Humarpizza með hunangssinnepssósu og súkkulaðikaka með kaffinu
Ingibjörg Margrét Valgeirsdóttir og Sigurbjörn Skarphéðinsson sáu um matarþáttinn í 18. tbl. Feykis 2016. Þau buðu upp á girnilega humarpizzu með hunangssinnepssósu og Royal brúntertu með kaffinu.
Humarpizza með hunangssinnepssósu
Hvítlauksleginn humar:
300 g skelflettur humar
5-6 hvítlauksgeirar
1 dl matarolía
Hvítlaukurinn pressaður út í olíuna og humarinn hreinsaður og látinn liggja í olíunni í um 30 mínútur.
Pizzubotn:
Hægt er að nota hvaða pizzubotn sem er, hér er ein uppskrift sem hægt er að nota til að gera tvo botna:
375 g hveiti
½ tsk salt
1 pk. þurrger (7g)
2 msk matarolía
2½ dl volgt vatn
Aðferð:
Hitið ofninn í 220° C.
Setjið hveiti, salt og þurrger í hrærivélaskál. Notið deigkrókinn og bætið olíunni við og síðan vatninu smátt og smátt. Hnoðið. Setjið meira vatn í deigið ef það er þurrt eða þar til það er orðið rakt. Breiðið yfir skálina og látið deigið lyfta sér. Hnoðið vel og bætið smá hveiti við ef deigið er klístrað. Skiptið deiginu í tvennt og fletjið út í þunna botna. Setjið á tvær olíusmurðar bökunarplötur.
Fylling á pizzu:
humar (sjá ofangreint)
200 g pizzaostur
Setjið pizzaost beint á botninn og dreifið svo humrinum jafnt yfir ostinn. Gott er að láta smá af hvítlauknum og olíunni á pizzuna.
Bakið í ofni í 10 til 15 mínútur þar til pizzan er gullbrún.
Meðlæti:
Sósa (sjá hér fyrir neðan)
flögusalt t.d. Maldon
klettasalat.
Þegar pizzan er tilbúin er hún skorin í sneiðar og borin fram. Hver og einn tekur sína sneið og setur á hana sósu, stráir salti yfir og að lokum klettasalati, allt eftir smekk.
Sósa:
1 dl matarolía
3 msk hunang
2 msk Dijon sinnep
salt og pipar
Öllu blandað saman og hrært vel saman með skeið (tekur smá tíma að fá hunangið og olíuna til að blandast saman). Salt og pipar bætt út í eftir smekk.
Royal brúnterta – með kaffinu
225 g hveiti
310 g sykur
125 g smjör
125 g mjólk
1 tsk salt
1 tsk lyftiduft
1 tsk sódaduft
1 tsk vanilludropar
3 msk kakó
2 egg
Aðferð:
Bræðið smjörið, öllu blandað saman og hrært í 3 mínútur í hrærivél. Skiptið deiginu í tvö 24 cm hringlaga form og bakið í ca. 20 mínútur við 175° C.
Karamellukrem ofan á botn:
5 msk sykur
100 g smjör
1 dl rjómi
hálfur bolli rúsínur
Aðferð:
Sykur brúnaður á pönnu þar til hann verður fallega brúnn og svo er hinu hrært út í eftir röð. Rúsínum bætt í undir lokin.
Verði ykkur að góðu!
Fleiri fréttir
-
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira -
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.