rabb-a-babb 4: Sunna Gests
Nafn: Sunna Gestsdóttir
.
Árgangur: 1976.
Fjölskylduhagir: Sambúð með Héðini, dóttir Anna Rósa
.
Starf / nám: Langstökkvari í sálfræðinámi
.
Bifreið: Trooper
.
Hestöfl: 100+ dugir yfir Þverárfjallið
.
Hvað er í deiglunni: Reyna að stökkva á Ólympíuleikana, Landsmót á Sauðárkróki og Evrópubikarkeppni í frjálsum á Laugardalsvellinum.
Hvernig hefurðu það? Kvefuð og smá stirðleiki í hægra hné.
Hvernig nemandi varstu? Alltof stillt og þæg.
Hvað er eftirminnilegast frá fermingardeginum? Messuvínið var ekki gott, ég var í ægilega flottum kjól.
Hvað ætlaðir þú að verða þegar þú yrðir stór? Hestakona.
Hvað hræðistu mest? Missa heilsuna.
Hver var fyrsta platan sem þú keyptir (eða besta)? Sú fyrsta hét Perlur.
Hvaða lag ertu líklegust til að syngja í Kareókí? "All is so big in America....."
Hverju missirðu helst ekki af í sjónvarpinu (fyrir utan fréttir)? Sex in the City er í uppáhaldi.
Besta bíómyndin? Heillaðist af Hringadróttinssögu.
Bruce Willis eða George Clooney / Angelina Jolie eða Gwyneth Paltrow? Clooney með sinn grásprengda háralit og hörkutólið Angelina.
Hvað fer helst í innkaupakörfuna sem ekki er skrifað á tossamiðann? Skyr.
Hvað er í morgunmatinn? Banani og skyr eða súrmjólk með cheriosi og rúsínum, er að læra að drekka kaffi.
Uppáhalds málsháttur? Gera betur í dag en í gær.
Hvaða teiknimyndapersóna höfðar mest til þín? Mikki mús, hann er svo klár að leysa þrautir.
Hvert er snilldarverkið þitt í eldhúsinu? Eftirréttir .
Hver er uppáhalds bókin þín? Hús úr húsi eftir Kristínu M. Baldursdóttur.
Ef þú gætir hoppað upp í flugvél og réðir hvert hún færi, þá færirðu... Jamaicu, Bahamas eða Búdapest.
Hvað fer mest í taugarnar á þér í fari þínu? Stuttur þráður, en hann er stuttur í báðar áttir.
Hvað fer mest í taugarnar á þér í fari annarra? Leti.
Enski boltinn - hvaða lið og af hverju? Grimsby og Hull. Byggist á fornum tengslum Íslendinga við þá.
Hvaða íþróttamanni / dómara hefurðu mestar mætur á? Fimleikafólk heillar mig mikið, ótrúlegt hvað það getur gert með líkamanum.
Heim í Búðardal eða Diskó Friskó? Fer eftir því hvaða dagur er.
Hver var mikilvægasta persóna 20. aldarinnar að þínu mati? Díana Prinsessa.
Ef þú ættir að dvelja aleinn á eyðieyju, hvaða þrjá hluti tækirðu með þér? Vasahnníf, bát og tannbursta.
Hvað sagði Tarzan þegar hann sá fílana koma hlaupandi yfir hæðina? Jane passaðu þig á fílunum.
Fleiri fréttir
-
Skemmtileg stund og sérlega þjóðleg
feykir.is Austur-Húnavatnssýsla, Ljósmyndavefur, Listir og menning, Mannlíf 20.04.2024 kl. 13.10Laugardaginn 6. apríl sl. var boðað til mikillar og þjóðlegrar menningarveislu í gamla fjósinu í Bólstaðarhlíð í Húnavatnssýslu þar sem fram fór viðburðurinn Hrossakjöt og kvæðaraus. Undirritaður var gestur þeirra hjóna, og ferðaþjónustubænda, Freyju Ólafsdóttur og Einars Kolbeinssonar og í stuttu máli sagt var þetta einstaklega skemmtileg stund og sérlega þjóðleg.Meira -
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.