Það er eins og almáttugur eigi endalausar birgðir þokuskýja
Um liðna helgi voru víða aðal smölunar og réttardagar haustsins. Skaginn austanverður skiptist í nokkur gangasvæði og var Hafragilsfjallið og Sandfellið smalað í blíðviðri á föstudaginn, en þar er féð rekið framfyrir Þverárfjallsveginn og í veg fyrir Enghlíðinga enda að lang mestu leiti kindur þaðan. Almennur gangnadagur var síðan áætlaður á laugardaginn en þann dag varð tæplega sauðljóst vegna þoku og hreifði sig ekki nokkur maður nema flokkur mikill sem gekk Tindastólinn undir styrkri stjórn Friðriks Steinssonar.
Fé sem þar smalaðist var síðan réttað á Sævarlandi á sunnudagsmorguninn. Var beðið í von um að birti upp um hádegi þann daginn en ljóst var að helgin væri að mestu farin í súginn þegar enn þyngdi að.
Fyrr má nú aldeilis fresta gangnadegi,
en færa hann í aðra viku og nýja.
Því það er eins og almáttugur eigi
endalausar birgðir þokuskýja.
Var fjallskilastjórinn, Steinn bóndi á Hrauni, í sífelldum samskiptum við aðra gangnaforingja um framhaldið en víða treysta bændur á aðstoð um helgar svo einsýnt var að mun færri smalar yrðu tiltækir ef reynt yrði að fara fyrsta birtudag.
Mánudagsmorgunn var létt í lofti og ákveðið að fara í Út og Mið -heiðina og samhliða ætluðu Húnvetningar að smala þó fáliðaðir væru. Það hefur lengi verið til siðs á Skaganum að bændur smala sín heimalönd fyrir göngur, bæði vegna slátrunar og eins liggur beinna við að ná fé af ystu bæjum heim en reka það langar leiðir til réttar þvert gegn vilja sínum. Smölum gekk því vel og lauk réttarstörfum í Selnesrétt vel fyrir myrkur.
Hann bauð að lokum birtu og yl
og blés svo þoku af vegi.
Er gerði öll sín gangnaskil
Guð á mánudegi.
Í fljótu bragði eru dilkar heldur fallegir á að líta þó erfitt sé að spá um hvernig þeir muni skerast.
Hvað sem öðru líður er það ákveðin lífsfylling að taka þátt í þessum hauststörfum sem vissulega hafa breyst á liðnum árum með talstöðvum, fjórhjólum, símum og betri skjólfatnaði. Samt sem áður er það þessi tilfinning að fara um og læra á landið, styðjast við sömu örnefni og forfeðurnir gerðu, koma á gamlar seltóftir og velta upp sögunni, jú og gera kannski eitthvert gagn um leið sem dregur svo marga upp á heiðar og inn til dala þegar haustar að.
- - - - -
Myndir og texti: Gunnar Rögnvaldsson
Fleiri fréttir
-
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira -
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira -
,,Ég finn alltaf eitthvað fallegt þar sem mér langar til að gera,,
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.05.2024 kl. 09.12Kristín Lind Sigmundsdóttir er 24 ára gömul og er búsett á Króknum ásamt kærastanum sínum honum Hauki Ingva og litlu stelpunni þeirra Kötlu Daðey. Kristín Lind vinnur á Heilbrigðisstofnun Norðurlands vestra og er að klára sjúkraliðanám.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.