Drengur miður sín yfir eyðilögðu hjóli
Ungur drengur er miður sín eftir að hann fann hjólið sitt gjöreyðilagt við Árskóla í gær, en hjólið hafði staðið við skólann yfir helgina. Að sögn móður hans er engu líkara en að einhver fullorðinn einstaklingur hafi verið þar að verki.
„Það er gjörónýtt. Það er búið beygja stýrið það mikið að mér þykir ólíklegt að barn eða unglingur hafi gert það því til þess þarf mikinn styrk,“ sagði Sigrún Heiða Pétursdóttir móðir drengsins. „Þetta er mjög sorglegt og skrýtið mál. Hjólið var að öllum líkindum læst við hjólagrind og því engu líkara en að lásinn hafi verið klipptur, hjólið tekið og ekið yfir það nokkrum sinnum og svo sett aftur á sinn stað.“
Málið er sérlega biturt þar sem drengurinn varð fyrir því óláni að hjólinu hans var stolið fyrir tveimur árum en samkvæmt Sigrúnu hafði hjólið, sem hafði verið tekið af fullorðum einstaklingi, komist til skila. Svo hafði drengurinn safnað sér sjálfur fyrir þessu hjóli í rúmt ár.
„Hann er alveg miður sín!“ sagði Sigrún og bætti við: „Hann ætlaði ekki að treysta sér til þess að fara í skólann í dag, en fór á endanum. Hann skilur ekki hver getur gert svona lagið og tekur þessu náttúrulega sem persónulegri árás á sig. Hver sem gerði þetta hefur líklega ekki hugsað út í hvaða afleiðingar þetta getur haft á litla sál. Ég hugsa að sá hinn sami myndi hugsa öðruvísi ef að systkinabarn, bróðir, systir eða barn viðkomandi myndi lenda í þessu sama. Mér finnst afar sorglegt að vita til þess að þegar tíu ára barn gleymir hjólinu sínu í skólanum sé það eyðilagt, ég hreinlega skil þetta ekki.“
Að sögn Sigrúnar hafa þau ekki enn komist að því hver var þarna á verki og óskar hún því hér með eftir upplýsingum um málið.
Fleiri fréttir
-
Eyrarsundsbrúin tekin og étin
feykir.is Skagafjörður, Mannlíf, Lokað efni 12.07.2025 kl. 12.10„Það viðurkennist hér með að ég hef aldrei lagt mikinn metnað í hlaupalífsstílinn og látið duga að spretta á eftir rollum heima, svona þegar líður að hausti, og ríf nú frekar í lóðin heldur en að láta reyna á þolið ef ég kemst upp með það. Ég vissi að ég þyrfti að skipta um gír ef ég ætlaði nú að lifa þetta af og þó ég hafi haft meira en heilt ár til undirbúnings þá vissulega færði ég mig ekki yfir í þann gír fyrr en tveimur mánuðum fyrir hlaupið – eins og konu með frestunaráráttu á hæsta stigi einni er lagið,“ segir Rebekka Hekla Halldórsdóttir en hún tók ásamt vinkonum sínum þátt í Brúarhlaupinu milli Danmerkur og Svíþjóðar nú í júní.Meira -
Það er alltaf nóg að gera hjá Löggunni á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 11.07.2025 kl. 14.50Í síðasta mánuði kærði lögreglan á Norðurlandi vestra 178 ökumenn fyrir of hraðan akstur og er það tæplega 19% aukning frá því í maí þegar 150 ökumenn fengu kæru fyrir að aka of hratt í umdæminu. Sem fyrr aka flestir sem kærðir eru á 110-120 kílómetra hraða en sumri óku þó hraðar og fóru jafnvel yfir 150 kílómetra á klukkustund.Meira -
Kjarnorkuákvæðið virkjað
feykir.is Stjórnmál, Fréttir 11.07.2025 kl. 13.15Þórunn Sveinbjarnardóttir þingforseti beitti, í upphafi þingfundar í dag, 71. grein þingskaparlaga og lagði þar með til atkvæðagreiðslu tillögu um að stöðva um frumvarpið en kjarnorkuákvæðinu, eins og það er oft kallað, hefur ekki verið beitt síðan 1959. Tillagan var samþykkt með 34 atkvæðum gegn 20 atkvæðum.Meira -
Burðarþol íslenska hestsins rannsakað
feykir.is Skagafjörður, Hestar, Lokað efni 11.07.2025 kl. 11.08Burðargeta hesta er málefni sem er mikið rætt í hestaheiminum. Mjög margir hafa sínar skoðanir, en rannsóknir sem undirbyggja þekkingu á burðargetu hesta eru takmakaðar og nauðsyn að afla hennar á markvissan hátt. Íslenski hesturinn er vinsælt hestakyn um allan heim, hann er eftirsóttur sem reiðhestur og keppnishestur og er mikið notaður af hestaferðaþjónustu-fyrirtækjum og í reiðskólum. Þekking á því hvernig líkamsbygging hans tengist burðargetu er afar mikilvæg, bæði hvað varðar afkastagetu á gangtegundum og velferð hesta.Meira -
Höfðingi heimsóttur á Löngumýri
feykir.is Skagafjörður, Mannlíf, Lokað efni 10.07.2025 kl. 15.39Blaðamaður Feykis kom á Löngumýri á dögunum í fréttaleit. Þar rakst hann á bráðmyndarlegan mann og tók hann tali. Það kemur í ljós að maðurinn heitir Harladur Jójannsson, 96 ára Grímseynngur og sex mánuðum betur.Meira
