Sumardagurinn fyrsti á Hvammstanga

Fjöldi fólks í sumarkaffi á Hvammstanga. MYNDIR AÐSENDAR
Fjöldi fólks í sumarkaffi á Hvammstanga. MYNDIR AÐSENDAR

Sumardagurinn fyrsti á Hvammstanga var að þessu sinni í umsjón Félags eldri borgara í Húnaþingi vestra. Venju samkvæmt var mætingin í Húnaþingi vestra með miklum ágætum en á þriðja hundruð manns mættu í skrúðgöngu, skemmtun og sumarkaffi.

Veðrið lék við Húnvetninga og dagurinn reyndist hinn besti. Félag eldri borgara í Húnaþingi vestra sendir þakkir til allra sem lögðu hönd á plóg. Félagið tók í ár við Sumardagskeflinu af Ingibjörgu (Lillu) Pálsdóttur sem hafði frá upphafi hátíðarhalda á þessum uppáhaldsdegi landsmanna verið í fararbroddi dagskrárinnar á Hvammstanga í samstarfi við ýmis félagasamtök – eða í ein 65 ár og geri aðrir betur!

Guðmundur Haukur Sigurðsson tók myndirnar sem hér fylgja.

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir