Framkvæmdir við leikskólalóð á Hofsósi hafa tafist fram úr hófi en senn líður að flutningum Tröllaborgar
Nýtt húsnæði leikskólans Tröllaborgar á Hofsósi hefur verið tilbúið í nokkurn tíma en ekki hefur tekist að klára lóðaframkvæmdir. Engin tilboð bárust í verkið þegar það var boðið út fyrr á árinu og tafði ferlið. Vegna þessa hefur starfsemi skólans ekki verið flutt úr bráðabirgðahúsnæði sem skólinn flutti inn í eftir að mygla fannst í fyrra húsnæði árið 2016.
Að sögn Sigfúsar Inga Sigfússonar, sveitarstjóra Svf. Skagafjarðar, er helsta skýring á þeirri töf sem kemur í veg fyrir flutninginn, sú að skipulagning og hönnun á skólalóðinni dróst. „Ákvörðun um staðsetningu á fyrirhuguðu nýju íþróttahúsi, sem áform eru um að byggja við skólann, urðu til þess að aðkomu að leikskólanum var breytt. Þetta kallaði á breytingar á hönnun leikskólalóðarinnar ásamt breytingu á aðkomu að nýja leikskólanum sem seinkaði ferlinu. Þegar framkvæmdir við leikskólalóð voru svo boðnar út komu engin tilboð í verkið og seinkaði því enn þess vegna,“ segir Sigfús Ingi.
Verktakar hafa nú verið ráðnir til verksins og er vinna við lóðina þegar hafin og segir Sigfús Ingi að gert sé ráð fyrir að framkvæmdum við lóðina ljúki í endaðan október eða byrjun nóvember. „Þess má geta að mikið og gott samstarf hefur verið með tæknideild sveitarfélagsins og leikskólastjóra og skólastjóra GaV um verkefnið,“ segir Sigfús en verið er að ganga frá innanstokksmunum þannig að móttaka barnanna geti hafist.
Fleiri fréttir
-
Áætluð eyðsla 1,2 milljarður á ferðalagi um Norðurland
feykir.is Skagafjörður, Austur-Húnavatnssýsla, Vestur-Húnavatnssýsla 12.09.2025 kl. 13.39Ferðamenn sem komu með easyJet til Akureyrar veturinn 2023-2024 eyddu 493 milljón krónum á ferðalögum um Norðurland, samkvæmt skýrslu sem var birt á vef Ferðamálastofu í gær. Miðað við sömu forsendur og voru notaðar í skýrslunni, má áætla að veturinn 2024-2025 hafi heildareyðslan verið ríflega 1200 milljónir króna.Meira -
Iðunn Jónsdóttir hefur verið ráðin í starf verkefnastjóra
feykir.is Skagafjörður 12.09.2025 kl. 11.55Iðunn Jónsdóttir hefur verið ráðin í starf verkefnastjóra atvinnu-, menningar- og kynningarmála. Alls bárust 12 umsóknir um starfið, þar af dró einn umsókn sína til baka. Verkefnastjóri er starfsmaður atvinnu-, menningar- og kynningarnefndar og mun hafa umsjón með verkefnum á sínu starfssviði, ásamt umsjón með skipulagningu og framkvæmd viðburða á vegum sveitarfélagsins og ýmsum öðrum menningarviðburðum. Auk þess verður verkefnastjóri með umsjón með heimasíðum, komum skemmtiferðaskipa, félagsheimilum og fleira.Meira -
Leikur í Síkinu í kvöld
feykir.is Skagafjörður 12.09.2025 kl. 11.15Fyrsti heimaleikurinn er í kvöld 12. september og hefst leikurinn 19:15. Höttur ætlar að kíkja í Síkið og spila æfingaleik við karlalið Tindastóls. Rétt er að minna á að sala árskorta er í fullum gangi.Meira -
Staðfestir eldislaxar í fjórum húnvetnskum laxveiðiám
feykir.is Austur-Húnavatnssýsla 12.09.2025 kl. 10.55Á vef Húna segir að í sameiginlegri tilkynningu frá Matvælastofnunar, Fiskistofu og Hafrannsóknastofnunar, um stöðu upprunagreininga laxa sem veiðst hafa nú í sumar, kemur fram að búið er að taka sýni og senda til erfðagreiningar sýni úr 30 löxum. Af þeim eru tíu fiskar staðfestir eldislaxar og því 20 sem reyndust villtir. Eldislaxarnir veiddust í Hrútafjarðará, Miðfjarðará, Vatnsdalsá, Blöndu, Reykjadalsá í Borgarfirði og Haukadalsá. Sýni úr þremur löxum eru í erfðagreiningu.Meira -
Hollir og góðir grautar ásamt orkumiklum hádegismat | Matgæðingur Feykis
feykir.is Skagafjörður, Í matinn er þetta helst, Lokað efni 12.09.2025 kl. 09.26Matgæðingur vikunnar í tbl. 19 var Guðbjörg Bjarnadóttir, íslensku- og jógakennari við Fjölbrautaskóla Norðurlands vestra á Króknum og er hún gift Sigurjóni Arthuri Friðjónssyni. Guðbjörg hefur frá því um tvítugt haft mikinn áhuga á öllu því sem stuðlar að heilbrigði og þá ekki síst á hollu og hreinu mataræði, stundum við litla hrifningu annarra fjölskyldumeðlima. Til dæmis þegar hún var að prófa sig áfram með baunarétti og sojakjöt hér á árum áður.Meira
