Röng uppskrift af eldglögg í Jólablaðinu
Í Jólablaði Feykis skolaðist eitthvað til í uppskrift Christine Hellwig að eldglöggi og rangar upplýsingar gefnar upp í hráefnum. Í 46. tbl. Feyki birtist eldglöggið aftur með von um að ekki hafi farið illa hjá neinum áhugasömum glöggara.
Eldglögg (þ. feuerzangenbowle)
- 2 l þurrt rauðvín
- 2 appelsínur
- 1 sítróna
- 5 negulnaglar
- 2 kanilstangir
- 1 sykurkeila (250 gr sykurmolar)
- Um 300 ml romm (að minnsta kosti 54% að styrkleika)
Eldglögg er skemmtileg útgáfa af jólaglögg, margir hafa prófað hana á jólamörkuðum í Þýskalandi en tiltölulega einfalt er að búa þetta til heima hjá sér. Hugmyndin er að bræða sykur og láta hann renna ofan í og blandast við heitt rauðvínið.
Best er að byrja í eldhúsinu með venjulegum potti. Skerið hálfa appelsínu og hálfa sítrónu í þunnar sneiðar en pressið safann úr afganginum í pottinn. Setið rauðvín, negul, kanilstangir, ávaxtarsafann og ávaxtasneiðar í pottinn og hitið (má ekki sjóða). Þegar lögurinn er orðinn heitur á að færa hann fram í stofu á standara fyrir fondupott, kveikið á brennaranum svo rauðvínið kólni ekki.
Næst þarf að leggja götótt málmstykki yfir pottinn (sjá skýringarmynd). Í Þýskalandi er til sérstakt verkfæri sem heitir sykurtöng (þ. zuckerzange) sem er notuð í þetta, en auðvitað er hægt að nota hvað sem er, hér kemur ímyndunaraflið að góðum notum. Annars fylgir þetta áhald mörgum fondusettum. Hvað sem þið notið þá þarf bræddur sykurinn að geta lekið niður í rauðvínið.
Á málmstykkið er sett sykurkeila (þ. zuckerhut), sem er 250 gr keilulaga sykur klumpur, líkist helst risastórum sykurmola, auðvitað fæst ekki svona fínerí á Íslandi, en örvæntið ekki, hægt er að stafla sykurmolum í píramída með sama árangri. Annars er hægt er að sjá svona sykurkeilur á safni Áskaffis í Skagafirði.
Næsta skref er að gegnbleyta sykurinn með romminu, gefið ykkur góðan tíma og leyfið sykrinum að drekka í sig sterka vínið, hætta skal þegar sykurinn tekur ekki meir og rommið fer að drjúpa ofan í pottinn. Núna er gott að huga að öryggismálum, hafa eldvarnateppi nálægt og finna út hvar slökkvitækið er geymt. Kveikið á sykrinum með eldspýtu og njótið þess að horfa á bláan logann, sykurinn fer fljótlega að bráðna og leka niður í pottinn. Ef þið bætið rommi á sykurinn eftir að kveikt hefur verið upp, er öruggast að gera það með ausu úr stáli, það er alltaf möguleiki á sprengingu ef hellt er beint úr rommflöskunni.
Að lokum er málmstykkið fjarlægt, hrært varlega í víninu með ausu og síðan hellt í bolla. Maður er manns gaman!
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.