Sumarmessa í Stíflu í Fljótum á sunnudaginn
„Ég hvet fólk til að mæta í messuna sem byrjar kl. 14 á sunnudaginn og eiga saman góða stund,“ segir séra Halla Rut Stefánsdóttir þegar Feykir forvitnast um messuhald í Knappstaðakirkju í Stíflu í Fljótum. Messað er í Knappstaðakirkju einu sinni á ári og gerir Veðurstofan ráð fyrir sólríkum og fallegum sumardegi á Norðurlandi nú á sunnudaginn. Heimsókn í Fljótin hljómar því sem bráðsnjöll hugmynd.
Bærinn Knappsstaðir fór í eyði 1974 en kirkja hefur verið á Knappsstöðum frá því snemma á öldum. Á netsíðunni Ísland í hnotskurn segir að kirkjan hafi stórskemmst í jarðskjálta 12. júní 1838 þannig að ákveðið var að reisa nýja kirkju. Sú var vígð 1840 og er elsta timburkirkja landsins og ein hinna minnstu. „Falleg kirkja í fallegri sveit,“ segir Halla Rut. Kirkjubyggingin var meðal annars fjármögnuð með því að selja Guðbrandsbiblíu sem var í eigu kirkjunnar. Barst biblían til útlanda en var síðar gefin til Íslands árið 1933 og er nú á Landsbókasafni.
Er gaman að halda messu í lítilli kirkju eins og Knappstaðakirkju þar sem messað er einu sinni á ári? „Það er gaman að messa í Knappstaðakirkju,“ segir Halla Rut. „Það er alltaf sumarmessa og er hún ávallt vel sótt. Heimilin í Fljótunum koma með kaffibrauð og við eigum samfélag eftir messuna sem er svo dýrmætt og skemmtilegt. Það er hefð að reiðmenn mæti á fákum sínum í messuna. Arnþrúður Heimisdóttir í Langhúsum mun annast undirbúning hópreiðar í messuna og verður farið frá Ketilási kl.12:30.“
Eru margar kirkjur í Skagafirði þar sem aðeins er messað einu sinni á ári? „Það eru nokkrar kirkjur í Skagafirði þar sem messað er einu sinni á ári; Knappstaðakirkja, Ábæjarkirkja, Grafarkirkja og Sjávarborgarkirkja,“ segir Halla Rut en bætir við í lokin að aðrar kirkjuathafnir fari þó stundum fram í þessum kirkjum.
Myndirnar hér að neðan voru teknar í sumarmessu í Stíflu árið 2011.
Fleiri fréttir
-
,,Ég finn alltaf eitthvað fallegt þar sem mér langar til að gera,,
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.05.2024 kl. 09.12Kristín Lind Sigmundsdóttir er 24 ára gömul og er búsett á Króknum ásamt kærastanum sínum honum Hauki Ingva og litlu stelpunni þeirra Kötlu Daðey. Kristín Lind vinnur á Heilbrigðisstofnun Norðurlands vestra og er að klára sjúkraliðanám.Meira -
Stór sigur á Stjörnunni í Garðabænum
feykir.is Skagafjörður, Íþróttir 03.05.2024 kl. 22.10Eftir tvo tapleiki í byrjun móts var pínu presssa á liði Tindastóls að krækja í stig í Garðabænum í kvöld þegar Stólastúlkur sóttu lið Stjörnunnar heim. Eins og reikna mátti með sat lið Tindastóls aftarlega á vellinum en beitti snörpum skyndisóknum þegar boltinn vannst. Þrátt fyrir að heimastúlkur hafi verið talsvert meira með boltann í kvöld þá unnu gestirnir sanngjarnan sigur, gerðu eitt mark í hvorum hálfleik og hefðu hæglega getað unnið stærra. Lokatölur 0-2.Meira -
Kosið um sameiningu Húna- og Skagabyggðar í júní
feykir.is Austur-Húnavatnssýsla 03.05.2024 kl. 21.45„Við erum bjartsýn en nú er þetta í höndum íbúa,“ er haft eftir oddvitum Húnabyggðar og Skagabyggðar á Facebook-síðu Húnabyggðar í kvöld en sveitarfélögin hafa samþykkt samhljóða að setja sameiningu sveitarfélaganna í íbúakosningu í júní.Meira -
Að pissa eða ekki pissa | Leiðari 16. tölublaðs Feykis
feykir.is Skagafjörður, Aðsendar greinar 03.05.2024 kl. 15.36...Í bíó á þessum tímum voru mögulega myndir á borð við Cannonball Run, Grease og Superman. Ekki var óvanalegt að Mundi hitaði upp með einum RoadRunner áður en stjörnunar birtust á tjaldinu. Klassískar Sæluvikumyndir voru Áfram-myndirnar (Carry On) og Trinity-myndirnar með hinum óborganlegu Terence Hill og Bud Spencer. Risinn Bud rotaði menn miskunnarlaust með einu góðu höggi ofan á höfuðið – brosti aldrei og var frekar þreyttur á þessum aumingjum sem voru með vesen. Þessar myndir hafa pottþétt ekki elst eins vel og Chaplin myndirnar sem Mundi sýndi í Sæluviku – enda kvikmyndaklassík einstaks listamanns...Meira -
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.