rabb-a-babb 80: Guðný Axels
Nafn: Guðný Hólmfríður Axelsdóttir.
Árgangur: ´67.
Fjölskylduhagir: Gift Páli Friðrikssyni og við eigum dæturnar Snæbjörtu, Hugrúnu og Eyvöru.
Búseta: Á Sauðárkróki.
Hverra manna ertu: Dóttir Axels og Diddu frá Litlu-Brekku.
Starf / nám: Lærður hárskeri, skrifstofutæknir í augnablikinu.
Bifreið: Subaru Forrester 2000.
Hestöfl: Passlega mörg.
Hvað er í deiglunni: Að standa sig.
Hvernig hefurðu það?
Nokkuð gott bara.
Hvernig nemandi varstu?
Ég var fyrirmyndar nemandi í alla staði.
Hvað er eftirminnilegast frá fermingardeginum?
Krullurnar sem láku úr áður en að kirkjuferðinni kom.
Hvað ætlaðir þú að verða þegar þú yrðir stór?
Nr. 1 sálfræðingur, nr. 2 hárgreiðslukona.
Hvað hræðistu mest?
Geitunga.
Hver var fyrsta platan sem þú keyptir (eða besta)?
Keypti tvær fyrstu plöturnar á svipuðum tíma: Ernu, Evu og Ernu og Hard rock ´83. Lýsandi dæmi um fjölbreyttan tónlistarsmekk!! Besta platan er safnplata með Villa Vill.
Hvaða lag er líklegast að þú takir í Kareókí?
Ég hef aðeins einu sinni sungið í kareókí með mjög fælandi árangri.
Hverju missirðu helst ekki af í sjónvarpinu (fyrir utan fréttir)?
Breskum/skoskum sakamálaþáttum.
Besta bíómyndin?
There is Something About Mary.
Hvað gerir þú betur en allir aðrir á þínu heimili?
Finna það sem er týnt.
Hvert er snilldarverkið þitt í eldhúsinu?
Nautasteikur og humar, samt ekki saman.
Hvað fer helst í innkaupakörfuna sem ekki er skrifað á tossamiðann?
Súkkulaði.
Hvað er í morgunmatinn?
Cheerios og léttmjólk.
Uppáhalds málsháttur?
Fátt er svo með öllu illt....
Hvaða teiknimyndapersóna höfðar mest til þín?
Lukku Láki vekur ýmsar tilfinningar, alltaf einn, en þó sjálfum sér nógur. Poor lonesome káboj.
Hver er uppáhalds bókin þín?
Óvinafagnaður eftir Einar Kárason.
Ef þú gætir hoppað upp í flugvél og réðir hvert hún færi, þá færirðu...
...á sólarströnd
Hvað fer mest í taugarnar á þér í fari þínu?
Óákveðni.
Hvað fer mest í taugarnar á þér í fari annarra?
Yfirgangur og afskiptasemi.
Enski boltinn - hvaða lið og af hverju?
Hvaða bolti sagðirðu?
Hvaða íþróttamanni hefurðu mestar mætur á?
Dætrum mínum.
Heim í Búðardal eða Diskó Friskó?
Heim í Búðardal.
Hver var mikilvægasta persóna 20. aldarinnar að þínu mati?
Hver fann upp netið?
Ef þú ættir að dvelja alein/n á eyðieyju, hvaða þrjá hluti tækirðu með þér?
Hárblásarann, súkkulaði og eitthvað að lesa - hvað meira getur maður þurft?
Hver væri titillinn á ævisögu þinni?
Margir góðir dagar með Guðnýju.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.