Rabb-a-babb 212: Jóhann Fönix
Nafn: Jóhann Frímann K Arinbjarnarson.
Árgangur: 1990.
Fjölskylduhagir: Einhleypur og barnlaus.
Búseta: Eyrin á Akureyri
Hverra manna ertu og hvar upp alinn: Ólst upp á fjölskylduóðalinu Brekkulæk í Miðfirði. Faðir minn er Arinbjörn Jóhannsson ferðaþjónustubóndi og móðir mín er Gudrun M. H. Kloes þýðandi.
Starf / nám: Útskrifaðist af félagsfræðibraut í FNV. Hef unnið við margvísleg störf um ævina. Er þjónustufulltrúi hjá Póstinum að aðalstarfi en ástríðustarfið mitt er að vera rithöfundur.
Hvað er í deiglunni: Að skrifa fleiri bækur!
Rabbið:
Hvernig nemandi varstu? Alveg rosalega feiminn, nördalegur og félagslega vandræðalegur.
Hvað er eftirminnilegast frá fermingardeginum? Maturinn!
Hvað ætlaðir þú að verða þegar þú yrðir stór? Kvikmyndaleikstjóri og/eða handritshöfundur.
Besti ilmurinn? Sveitaloftið – sér í lagi kúamykja.
Hvað varstu að hlusta á þegar þú fékkst bílprófið? Ætli það hafi ekki verið mestmegnis System of a Down og A-ha. Ég hlusta ennþá töluvert á bæði.
Hvernig slakarðu á? Glas af viský + vindill.
Besta bíómyndin? Svo margar. Held mikið uppá Star Wars, James Bond og Tomorrow, When the War began. Ef ég þarf að velja bara eina langar mig að nefna Fail-Safe frá 1964. Sennilega engin önnur mynd sem túlkar óttann við kjarnorkustyrjöld á jafn mannlegan hátt.
Hvaða íþróttamanni hefurðu mestar mætur á? Þegar ég var unglingur var það Birkir Ívar í handboltanum. Núna veit ég bara ekki...
Hvert er snilldarverkið þitt í eldhúsinu? Marineringarnar mínar.
Hættulegasta helgarnammið? Bjór.
Hvernig er eggið best? Spælt og innan í þykkri samloku.
Hvað fer mest í taugarnar á þér í fari annarra? Þegar fólk ætlar að segja manni eitthvað mikilvægt en getur ekki komið sér beint að efninu. Þetta pirrar mig sérstaklega mikið þar sem ég starfa sem þjónustufulltrúi.
Uppáhalds málsháttur eða tilvitnun? Þungur hnífur.
Hver er elsta minningin sem þú átt? Heyskapur á túninu fyrir utan æskuheimilið.
Hver er uppáhalds bókin þín og/eða rithöfundur (og af hverju)? Stefán Máni er í miklu uppáhaldi og þar vil ég helst nefna bókina Feigð. Þessi bók finnst mér fullkomlega balansera spennu, hasar, yfirnáttúruleg fyrirbæri og íslenskan raunveruleika. Bókin breitti einnig algerlega minni sýn á hvernig glæpasögur eiga að vera/geta verið.
Ef þú gætir farið til baka í tímann, hvert færirðu (og af hverju)? Edwards-tímabilið svokallaða (1901 til 1913). Mjög bjartsýnir og framsæknir tímar áður en blóðugur veruleiki heimstyrjaldanna tók við.
Hver væri titillinn á ævisögu þinni? Veit ekki alveg. Rithöfundurinn þýski frá Miðfirði?
Framlenging:
Ef þú gætir hoppað upp í flugvél og réðir hvert hún færi, þá færirðu...
Síbería hefur alltaf heillað mig.
Bucket list spurningin: Nefndu eitthvað þrennt sem þér finnst þú mega til að gera áður en þú gefur upp öndina: 1. Upplifa að bók eftir mig verði kvikmynduð.
2. Ganga uppá Eiríksjökul. 3. Eignast mitt eigið veiðivatn með á/læk.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.