Leikskólastjórinn kvaddi eftir 28 ára farsælt starf
Húnahornið segir frá því að Jóhanna Guðrún Jónasdóttir hafi nýlega látið af störfum sem leikskólastjóri Barnabæjar á Blönduósi eftir farsæl 28 ár í starfi. Samstarfsfólk hennar efndi af því tilefni til kveðjuhófs þar sem Jóhönnu var þakkað gott samstarf og henni óskað velfarnaðar á nýja vinnustaðnum sínum, Blönduskóla. Þá var henni veitt táknræn gjöf frá starfsmannafélagi Barnabæjar, styttur sem sína samstöðu og kynslóðir.
Það var árið 1992 sem Jóhanna Guðrún ákvað að flytjast til Blönduóss og taka við leikskólastjórastöðu eftir að hafa lokið námi í Fóstruskólanum.
Í frétt Húnahorns segir: „Í kveðjuávarpi starfsfólks segir að því finnist táknrænt að gefa Jóhönnu Guðrúnu stytturnar, sem sína samstöðu, að standa með hverri annarri, „eins og þú hefur gert við okkur á öllum tímum bæði í starfi og einkalífinu. Alltaf verið okkur við hlið þegar á þurfti að halda. Það er ekki sjálfsagt að hafa þannig yfirmann,“ segir í ávarpinu.
Ein styttan táknar kynslóðir enda hefur Jóhanna kennt nemendum sem síðar urðu foreldrar og verið með kynslóðir í vinnu, ömmu, mömmu og dóttir. Jóhanna fékk að auki vísur sem sérstaklega voru ortar til hennar í tilefni tímamótanna. Vísurnar, sem eru níu talsins, orti Berglind Björnsdóttir og er ein þeirra svona:
Við leikskólapæjur sendum kærleiksknús
og árin öll viljum þér þakka,
því Barnabær er ekki bara hús
heldur dýrðin öll í einum pakka.“
Nánar má lesa um þetta á Húna.is >
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.