Nýr slökkviliðsbíll til sýnis hjá Brunavörnum Skagafjarðar í Varmahlíð
Opið hús verður hjá Brunavörnum Skagafjarðar í Varmahlíð, föstudaginn 31. október frá kl. 14:00-15:30. Nýr slökkviliðsbíll verður til sýnis fyrir gesti og gangandi og einnig verður starfsemi og búnaður slökkviliðsins kynntur.
Nýr bíll mun leysa af hólmi ríflega 50 ára gamla bifreið Brunavarna Skagafjarðar í Varmahlíð. Um er að ræða undanfaraslökkvi- og björgunarbifreið af Perfekt gerð. Bifreiðin er byggð á MB Sprinter undirvagn og er yfirbyggð hjá Perfekt í Póllandi. Þetta kemur fram á vef Skagafjarðar.
Fyrir bílaáhugafólk þá kemur fram að bifreiðin er sjálfskipt með 9 gírum og hefur leyfilega hámarksþyngd 5.500 kg. Hún rúmar sex slökkviliðsmenn í húsi. Bifreiðin er fullbúin með merkingum, forgangsljósum og gulum aðvörunarljósum.
Yfirbyggingin er úr áli. Dælubúnaður er One Seven OS-900 TeC, sjálfstæð með bensínvél og loftþjöppu. Hann hefur afkastagetu upp á 780 l/mín við 8 bör. Afkastageta með froðublöndu 900 l/mín. Ef eingöngu dælt vatni er afkastagetan 170 l/mín. Stýribúnaður er í 4,3“ skjá með öllum aðgerðum.
Vatnstankurinn er 1.000 lítra, úr tæringarþolnum efnum, með vatnshæðarmæli, og froðutankurinn 100 lítra með froðumagnmæli. Í yfirbyggingunni er einnig miðstöð sem staðsett er í dælurými.
Annar búnaður felur í sér rafdrifið spil með toggetu upp á tæp sex tonn, bæði með snúrutengdri og þráðlausri fjarstýringu, hlífðargrind með LED ljóskösturum, loftdrifið ljósamastur með tveimur 180W flóðljósum og tengingu fyrir húsarafmagn 230V/50Hz.
Fleiri fréttir
-
Jón Gísli leikmaður ársins hjá ÍA
feykir.is Skagafjörður, Íþróttir, Lokað efni 29.10.2025 kl. 14.59Lokahóf Knattspyrnufélags ÍA fór fram um liðna helgi en keppni í Bestu deild karla lauk einmitt um helgina. Að sjálfsögðu höfðu Skagamenn vit á að velja Skagfirðing sem besta leikmann tímabilsins en sá heiður kom í hlut Jóns Gísla Eyland Gíslasonar.Meira -
Síkið í kvöld
feykir.is Skagafjörður, Íþróttir 29.10.2025 kl. 13.32Leikdagur í kvöld miðvikudaginn 29. október þegar Vesturbærinn heimsækir Sauðárkrók. Kvennalið Tindastóls mætir KR klukkan 19:15 og að sjálfsögðu verða hamborgarar á grillinu frá 18:30.Meira -
Alls bárust 100 umsóknir í Uppbyggingarsjóð
feykir.is Skagafjörður, Austur-Húnavatnssýsla, Vestur-Húnavatnssýsla 29.10.2025 kl. 12.26Alls bárust 100 umsóknir í Uppbyggingarsjóð Norðurlands vestra fyrir árið 2026 þegar umsóknarfrestur rann út eftir að fara verið framlengdur til 28. október kl. 12:00.Meira -
Samþykkt að koma fyrir færanlegum götuþrengingum á Króknum
feykir.is Skagafjörður, Lokað efni 29.10.2025 kl. 09.24Á fundi landbúnaðar- og innviðanefndar Skagafjarðar sem fram fór sl. föstudag voru teknar ákvarðanir varðandi hraðaakstur í íbúðahverfum á Sauðárkróki. Á fundi nefndarinnar í júlí var bókað að grípa þyrfti til aðgerða og var starfsmönnum veitu- og framkvæmdasviðs falið að leggja fram tillögur um úrbætur. Þær tillögur voru lagðar fyrir fundinn sl. föstudag og samþykkti nefndin samhljóða tillögur að uppsetningu færanlegra götuþrenginga á Hólavegi, Hólmagrund og Sæmundargötu.Meira
