Strandveiðin komin á fullt
Þann 2. maí hófst strandveiðitímabilið en það gefur smábátaeigendum leyfi til að veiða í 48 daga yfir fjóra mánuði sem gera 12 daga í hverjum mánuði. Síðastliðin tvö ár hefur reyndar veiðin verið stöðvuð í byrjun/miðjan júlí og eru strandveiðimenn alls ekki sáttir við það og segja að stöðva þurfi yfirgang stórútgerðarinnar í að sölsa undir sig veiðiheimildir sem ætlaðar hafa verið til að efla hinar dreifðu byggðir. Strandveiðin byrjaði mjög vel og segir á mbl.is að á fyrsta degi lönduðu 402 strandveiðisjómenn 336,4 tonnum á öllu landinu. Þar af voru 312,6 tonn af þorski, 752 kíló af gullkarfa, 4,4 tonn af ufsa, samkvæmt gögnum sem Fiskistofa gaf út.
Á Skagaströnd var nóg að gera í sl. viku því þar lönduðu 22 bátar rúmum 70 tonnum í 38 löndunum. Tólf voru á grásleppunni sem lönduð alls 57.653 kg og níu voru á strandveiðunum sem lönduðu rúmum sex tonnum. Aflahæsti báturinn á Skagaströnd var Dagrún HU 121, þriðju vikuna í röð, með rúm 9 tonn í tveimur löndunum. Á Facebook-síðu Skagastrandarhafnar segir að seinni áburðarskipið hafið landað í lok apríl og ber það nafnið Frisian Octa og er 118 metrar á lengd og 16 metrar á breidd. Með því hafi komið 2371 poki eða 1422 tonn af áburði, ekki meira né minna!
Á Króknum lönduðu fimmtán bátar/togarar rúmu 291 tonni í 24 löndunum og var Málmey SK 1 aflahæst með rúm 117 tonn. Af þeim sem lönduðu voru fjórir á grásleppuveiðum sem náðu 18.270 kg á land og sjö á strandveiðunum sem lönduðu 3.703 kg. Fannar SK 11 var aflahæstur, aðra vikuna í röð, af þeim sem voru á grásleppu- og handfæraveiðum. Á vef fisk.is segir að Málmey hafi verið við veiðar á Flugbrautinni og Drangey hafi verið á vestur kantinum við Grímsey.
Ein bátur landaði á Hvammstanga, Steini HU 45, sem var á handfæraveiðum og náði 180 kg á land í einni löndun og einn bátur landaði á Hofsósi, Þorgrímur SK 27, sem var á grásleppuveiðum og landaði 2406 kg í einni löndun. Heildaraflinn á Norðurlandi vestra var því 364.505 kg í 64 löndunum. /sg
- - - - -
Í pappírsútgáfu Feykis má lesa aflafréttir í hverri viku ásamt lista yfir landanir. Hér að neðan má sjá nokkrar ágætar myndir sem birst hafa á Facebook-síðu Skagastrandarhafnar síðustu daga.
Fleiri fréttir
-
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira -
Sigtryggur og Þórir boðaðir til æfinga fyrir undankeppni Eurobasket 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 26.07.2024 kl. 10.29Karlalandsliðið Íslands í körfuknattleik verður við æfingar núna síðustu daga júlí mánaðar. Æfingarnar er liður í undirbúningi fyrir síðustu leikina í undankeppni EuroBasket 2025 sem verða spilaðir í nóvember og febrúar. Tveir leikmenn Tindastóls voru boðaðir til æfinga, þeir Sigtryggur Arnar Björnsson og Þórir Þorbjarnarson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.