Bæjarhátíðin Hofsós heim um helgina
Bæjarhátíðin Hofsós heim verður haldin á Hofsósi nú um helgina og er dagskráin stútfull af skemmtilegum uppákomum sem ættu að höfða til flestra, ungra jafnt sem aldinna og allra þar á milli.
Dagskráin hefst á föstudagskvöld og meðal dagskráratriða eru gönguferð í Grafarós, diskósund í sundlauginni og varðeldur í fjörunni. Í Höfðaborg verður kjötsúpa, myndasýning og dansleikur með Hvanndalsbræðrum og í Sólvík mun Geirmundur Valtýsson halda uppi stuðinu.
Á laugardaginn verður til dæmis hægt að byrja daginn með útijóga og liðka stirða limi eftir gönguferð gærdagsins og dans næturinnar. Um hádegið hefst dagskrá við Höfðaborg. Boðið verður upp á barnadagskrá með margvíslegu skemmtiefni fyrir þau yngstu, grillveislu Lionsmanna, mennskt fótboltaspil og þrautabraut fyrir fullorðna. Handverkshópurinn Fléttan verður með kaffisölu, niðri í fjöru verður fjársjóðsleit og hægt verður að skella sér í sjósund með Sillu Páls. Í Höfðaborg verður markaður og í gamla pakkhúsinu verður bændamarkaður. Um kvöldið verður svo kvöldvaka í Höfðaborg og dansleikur með Stúlla og Danna og DJ Jóni Gesti á eftir. Fyrir þá sem hafa gaman af að brjóta heilann verður keppt í Barsvari í Sólvík.
Í skólanum verður ljósmyndasýning þriggja áhugaljósmyndara sem opnar á föstudagskvöld og einnig verður opinn nytjamarkaður í skólanum á laugardag og sunnudag.
Hægt er að nálgast nákvæma dagskrá í Sjónhorninu og einnig á Facebooksíðunni Bæjarhátíðin Hofsós Heim, 29.júní – 1.júlí. Einnig hefur verið útbúið app fyrir hátíðinaÞá er einnig hægt að nálgast appið sem heitir „Hofsós Heim“.
Fleiri fréttir
-
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira -
Stólastúlkur mæta FH á gervigrasinu klukkan fimm í dag
feykir.is Skagafjörður, Íþróttir 22.04.2024 kl. 08.31Leik Tindastóls og FH í fyrstu umferð Bestu deildar kvenna sem fram átti að fara kl. 16:00 í gær var frestað sökum vallaraðstæðna á Króknum í gær. Í leysingum laugardagsins skiluðu snjóalög í Grænuklaufinni sér niður á vallarsvæðið og var gervigrasvöllurinn á floti og ekki leikhæfur. Gærdagurinn reyndist þurr og í dag er sól og fínerí og leikurinn mun fara fram í dag og hefst kl. 17:00.Meira -
Nóg af verkefnum framundan hjá Fornverkaskólanum
feykir.is Skagafjörður, Listir og menning 21.04.2024 kl. 13.44Það er óhætt að segja að það verður nóg að gera hjá Fornverkaskólanum á árinu. Í lok apríl ætlum við að bregða fyrir okkur betri fætinum og taka stefnuna austur á Seyðisfjörð, þar sem Fornverkaskólinn ætlar að kynna torfarfinn fyrir nemendum LungA lýðskóla. Námskeiðið verður að stórum hluta í máli og myndum og ef veður verður skaplegt og sæmilegt færi verður mögulega hægt að grípa í skóflu og undirristuspaða til ánægju og yndisauka. Setji snjór og vetrarfærð okkur skorður er e.t.v. hægt að fara í tilraunaverkefni með snjóhnausa og streng.Meira -
Heiminn vantar fleiri faðmlög | Leiðari 14. tbl 2024
feykir.is Aðsendar greinar 21.04.2024 kl. 12.08Faðmlag er eitt af mörgum fallegum orðum í íslenskunni. „Faðmlög eru einstaklega jákvæð leið til samskipta og til að sýna væntumþykju. Vinir faðmast og við sýnum fólkinu okkar væntumþykju með faðmlögum,“ segir á netsíðunni Hjartalíf.is og þar er reyndar sagt að faðmlög minnki hættuna á hjarta- og æðasjúkdómum og losi um streytu. Það eru því fá – ef einhver – lög betri en faðmlögin og þau ættu að ósekju að tróna á toppi vinsældalista okkar íbúa bláa hnattarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.