Góðir partýréttir

feykir.is Í matinn er þetta helst 19.10.2013 kl. 14.32

Matgæðingar Feykis að þessu sinni eru þau Oddný Jósefsdóttir og Þorbjörn Ágústsson ábúendur á Sporði í Húnaþingi vestra. Þau bjóða upp á rétti sem eru einkar hentugir í partýið s.s. partýbollur í súrsætri sósu, perurétt og gómsæta prinsessuköku.

Kjötkúlur (partýbollur) fyrir þrjá

  • 200 gr. kjöthakk
  • 1 msk. púrrulaukssúpa
  • 10 stk. saltkex

Kexið brotið niður og allt hrært saman og búnar til litlar kúlur og settar í ofnskúffu, bakað í  10 – 15 mín við 200°C í ofni.  Hrært í af og til meðan steiking fer fram. Gott er að hafa soðin hrísgrjón og súrsæta sósu með.

Súrsæt sósa

  • 1dl. chilisósa
  • 2 msk. rifsberjahlaup
  • 1 msk. púðursykur

Soðið saman við vægan hita í 2 – 3 mín.

Kaldar perur

  • 1 dós perur
  • ½ l rjómi
  • 20 – 30 stk. makkarónukökur
  • 200 gr. Síríus suðusúkkulaði (konsum)
  • Hnetur að vild

Leggið makkarónurnar á fat og vætið með perusafanum.  Skerið perurnar niður og raðið þeim ofan á. Stráið hluta af súkkulaðinu yfir. Þeytið rjómann og bragðbætið með ögn af vanillu og sykri. Smyrjið þeyttum rjómanum yfir perurnar og stráið afganginum af súkkulaðinu yfir.  Látið standa í a.m.k. 1 klst. áður en borið er fram.

Prinsessukaka

  • 250 gr. hveiti
  • 1 ½ dl. mjólk
  • 100 gr. smjörlíki
  • 1 skeið perluger
  • 1 msk. sykur

Krem

  • 1 ¼ dl mjólk
  • 2 tsk kartöflumjöl
  • 1 skeið sykur
  • 1 egg

Allt sett í pott og soðið saman, hræra í á meðan.

Fylling

  • 50 gr. smjör
  • 50 gr. dökkur púðursykur
  • ½  msk. Hveiti

Deigið látið hefast og slegið niður, skipt í tvo helminga, annar flattur út og settur í botn og upp með hliðum í hringmót, fylling sett á og hinn hlutinn flattur út og eggjakreminu smurt á og deiginu rúllað upp, skorið niður og raðað á, ekki mjög þétt, látið lyfta sér og bakað við 180 – 200°c þar til kakan er orðin fallega brún og vel bökuð.

Verði ykkur að góðu!

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Katrín og Unnur Valborg við undirritun samningsins. MYND AF VEF SSNV

    Samningur undirritaður um styrk til tækniaðstöðu á Hvammstanga

    feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01 oli@feykir.is
    SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.
    Meira
  • Frá Hofsósvelli. MYND AF VEF RÚV

    Valið vekur furðu vestan Þverárfjalls

    feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20 oli@feykir.is
    Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.
    Meira
  • MYND AF AÐDÁENDASÍÐU KORMÁKS

    Atli Þór fullkomnar hóp Kormáks/Hvatar

    feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44 oli@feykir.is
    Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.
    Meira

  • Sæluvikan að bresta á

    feykir.is Skagafjörður, Listir og menning 26.04.2024 kl. 08.34 oli@feykir.is
    „Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“
    Meira
  • Frá vinnustofunni á Hvammstanga. MYND: SSNV

    Vinnustofa um gerð loftlagsstefnu sveitarfélaga

    feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32 oli@feykir.is
    SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.
    Meira
Yfirlit frétta