rabb-a-babb 78: Guðrún Brynleifs
Nafn: Guðrún Brynleifsdóttir.
Árgangur: 1977.
Fjölskylduhagir: Á tvo gaura, Daníel (8 ára) og Brynjar (6 ára).
Búseta: Hólar city.
Hverra manna ertu: Dóttir Brynleifs og Önnu sem búa nú á Steinhólum í Hjaltadal.
Starf / nám: Vinn á Markaðs- og þróunarsviði hjá Sveitarfélaginu, er líka að byrja í skóla, ætla að taka Master í ferðamálafræði hjá Hólaskóla.
Bifreið: Ég á flottasta bílinn: Skoda Octavia.
Hestöfl: Eitthvað svipað og krafturinn í Árna Gísla litla bróður.
Hvað er í deiglunni: Fara heim að knúsa drengina mína, Laufskálarétt, skóli og margt fl.
Hvernig hefurðu það?
Mjög gott, þakka þér fyrir.
Hvernig nemandi varstu?
Eins og ENGILL.
Hvað er eftirminnilegast frá fermingardeginum?
Fékk mjög mikið af skartgripum í fermingargjöf, var ekki ánægð með það og messuvínið var hrikalega vont.
Hvað ætlaðir þú að verða þegar þú yrðir stór?
Það var nú dálítið margt sem ég ætlaði að verða; búðarkona, hestakona, sundkona, leikkona, hárgreiðslukona, mótorhjólagella, bifvélavirki, listakona og smásagna og ljóðaskáld.
Hvað hræðistu mest?
Að keyra Eyrarfjall í Ísafjarðardjúpi, Hestaklauf.
Hver var fyrsta platan sem þú keyptir (eða besta)?
Ég man það nú ekki en uppáhalds hljómsveitin var Ævintýri sem Björgvin Halldórsson stofnaði með Sigurjóni Sighvatssyni og Arnari Sigurbjörnssyni. Við systurnar stofnuðum okkar eigin hljómsveit, man nú ekki hvað hún hét en við notuðum tennisspaða, orgelstól, prjóna og fleira sem hljóðfæri....og sungum fullum hálsi lalalalalaaa ævintýri enn gerast....
Hvaða lag er líklegast að þú takir í Kareókí?
Eitthvað með Janis Joplin.
Hverju missirðu helst ekki af í sjónvarpinu (fyrir utan fréttir)?
Klovn (Trúður) sem er dönsk gamanþáttaröð.
Besta bíómyndin?
Mýrin.
Hvað gerir þú betur en allir aðrir á þínu heimili?
Nöldra!
Hvert er snilldarverkið þitt í eldhúsinu?
Þegar ég bjargaði hamstri undan eldavélinni, geri aðrir betur.
Hvað fer helst í innkaupakörfuna sem ekki er skrifað á tossamiðann?
Súkkulaði.
Hvað er í morgunmatinn?
Kaffi og Spirolina, stundum Special K.
Uppáhalds málsháttur?
Maður er manns gaman.
Hvaða teiknimyndapersóna höfðar mest til þín?
Tommi (Tommi og Jenni).
Hver er uppáhalds bókin þín?
Ævisaga Ingrid Bergman.
Ef þú gætir hoppað upp í flugvél og réðir hvert hún færi, þá færirðu...
...til jólasveinsins.
Hvað fer mest í taugarnar á þér í fari þínu?
Hvað ég get stundum verið gleymin.
Hvað fer mest í taugarnar á þér í fari annarra?
Þegar að fólk setur ekki klósettsetuna alveg niður eftir notkun. Það er alveg óþolandi að koma að opnu klósetti!
Enski boltinn - hvaða lið og af hverju?
Þessir rauðu og hvítu!
Hvaða íþróttamanni hefurðu mestar mætur á?
Fúsa.
Heim í Búðardal eða Diskó Friskó?
Heim í Búðardal.
Hver var mikilvægasta persóna 20. aldarinnar að þínu mati?
Það eru allir mikilvægir.
Ef þú ættir að dvelja alein/n á eyðieyju, hvaða þrjá hluti tækirðu með þér?
Súkkulaði, stílabók og penna.
Hver væri titillinn á ævisögu þinni?
Litla stúlkan með krullurnar.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.