Tindastóll og Hvöt/Fram á Goðamóti Þórs í 6. flokki kvenna
Um sl. helgi fór fram Goðamót Þórs hjá 6. flokki kvenna í Boganum á Akureyri og sendu bæði Tindastóll og Hvöt/Fram nokkur lið til leiks. Á föstudeginum var hraðmót og spilaðir voru þrír leikir 2*7 mínútur þar sem úrslit leikja sögðu til um í hvaða styrkleikaflokki (A-F) hvert lið spilaði í á laugardeginum. Þá voru einnig spilaðir þrír leikir en hver leikur var 2x10 mínútur og voru svo úrslitaleikir á sunnudeginum þar sem spilað var um sæti.Tindastóll sendi þrjú lið til leiks, Drangey, Málmey og Lundey og Hvöt/Fram sendi tvö lið, lið 1 og lið 2.
Tindastóll Drangey spilaði í A-riðli þar sem þær unnu alla sína leiki á föstudeginum, unnu svo tvo en töpuðu einum á laugardeginum. Þær spiluð svo á sunnudeginum um 1.-4. sætið en enduðu í 3. sæti án þess að tapa leik því ef upp kemur jafntefli þá fer liðið sem skoraði síðasta markið í leiknum sjálfkrafa áfram og lutu þær því í lægra haldi fyrir Breiðablik, sem vann mótið, en unnu Þór.
Hvöt 1 vann sig upp í A–riðil eftir föstudaginn og tapaði einungis á móti Tindastól. Daginn eftir töpuðu þær tveimur leikjum en unnu einn sem gaf þeim að þær spiluðu um 5.- 8. sætið á sunnudeginum. Þar unnu þær einn leik og töpuðu einum og enduðu í 6. sæti. Frábær árangur hjá stelpunum.
Tindastóll Málmey gerði eitt jafntefli, vann einn leik og tapaði einum á hraðmótinu á föstudeginum. Sama saga var hjá þeim á laugardeginum þar sem þær gerðu eitt jafntefli, unnu einn sigur og töpuðu einum leik. Á sunnudeginum töpuðu þær báðum leikjum sínum en voru svakalega flottar á þessu móti.
Stelpurnar í Hvöt 2 unnu tvo leiki og töpuðu einum á hraðmótinu á föstudeginum og spiluðu í E-riðli á laugardeginum þar sem þær unnu alla sína leiki. Næsta dag unnu þær einnig alla sína leiki og urðu þar af leiðandi í 1. sæti í E-riðli. Til hamingju með árangurinn stelpur.
Tindastóll Lundey gerði tvö jafntefli og töpuðu einum leik á föstudeginum en unnu tvo leiki og töpuðu einum á laugardeginum. Þær töpuðu svo báðum leikjunum sínum á sunnudegi en stóðu sig frábærlega vel og gáfust aldrei upp þó leikirnir hafi verið erfiðir.
Allar þessar flottu stelpur sem spiluðu á mótinu fyrir bæði Tindastól og Hvöt/Fram voru liðum sínum til mikils sóma og mátti sjá framfarir hjá þeim öllum á mótinu. Það verður gaman að fylgjast með þessu fótboltastúlkum í framtíðinni.
Fleiri fréttir
-
Að pissa eða ekki pissa | Leiðari 16. tölublaðs Feykis
feykir.is Skagafjörður, Aðsendar greinar 03.05.2024 kl. 15.36...Í bíó á þessum tímum voru mögulega myndir á borð við Cannonball Run, Grease og Superman. Ekki var óvanalegt að Mundi hitaði upp með einum RoadRunner áður en stjörnunar birtust á tjaldinu. Klassískar Sæluvikumyndir voru Áfram-myndirnar (Carry On) og Trinity-myndirnar með hinum óborganlegu Terence Hill og Bud Spencer. Risinn Bud rotaði menn miskunnarlaust með einu góðu höggi ofan á höfuðið – brosti aldrei og var frekar þreyttur á þessum aumingjum sem voru með vesen. Þessar myndir hafa pottþétt ekki elst eins vel og Chaplin myndirnar sem Mundi sýndi í Sæluviku – enda kvikmyndaklassík einstaks listamanns...Meira -
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira -
Atkvæðagreiðsla utan kjörfundar vegna forsetakjörs 1. júní 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 13.45Í tilkynningu frá Sýslumanninum á Norðurlandi vestra eru hér upplýsingar um utankjörfundaratkvæðagreiðsla vegna forsetakjörs þann 1. júní 2024 er hafin.Meira -
F. Jónsson stækka trésmíðaverkstæði sitt um ríflega helming
feykir.is Skagafjörður 03.05.2024 kl. 13.32Talsvert hefur verið byggt af iðnaðarhúsnæði á Sauðárkróki nú í vetur og þar á meðal má nefna að F. Jónsson byggingaverktakar hafa verið að stækka við sig. Friðrik Þór Ólafsson, starfsmaður F. Jónsson, segir að með byggingunni sé verið að rúmlega tvöfalda stærð aðstöðu þeirra en við eldra húsnæðið bætast nú 800 m2. „Innan þessarar nýbyggingar eru aðallega geymslur fyrir ýmisleg tengt okkar stafsemi en þar að auki er gert ráð fyrir vélskemmu og nýrri skrifstofu og aðstöðu starfmanna,“ segir Friðrik.Meira -
Tvöfaldur skammtur af Stólastúlkum í kvöld
feykir.is Skagafjörður, Íþróttir 03.05.2024 kl. 13.22Stuðningsfólk Tindastóls gæti lent í smá veseni í kvöld þegar ákveða þarf hvar skal koma sínum Stólarassi fyrir á höfuðborgarsvæðinu. Ástæðan er sú að Stólastúlkur verða bæði í eldlínunni í Bestu deild kvenna í knattspyrnu á Samsung-vellinum í Garðabæ en í Austurbergi í Breiðholti Reykjavíkur spila körfuboltastelpurnar þriðja leikinn í einvígi sínu við lið Aþenu um sæti í Subway-deildinni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.