Northern Mics fór fram í Gránu
Sunnudaginn 25. október fór fyrsti opni sviðsviðburðurinn „Northern Mics“ fram á Gránu Bistro á Sauðárkróki. Aline Garcia hafði frumkvæði að þessum mánaðarlega viðburði, með stuðningi Freyju Rutar Emilsdóttur í gegnum menningarfélagið Gránu. Verkefnið spratt af löngun til að skapa vettvang þar sem fólk getur deilt fjölbreyttri listrænni tjáningu, þvert á menningarleg og tungumálaleg landamæri, og stuðlað að sterkari tengslum innan samfélagsins á Sauðárkróki.
Á þessum fyrsta viðburði fengu gestir að njóta frumsaminnar tónlistar frá Garmune (Aline Garcia), þriggja tónlistaratriða í flutningi Stefáns Óskars Hólmarssonar og nokkurra djassverka í flutningi gestalistamannanna Joaquín de la Costa og Tristan Michael Willems.
Auk þess setti Sara Jóna Emilía upp myndlistarsýningu og voru verk hennar til sýnis víðs vegar um húsnæðið. Ef þú misstir af sýningunni er enn tækifæri til að sjá verkin hennar, en þau verða til sýnis á Gránu alla vikuna.
Á þessum mánaðarlegu viðburðum fær fjölbreyttur hópur listafólks tækifæri til að sýna hæfileika sína. Þar má nefna myndlistarfólk á borð við ljósmyndara, málara og handverksfólk, auk tónlistarfólks, söngvaskálda, hljóðfæraleikara, ljóðskálda og rithöfunda.
Næsti viðburður verður haldinn sunnudaginn 22. nóvember kl. 17:00 á Gránu. Aðgangur er ókeypis. Ef þú hefur áhuga á að taka þátt er þér velkomið að senda skilaboð á opinberan aðgang Northern Mics.
/Fréttatilkynning
Fleiri fréttir
-
Árangur LEB er ótvíræður - en fátækt eldri borgara er þjóðarskömm - Björn Snæbjörnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.10.2026 kl. 11.55Landsamband eldri borgara (LEB) hefur á síðustu fimm árum náð mikilvægum árangri í réttinda- og kjarabaráttu eldra fólks. Það er ástæða til að fagna þeim sigrum sem unnist hafa. Þeir eru ekki sjálfsagðir og komu ekki af sjálfu sér. Þeir eru afrakstur þrotlausrar baráttu, samstöðu og skýrrar kröfugerðar gagnvart stjórnvöldum. Núverandi stjórnvöld hafa sýnt okkur velvilja og það ber að þakka.Meira -
Felix Bergs er spenntur fyrir Skúnaskralli
feykir.is Skagafjörður, Listir og menning 27.10.2026 kl. 11.16Skúnaskrallið – Barnamenningarhátíð á Norðurlandi vestra – rúllar áfram og á morgun kemur góður gestur í Skagafjörðinn. Felix Bergsson rithöfundur með meiru mætir þá í grunnskólana þrjá í Varmahlíð, Sauðárkróki og á Hofsósi. Hann ætlar að lesa upp úr nýju bókinni sinni, Leynifélag í lífsháska, syngja með krökkunum og spjalla um daginn og veginn. Feykir sendi honum nokkrar spurningar í morgun og hann svaraði um hæl.Meira -
Oddvitinn bregður á leik
feykir.is Vestur-Húnavatnssýsla, Listir og menning, Lokað efni 27.10.2026 kl. 09.00Sigurður Líndal Þórisson oddviti sveitarstjórnar í Húnaþingi vestra kann ýmislegt fyrir sér. Margir vita að Sigurður er leiklistarmenntaður og hefur verið virkur leikstjóri um árabil og sett upp fjölmörg leikrit, aðallega í Húnaþingum. Ekki hefur Sigurður verið áberandi á hvíta tjaldinu eða skjánum en nú ber svo við að hann hefur birtst í sjónvarpsþáttaröðinni; Fleiri Pabbahelgar eftir Nönnu Kristínu Magnúsdóttur sem sýnd er á Rúv þessar vikurnar. Sigurður er þarna reffilegur í hlutverki afleysingarkennara.Meira -
Ríflega 100 umsóknir í Uppbyggingarsjóð Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla 27.10.2026 kl. 08.33Uppbyggingarsjóður Norðurlands vestra lokaði í síðustu viku fyrir styrkumsóknir vegna verkefna ársins 2027. Fram kemur í frétt á vef SSNV að alls bárust 104 umsóknir og var samtals sótt um 200.659.847 krónur. Alls reyndust 57 umsóknir vera vegna menningar- og samfélagsverkefna en að öðru leyti skiptust þar þannig að tíu umsóknir voru vegna stofn- og rekstrarstyrkja á sviði menningar og 37 umsóknir vegna atvinnuþróunar- og nýsköpunarverkefna.Meira
