Hefur flutt fjórum sinnum síðustu vikurnar
Feykir sendi einvalaliði nokkrar spurningar til að gera árið 2023 upp. Fyrstur til svara er þingmaðurinn knái af Reykjanesi, Vilhjálmur Árnason, sem er Skagfirðingur að upplagi og í báðar ættir. Hann býr í Grindavík og þar hefur allt titrað og skolfið síðustu vikurnar eins og allir þekkja.
Hver er maður ársins? – Fannar Jónasson bæjarstjóri Grindavíkur sem hefur komið fumlaust fram fyrir hönd okkar íbúa Grindavíkur, starfsfólks og bæjarstjórnar í þeim miklu áskorunum sem hafa dunið yfir. Hann hefur staðið traustur eins og klettur ásamt því að færa yfirvegun yfir til samfélagsins.
Hver var uppgötvun ársins? – Náttúruöflin eru svo miklu stærri og meiri en maður getur náð tökum á. Á Íslandi þurfamaður og náttúra að læra að lifa saman.
Hvað var lag ársins? – Rúlletta með Ice Guys en við fjölskyldan horfðum saman á þættina og fylgdum laginu þannig úr hlaði.
Hvað gerðirðu ekki á árinu sem þú ætlaðir þér að gera? - Það er margt sem þurfti að fara til hliðar á árinu og m.a. komst ég ekki jafn oft heim í Skagafjörðinn og eins og hafði ætlað mér.
Hvers er eftirminnilegast frá árinu 2023? – Það var tvímælalaust 10. nóvember þegar ég sat inni í sal Öryggisráðs Sameinuðu Þjóðanna þar sem Ísrael og Palestína voru að ávarpa öryggisráðið. Á meðan fylgdist ég með fréttum af náttúruhamförunum heima í Grindavík sem leiddu til rýmingar bæjarins.
Hvaða þrjú orð lýsa árinu best? – Jarðhræringar – óvissa og flutningar. Þeim langvinnu jarðhræingum sem nú ganga yfir á Reykjanesi hefur fylgt mikil óvissa, ein óvissan tekur við af annarri. Það að fá ekki að búa á heimili sínu hefur leitt til þess að við höfum flutt á fjóra mismunandi staði á meðan ferlinu stendur. En nú erum við komin í varanlegt húsnæði með okkar innbúi eitthvað fram á vor.
Hverju viltu skella á brennuna og hvers vegna? – Öllum þeim misvísandi skilaboðum sem hafa komið fram á þessu tímabili síðan Grindavík var rýmd, sérstaklega frá vísindamönnum. Þetta hefur haft mikil áhrif á tilfinningar fólks og einnig framtíð Grindavíkur og hversu hratt uppbyggingin getur gengið fyrir sig.
Hvað viltu sjá gerast árið 2024? – Ég vil sjá meiri bjartsýni og jákvæðni í allri þjóðfélagsumræðu. Vonandi sjáum við Grindavík byggjast hratt upp, verðbólguna húrra niður og aukna orkuöflun hefjast.
Fleiri fréttir
-
,,Ég finn alltaf eitthvað fallegt þar sem mér langar til að gera,,
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.05.2024 kl. 09.12Kristín Lind Sigmundsdóttir er 24 ára gömul og er búsett á Króknum ásamt kærastanum sínum honum Hauki Ingva og litlu stelpunni þeirra Kötlu Daðey. Kristín Lind vinnur á Heilbrigðisstofnun Norðurlands vestra og er að klára sjúkraliðanám.Meira -
Stór sigur á Stjörnunni í Garðabænum
feykir.is Skagafjörður, Íþróttir 03.05.2024 kl. 22.10Eftir tvo tapleiki í byrjun móts var pínu presssa á liði Tindastóls að krækja í stig í Garðabænum í kvöld þegar Stólastúlkur sóttu lið Stjörnunnar heim. Eins og reikna mátti með sat lið Tindastóls aftarlega á vellinum en beitti snörpum skyndisóknum þegar boltinn vannst. Þrátt fyrir að heimastúlkur hafi verið talsvert meira með boltann í kvöld þá unnu gestirnir sanngjarnan sigur, gerðu eitt mark í hvorum hálfleik og hefðu hæglega getað unnið stærra. Lokatölur 0-2.Meira -
Kosið um sameiningu Húna- og Skagabyggðar í júní
feykir.is Austur-Húnavatnssýsla 03.05.2024 kl. 21.45„Við erum bjartsýn en nú er þetta í höndum íbúa,“ er haft eftir oddvitum Húnabyggðar og Skagabyggðar á Facebook-síðu Húnabyggðar í kvöld en sveitarfélögin hafa samþykkt samhljóða að setja sameiningu sveitarfélaganna í íbúakosningu í júní.Meira -
Að pissa eða ekki pissa | Leiðari 16. tölublaðs Feykis
feykir.is Skagafjörður, Aðsendar greinar 03.05.2024 kl. 15.36...Í bíó á þessum tímum voru mögulega myndir á borð við Cannonball Run, Grease og Superman. Ekki var óvanalegt að Mundi hitaði upp með einum RoadRunner áður en stjörnunar birtust á tjaldinu. Klassískar Sæluvikumyndir voru Áfram-myndirnar (Carry On) og Trinity-myndirnar með hinum óborganlegu Terence Hill og Bud Spencer. Risinn Bud rotaði menn miskunnarlaust með einu góðu höggi ofan á höfuðið – brosti aldrei og var frekar þreyttur á þessum aumingjum sem voru með vesen. Þessar myndir hafa pottþétt ekki elst eins vel og Chaplin myndirnar sem Mundi sýndi í Sæluviku – enda kvikmyndaklassík einstaks listamanns...Meira -
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.