheimilinu á Blönduósi föstudagskvöldið 6. mars
feykir.is Skagafjörður, Austur-Húnavatnssýsla, Vestur-Húnavatnssýsla 05.03.2026 kl. 13.41Föstudaginn 6. mars, það er á morgun, verða þeir dansar sem í daglegu tali eru nefndir „gömlu dansarnir“ dansaðir í félagsheimilinu á Blöndusósi frá kl. 20-22. Þetta eru dansar eins og t.d. vals, ræl, polka, vínarkruss, masúrka og skottís og verða þeir félagar Benni og Skarphéðinn ásamt hljómsveit sem halda uppi fjörinu á staðnum.Meira -
Kjördagur fyrir komandi sveitarstjórnarkosningar fer fram 16. maí nk.
feykir.is Skagafjörður, Mannlíf 05.03.2026 kl. 11.38Á heimasíðu Skagafjarðar er tilkynning þess efnis að sveitarstjórnarkosningarnar fari fram laugardaginn 16. maí nk. Einnig er vakin athygli á eftirfarandi dagsetningum er varða skilafrest framboða sem er kl. 12:00 þann 10. apríl og að utankjörfundaratkvæðagreiðsla hefjist þann 17. apríl. Þá hefur yfirkjörstjórn Skagafjarðar opnað fyrir rafræna meðmælendasöfnun fyrir framboð til sveitarstjórnar á vef Ísland.is.Meira -
Glaðheimar stækka og fullbókað fyrstu þrjá mánuði ársins
feykir.is Austur-Húnavatnssýsla, Lokað efni 04.03.2026 kl. 14.57Ferðaþjónustufyrirtækið Glaðheimar á Blönduósi eru í stöðugum vexti og gekk rekstur þess vel á síðasta ári, að sögn Lárusar B. Jónssonar framkvæmdastjóra. Í dag er gistirými Glaðheima á svæð-inu fyrir um 150 manns, þar af eru um 30 sumarhús í mismunandi stærðum og gistihús með rými fyrir um 16 manns. Í samtali við Húnahornið segir Lárus að bókanir fyrir árið 2026 hafi verið miklar og að fullbókað sé fyrstu þrjá mánuði ársins. Í ljósi þess hafi eigendur Glaðheima ákveðið að auka verulega við gistiplássið, eða um það bil fyrir 50 manns til viðbótar.Meira -
Tillaga að breyttu deiliskipulagi: Sauðárkrókshöfn - Háeyri 6 og 8
feykir.is Skagafjörður 04.03.2026 kl. 14.01Sveitarstjórn Skagafjarðar samþykkti á 46. fundi sínum þann 25. febrúar 2026 að auglýsa tillögu að breytingu á deiliskipulagi fyrir hafnarsvæðið á Sauðárkróki vegna lóðanna Háeyri 6 og 8 í samræmi við 41. og 43. gr. skipulagslaga nr. 123/2010.Meira
