Djöflaegg og folaldalundir sem klikka aldrei
Þessa vikuna eru það Erla Gunnarsdóttir og Bjarki Kristjánsson á Svínavatni sem láta okkur í té gómsætar uppskriftir. Djöflaegg, folaldalundir með beikoni og triffli í eftirrétt er á boðstólnum.
Forréttur
Djöflaegg
- 4-6 egg (c.a. 1 egg á mann)
- ½ dós sýrður rjómi
- 2 msk mayonnaise
- 2 msk sweet relish
- Karrý og salt
Eggin eru harðsoðin og kæld. Síðan eru þau skorin í tvennt á langveginn. Rauðan hreinsuð úr og sett í skál ásamt öllu hinu og það hrært saman. Karrýi og salti bætt út í eftir smekk. Eggjahvítunum raðað á disk og eggjarauðublöndunni sprautað í eggjahvíturnar. Skreytt með paprikudufti sem stráð er yfir. Gott er að bera þetta fram á salatbeði og með ristuðu brauði.
Folaldalundir með beikoni
- 500 gr folaldalundir (eða annað kjöt t.d. lamb eða naut)
- 1 pakki beikon
- 1 krukka súrar gúrkur (litlar gúrkur eða í sneiðum, en má einnig sleppa þeim)
- Salt og pipar
Folaldalundirnar eru skornar í þunnar endilangar sneiðar. Þær eru kryddaðar með salti og pipar. Síðan er ein sneið af beikoni sett á hverja sneið af folaldalund og síðan biti af súrri gúrku. Þessu er því næst rúllað upp og tannstöngull settur í gegn um rúlluna til þess að halda henni saman. Rúllurnar eru brúnaðar á pönnu og síðan látnar malla þar til þær eru steiktar í gegn (einnig má grilla þær). Að lokum er rjóma hellt út á pönnuna til þess að útbúa sósu með rúllunum. Sósuna má bragðbæta að vild, t.d. með rifsberja hlaupi.
Kartöflugratín
2-3 sætar kartöflur afhýddar og skornar niður í skífur. Skífunum er raðað í botninn á eldföstu móti. Síðan er salti, rósmarín og timian stráð yfir. C.a. 2 dl af rjóma hellt yfir og síðan rifnum osti stráð yfir. Bakað í ofni við 180°C í c.a. 20 mínútur. Gott er að hafa ferskt salat með þessu og rifsberjahlaup.
Triffli
- 1 poki makkarónukökur
- 1 stór dós jarðaber
- 1 pakki heitur búðingur (vanillu eða romm)
- ¾ líter rjómi
- ca. ½ dl sherrí
Fyrst eru makkarónurnar settar í skál. Hluta af jarðaberjasafa og sherríinu blandað saman og hellt yfir. Jarðaberin lögð yfir makkarónurnar. Látið standa á meðan búðingur er lagaður eftir leiðbeiningum af pakka og hann látinn kólna. Rjómi þeyttur og helmingi hans blandað verlega saman við kaldan búðinginn og sett ofan á jarðaberin. Lagi af þeytta rjómanum sett yfir og sprautið svo restinni sem skrauti efst. Svo má skreyta með súkkulaði og rauðum kirsuberjum eða öðru sem til fellur.
Verði ykkur að góðu
Fleiri fréttir
-
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira
