Dagskrá Sæluviku í dag
Það er óhætt að segja að Sæluvika Skagfirðinga hafi farið vel af stað í gær og dagurinn endað með gríðarlegri spennu í Síkinu, mikil stemning og fullt hús. Einnig var vel mætt á tónleika Kvennakórsins Sóldísar í Miðgarði og nánast uppselt á Nei ráðherra, leiksýningu Leikfélags Sauðárkróks. Áfram heldur dagskrá í dag.
Leiðsögn og fjör í Glaumbæ
Daglegar leiðsagnir í gamla bænum kl. 14:00 dagana 25.- 29. apríl.
Hægt er að koma hvenær sem er á opnunartíma safnsins 10:00-16:00 og fara í fróðlegan og skemmtilegan ratleik, verðlaun verða í boði fyrir öll rétt svör.
Minnt er á ársmiðana, þar sem íbúar héraðsins þurfa einungis að greiða aðgangseyri einu sinni (1700 kr. almennt verð en 1500 kr. fyrir eldri borgara, öryrkja og námsmenn) og fá þá miða sem gildir í heilt ár frá kaupum og geta í kjölfarið komið hvenær sem er og eins oft og þeir vilja, þeim að kostnaðarlausu.
Sýning á verkum notenda Iðju-Hæfingar
Árleg sölusýning á verkum notenda Iðju-dagþjónustu verður í Landsbankanum á meðan á Sæluviku stendur.
Sjón er sögu ríkari!
Verið velkomin,
Litbrigði samfélags - Myndlistarsýning
Samsýning myndlistarfólks í Sólon, félagi myndlistarfólks í Skagafirði og nágrenni. Sýningin er haldin í Gúttó og stendur yfir dagana 23. apríl-1. maí. Opið verður á virkum dögum frá kl. 15-18 og um helgar frá kl. 13-16.
Fantastic Beast: The Secrets of Dumbeldore
Króksbíó sýnir kvikmyndina Fantastic Beast: The Secrets of Dumbeldore kl. 20 í kvöld.
Miðapantanir í síma 855 5216. Miðasalan er opin frá 17-20 virka daga og frá 12-20 um helgar.
Kirkjukvöld Kirkjukórs Sauðárkróks
Kirkjukór Sauðárkróks syngur við undirleik Rögnvaldar Valbergssonar á hinu árlega kirkjukvöldi. Einsöngvari verður Ívar Helgason frá Akureyri og ræðumaður kvöldsins er Magnús Pétursson frá Vindheimum. Kynnir er Árni Gunnarsson. Aðgangseyrir 2.000 kr. Enginn posi á staðnum. VERIÐ VELKOMIN.
Sjá dagskrá á saeluvika.is
Fleiri fréttir
-
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira -
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.