Allt að komast í jólagírinn

feykir.is Skagafjörður 25.11.2016 kl. 11.27
Krossinn upplýstur í morgun. Mynd: PF
Krossinn upplýstur í morgun. Mynd: PF

Í morgun fór fram hin árlega friðarganga Árskóla á Sauðárkróki þar sem nemendur og kennarar mynduðu mannlega keðju upp Kirkjustíginn. Friðarljós er látið ganga á milli nemenda sem að endingu nær upp að krossi sem þá upplýsist. Á morgun verða svo jólaljósin tendruð á jólatrénu á Kirkjutorgi á Sauðárkróki og hefst sú athöfn klukkan 15:30.

Það var ágætis veður er friðargangan fór fram, sunnan andvari og nokkrar gráður í plús. Hlákan undanfarna daga hefur skolað snjónum burt sem hafði fyrir því að falla til jarðar fyrir nokkru og gerði umhverfið dimmara en ella. En athöfnin og hugurinn að baki er það sem lýsir skammdegið upp og er að margra mati upphaf aðventunnar á Króknum. Að athöfn lokinni var boðið upp á kakó og piparkökur á skólalóðinni.

Frá heimsókn jólasveina í fyrra á Kirkjutorg. Mynd: skagafjordur.isJólaljósin á jólatrénu á Kirkjutorgi verða tendruð á morgun laugardag og hefst sú athöfn klukkan 15:30 en þar mun ýmislegt verða til skemmtunar. M.a. mun barnakór Sauðárkrókskirkju koma fram, Þórgunnur Þórarinsdóttir og Anna Karen Hjartardóttir ætla að stíga á stokk og syngja sem og þau Fúsi Ben og Vordísin.

Hátíðarávarp flytur Sigríður Svavarsdóttir forseti sveitarstjórnar og nemendur 2. bekkjar Grunnskólans austan vatna tendra ljósin á trénu sem er gjöf frá Kongsberg í Noregi, vinabæ Sveitarfélagsins Skagafjarðar. Að sjálfsögðu taka svo jólasveinar forskot á sæluna og mæta á svæðið.

Til baka

Fleiri fréttir

  • Agnar á Miklabæ á sínum guðdómlega Trabant.

    Fornbílaeigendur í messu á Flugumýri 17. júní

    feykir.is Skagafjörður, Mannlíf, Lokað efni 18.06.2025 kl. 15.55 bladamadur@feykir.is
    Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.
    Meira
  • Rúnar Birgir efitrlitsmaður og alfræðibók um körfubolta. MYND AF KKÍ.IS

    Rúnar Birgir á EuroBasket í haust

    feykir.is Skagafjörður, Íþróttir, Lokað efni 18.06.2025 kl. 14.50 oli@feykir.is
    Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.
    Meira

  • Þrjár Tindastólsstúlkur í U19 landsliðshópnum

    feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39 oli@feykir.is
    Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.
    Meira
  • Séð yfir byggingar FNV. Verknámshús til hægri. Mynd: Frá FNV.

    Fjármagn tryggt til að hefjast handa við verknámshús

    feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05 bladamadur@feykir.is
    Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.
    Meira
  • Óskar í sprækum hópi nemenda í mötuneyti Árskóla. MYNDIR: GG

    Það þarf að mæta nemendum þar sem þeirra hæfileikar og áhugi eru

    feykir.is Skagafjörður, Mannlíf, Lokað efni 18.06.2025 kl. 09.54 oli@feykir.is
    Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.
    Meira
Yfirlit frétta