Kristín Sigurrós ráðin í starf forstöðumanns Héraðsbókasafns Skagfirðinga
Kristín Sigurrós Einarsdóttir hefur verið ráðin í starf forstöðumanns Héraðsbókasafns Skagfirðinga en hún tekur við starfinu af Þórdísi Friðbjörnsdóttur sem mun láta af starfi forstöðumanns í sumar. Í frétt á vef Skagafjarðar kemur fram að starf forstöðumanns felur í sér allt sem viðkemur starfsemi bókasafns svo sem rekstur, mannaforráð, gerð fjárhagsáætlana, innkaup, grisjun, stjórnun, skipulag safnkennslu, umsýslu og fleira. Forstöðumaður kemur fram fyrir hönd safnsins og sér um kynningarmál þess, skipuleggur þjónustu safnsins og leiðir faglega starfsemi þess.
„Kristín lauk mastersgráðu vorið 2022 á menntavísindasviði Háskólans á Akureyri, þar sem hluti af náminu voru námskeið um upplýsingatækni. Einnig hefur Kristín lokið B.Ed. gráðu í kennarafræðum og fjöldanum öllum af símenntunarnámskeiðum sem mörg hver voru á sviði kennslu, bókmennta og upplýsingatækni. Einnig hefur hún lokið svæðisleiðsögunámi, bæði á Norðurlandi vestra og Vestfjörðum.
Kristín hefur starfað sem forstöðumaður Héraðsbókasafns Strandasýslu, sem er bæði almennings- og skólabókasafn, en í dag starfar hún sem verkefnastjóri hjá Héraðsskjalasafni Skagfirðinga. Kristín hefur þar fyrir utan umtalsverða starfsreynslu í upplýsinga- og safnageiranum sem og ýmiskonar verkefna- og viðburðastjórnun.“
Þá má ekki gleyma því að Kristín starfaði um árabil sem blaðamaður á Feyki. Við óskum Stínu til hamingju með forstöðumannstitilinn.
Fleiri fréttir
-
Skemmdir á um 1500 fermetrum vallarins
feykir.is Skagafjörður, Íþróttir 30.04.2024 kl. 15.03Feykir.is birti í síðustu viku viðtal við Adam Smára Hermannsson, formann knattspyrnudeildar Tindastóls, sem sagði frá talsverðu tjóni sem varð á gervigrasvellinum glæsilega á Sauðárkróki í leysingum þann 20. apríl en þá fór völlurinn undir vatn. Í gær birtist frétt á vef Skagafjarðar þar sem greint var frá því að eftir athugun í liðinni viku liggi fyrir að skemmdir urðu á vellinum á um 1.500 fermetrum, þar af eru um 1.000 fermetrar illa farnir.Meira -
Loftslagsráðherrann og sveitarfélögin á Norðurlandi vestra | Sigurjón Þórðarson skrifar
feykir.is Skagafjörður, Aðsendar greinar 30.04.2024 kl. 15.02Núverandi umhverfisráðherra fer með himinskautum í endurskipulagi stofnana ráðuneytisins, þar sem rauði þráðurinn er að sjónarmið Samtaka atvinnulífsins ráði ferðinni í einu og öllu.Meira -
Samvinnurými á Skagaströnd hlaut 15 milljón króna styrk
feykir.is Austur-Húnavatnssýsla 30.04.2024 kl. 12.25SSNV og sveitarfélagið Skagaströnd hafa undirritað samning vegna 15 milljón króna styrks til að skapa samvinnurými á Skagaströnd. Í frétt á vef SSNV segir að markmiðið með verkefninu sé að skapa samvinnurými á Skagaströnd með því að standsetja og markaðssetja húsnæði í eigu sveitarfélagsins, skapa forsendur fyrir léttan iðnað í hluta hússins og aðstöðu fyrir frumkvöðla og minni fyrirtæki í öðrum hluta þess.Meira -
Skagabyggð hlaut styrk vegna Verndun Kálfshamarsvíkur
feykir.is Austur-Húnavatnssýsla 30.04.2024 kl. 10.44Skagabyggð hlaut fyrir helgi styrk frá Framkvæmdasjóði ferðamannastaða að upphæð 3.600.000 kr. vegna verkefnisins Verndun Kálfshamarsvíkur sem miðar að því að hreinsa í burtu núverandi girðingar á deiliskipulagssvæðinu og girða svæðið af upp á nýtt. Einnig á að hnitsetja og merkja um 3 km langa gönguleið og setja tréstíga yfir blautustu svæðin á þeirri leið.Meira -
Karl Lúðvíks sæmdur Gullmerki UMFÍ
feykir.is Skagafjörður, Íþróttir 30.04.2024 kl. 10.06Það var ekki nóg með að Gunnar Þór Gestsson væri sæmdur Gullmerki ÍSÍ á ársþingi UMSS um liðna helgi því auk hans var íþróttakempan og kennarinn Karl Lúðvíksson sæmdur Gullmerki UMFÍ. Í frétt á vef Ungmennafélags Íslands segir að Karl sé þekktur fyrir störf sín og er fastagestur á Landsmóti UMFÍ 50+ sem haldið er ár hvert.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.