Feykissýning í tilefni 40 ára afmælis hefur opnað í Safnahúsinu
Í apríl varð héraðsfréttablaðið Feykir 40 ára og var til dæmis haldið upp á tímamótin með útgáfu afmælisblaðs. Nú hefur verið opnuð dálítil afmælissýning í Safnahúsi Skagfirðinga og er sýnt á báðum hæðum. Um er að ræða upprifjanir á minnisstæðum fréttum nokkurra þeirra aðila sem að blaðinu hafa komið í gegnum tíðina. Sýningin er hluti af dagskrá Sæluviku Skagfirðinga sem nú stendur yfir.
Það voru starfsmenn Héraðsskjalasafns Skagfirðinga, þær Sólborg, Kristín og Eyrún, sem höfðu frumkvæði að uppsetningu sýningarinnar, söfnuðu saman efni og tóku viðtöl, en Nýprent annaðist uppsetningu, prentun og frágang. Á öllum spjöldunum má finna svokallaða QR-kóða sem vísa ýmist í fréttirnar sem minnst er og opnast þær þá á Tímarit.is eða þá að hlýða má á hlaðvarpsviðtöl við viðkomandi viðmælendur.
Einnig er hægt að fara inn á heimasíðu Héraðsskjalasafns Skagfirðinga - heradsskjalasafn.skagafjordur.is - og finna þar hlaðvarpsþætti með þessum sömu viðtölum. Sýninguna sjálfa er hægt að skoða á opnunartímum Safnahússins og í vikunni stendur til að opna ljósmyndasafn Feykis á vef safnsins.
Fleiri fréttir
-
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira -
Baldur og Felix á Sauðárkróki og á Blönduósi í dag
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.04.2024 kl. 08.34Það hefur efalaust ekki farið framhjá neinum að það eru forsetakosningar framundan en kosið verður 1. júní. Næsta mánuðinn verða því forsetaframbjóðendur, sem stefnir jú í að verði nokkrir, á faraldsfæti og munu taka í hendur eins margra og auðið er. Í dag verða þeir Baldur og Felix á ferðinni hér norðan heiða og í dag heimsækja þeir Sauðárkrók og Blönduós – þar sem Felix bjó einmitt um tíma.Meira -
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira -
Stólastúlkur mæta FH á gervigrasinu klukkan fimm í dag
feykir.is Skagafjörður, Íþróttir 22.04.2024 kl. 08.31Leik Tindastóls og FH í fyrstu umferð Bestu deildar kvenna sem fram átti að fara kl. 16:00 í gær var frestað sökum vallaraðstæðna á Króknum í gær. Í leysingum laugardagsins skiluðu snjóalög í Grænuklaufinni sér niður á vallarsvæðið og var gervigrasvöllurinn á floti og ekki leikhæfur. Gærdagurinn reyndist þurr og í dag er sól og fínerí og leikurinn mun fara fram í dag og hefst kl. 17:00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.