Erfiðast fyrir fólk að geta ekki komið saman, hist og blandað geði við aðra
Feykir hafði samband við séra Sigríði Gunnarsdóttur, sóknarprest í Sauðárkróksprestakalli, og forvitnaðist örlítið um kirkjuhald nú á aðventu og jólum. Sigríður segir fátt benda til þess að samkomur á aðventu geti verið með sama sniði og áður. „Ég lifi í voninni að ástandið verði orðið það stöðugt um jól að fólki verði óhætt að ganga til kirkju,“ segir séra Sigríður.
Hvernig verður kirkjuhaldi háttað nú á aðventu? Við höfum ekki getað skipulagt kirkjustarfið langt fram í tímann og ýmsu sem var á dagskrá hefur þurft að aflýsa, fresta eða sleppa. Ég vonast til að núna eftir mánðarmótin verði slakað til þannig að við getum verið með barnastarfið og fermingarfræðslu fram að jólum. Því miður bendir fátt til að samkomur á aðventu geti verið með sama sniði og við eigum að venjast.
Ertu farin að sjá fram á hvernig jólamessur muni fara fram? Enn er of langt til jóla til að við spá fyrir um hvort að hægt verði að messa eða ekki. Við höfum tekið tæknina í okkar þjónustu og ætlum að bjóða fólki til messu eða helgistunda á netinu. Það gafst vel í fyrstu bylgjunni og fengum ágætis viðtökur. Internetið er stórkostlegt tæki til að ná til fjöldans og við höfum verið að feta okkur áfram á þeim brautum. Boðun á netinu er örugglega komin til að vera og hentar sumum vel. Ég lifi í voninni að ástandið verði orðið það stöðugt um jól að fólki verði óhætt að ganga til kirkju. Sauðárkrókskirkja er með facebook síðu og einnig Kirkjan í Skagafirði. Hvet alla kirkju- og Kristsvini til að fylgjast með þar.
Hvernig hafa þessir Covid-mánuðir verið fyrir presta? Kófið fer misjafnlega í presta eins og annað fólk. Þessir mánuðir hafa verið krefjandi á margan hátt. Heilt yfir er erfiðast fyrir fólk að geta ekki komið saman, hist og blandað geði við aðra. Mörg finna til einsemdar og depurðar. Þau sem hafa misst ástvini hafa ekki getað haft útfarir nema með fjöldatakmörkunum og um leið farið á mis við félagslegan stuðning sem er ótrúlega mikilvægur. Í slíkum aðstæðum er nærvera gulls ígildi, heimsókn, klapp á öxlina eða gott faðmlag.
Séra Sigríður segir að hún hafi oft látið sig dreyma um að fá fleiri í kirkju í venjulegar sunnudagsmessur. „Það hefur því komið mér á óvart að fólk saknar þess að ekki sé messað og margir haft orð á því, bæði fastagestir og sjaldséðir kirkjugestir. Við göngum ekki að neinu vísu og stundum kunnum við ekki að meta hlutina fyrr en þeir eru teknir frá manni,“ segir séra Sigríður að lokum.
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.