Fréttatilkynning frá Framsókn og Sjálfstæðisflokki í Skagafirði :: Meirihlutaviðræður ganga vel

feykir.is Skagafjörður 01.06.2022 kl. 09.48
Horft yfir eylendi Skagafjarðar af Glóðafeyki. Mynd: PF
Horft yfir eylendi Skagafjarðar af Glóðafeyki. Mynd: PF

Framsóknarflokkur og Sjálfstæðisflokkur hafa myndað meirihluta í sveitarstjórn Sveitarfélagsins Skagafjarðar frá árinu 2014 til 2022. Hefur samstarfið gengið vel í þau átta ár sem flokkarnir hafa starfað saman og rekstur sveitarfélagsins verið góður þrátt fyrir mestu framkvæmdaár í sögu sveitarfélagsins.

Með hliðsjón af niðurstöðum nýafstaðinna sveitarstjórnarkosninga og góðu samstarfi liðinna ára ákváðu flokkarnir að setjast niður og ræða myndun á nýjum meirihluta fyrir kjörtímabilið 2022–2026. Þær viðræður hafa nú staðið yfir í nokkurn tíma og ganga vel, en niðurstöðu og kynningu á meirihlutasamkomulagi er að vænta á allra næstu dögum.

Of langt mál væri að telja upp allt sem gert hefur verið frá því þessir flokkar hófu samstarf en hér er listi yfir nokkur atriði sem framkvæmd hafa verið á síðustu tveimur kjörtímabilum.

  • Ákvörðun tekin um endurbyggingu Sundlaugar Sauðárkróks. Fyrri áfanga lokið og framkvæmd seinni áfanga vel á veg komin.
  • Ákveðið að sameina leik-, grunn- og tónlistarskóla í Varmahlíð á einum stað og undirbúningur að framkvæmdum hafinn.
  • Byggður nýr leikskóli með glæsilegu útisvæði á Hofsósi og nýr körfuboltavöllur á leiðinni. Hönnun íþróttahúss í vinnslu.
  • Byggður glæsilegur, upphitaður gervigrasvöllur á Sauðárkróki og önnur íþróttaaðstaða bætt.
  • Keyptur nýr dráttarbátur fyrir Sauðárkrókshöfn sem stórbætir þjónustu og vaxtarmöguleika hafnarinnar.
  • Endurbætur á Safnahúsi Skagfirðinga. Framundan eru frekari endurbætur núverandi byggingar og framkvæmdir við nýja viðbyggingu sem saman mynda nýtt menningarhús á Sauðárkróki.
  • Nýju aðalskipulagi fyrir Sveitarfélagið Skagafjörð sem gildir til 2035 lokið.
  • Víðtæk hitaveituvæðing í dreifbýli Skagafjarðar.
  • Byggð ný sorpmóttökustöð í Varmahlíð.
  • Uppbygging landsmótssvæðis hestamanna á Hólum í Hjaltadal.
  • Hvatapeningar til stuðnings skipulögðu íþrótta-, lista- og æskulýðsstarfi hækkaðir verulega úr 8.000 krónum í 40.000 krónur.
  • Rennibraut byggð við sundlaugina í Varmahlíð og körfuboltavöllur settur upp við Varmahlíðarskóla.
  • Stofnframlög veitt til uppbyggingar leiguíbúða á Sauðárkróki.
  • Undirbúningur hafinn fyrir breytingar á Sólgarðaskóla í leiguíbúðir.
  • Lagning ljósleiðara um dreifbýli Skagafjarðar.
  • Áframhaldandi uppbygging skíðasvæðisins í Tindastóli, m.a. kaup á nýrri lyftu og nýjum snjótroðara.
  • Með leikskólaframkvæmdum í Hofsósi, Varmahlíð og á Sauðárkróki verður á árinu 2022 unnt að innrita öll börn frá 12 mánaða aldri.
  • Mikil vinna lögð í deiliskipulagsvinnu íbúðasvæða, úthlutun lóða og gerð nýrra gatna.
  • Og margt fleira …

Frambjóðendur á lista Sjálfstæðisflokks og Framsóknarflokks í nýafstöðnum sveitarstjórnarkosningum.

Til baka

Fleiri fréttir

  • Hjörtur J. Guðmundsson. MYND AÐSEND

    „Verður engin þjóðaratkvæðagreiðsla“ / Hjörtur J. Guðmundsson skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 12.05.2025 kl. 11.30 gunnhildur@feykir.is
    „Það verður alltaf einhver umræða en það verður engin þjóðaratkvæðagreiðsla að ég tel næstu fjögur árin. Ástæða þess er sú staðreynd að þetta er alltof langt ferli, við horfum upp á mjög mikla ókyrrð í kringum okkur og við þurfum að einbeita okkur að mikilvægustu verkefnunum,“ segir Erna Solberg, leiðtogi norska Hægriflokksins, í samtali við norska fréttavefinn E24 í dag og vísar þar til næsta kjörtímabils í Noregi en þingkosningar fara fram þar í landi næsta haust.
    Meira

  • Tindastólsliðið tuskað til í Umhyggjuhöllinni

    feykir.is Skagafjörður, Íþróttir, Lokað efni 11.05.2025 kl. 23.57 oli@feykir.is
    Tindastóll heimsótti lið Stjörnunnar í Garðabæinn í kvöld en þar fór fram annar leikur liðanna í úrslitaeinvíginu um Íslandsmeistaratitilinn. Það varð fljótlega ljóst að Stjörnumenn voru einbeittari og ákafari og voru lengstum með yfirhöndina í leiknum. Aðeins einu stigi munaði þó í hálfleik en í síðari hálfleiknum fóru öll hjólin undan Stólarútunni. Er nokkuð ljóst að Benni þjálfari þarf að endurræsa hugbúnaðinn hjá sínum mönnum. Lokatölur 103-74 en staðan í einvíginu 1-1 og næsti leikur verður í Síkinu á miðvikudag.
    Meira

  • Húnvetningar snéru vörn í sókn með góðum sigri

    feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 11.05.2025 kl. 07.40 oli@feykir.is
    Húnvetningar rifu sig í gang í 2. deildinni í knattspyrnu í dag eftir hálfgert rothögg fyrir austan um síðustu helgi. Það voru kannski ekki allir sem höfðu trú á því að lið Kormáks/Hvatar myndi rétta strax úr kútnum eftir 8-1 tap en þeir hafa efalaust verið staðráðnir í að rétta kúrsinn við fyrsta tækifæri. Það voru Seltirningar í Gróttu sem fengu að kenna á því á Blönduósi og máttu þola 2-0 tap.
    Meira
  • Nikola hélt búrinu tandurhreinu í dag. MYND: SIGURÐUR INGI

    Tindastólsmenn á góðu róli

    feykir.is Skagafjörður, Íþróttir, Lokað efni 10.05.2025 kl. 23.37 oli@feykir.is
    Lið Sindra frá Hornafirði mætti á Krókinn í dag og lék við lið Tindastóls í 2. umferð 3. deildar karla í knattspyrnu. Bæði lið höfðu unnið leiki sína í fyrstu umferðinni sem spiluð var um síðustu helgi. Það voru Stólarnir sem kræktu í stigin þrjú sem í boði voru og unnu góðan 2-0 sigur
    Meira
  • Kristján Gíslason.MYND AÐSEND

    Eins og að smala köttum að koma Herramönnum saman

    feykir.is Skagafjörður, Lokað efni 10.05.2025 kl. 15.05 gunnhildur@feykir.is
    Hljómsveitin Herramenn stefnir á tónleikahald í Ljósheimum nú um miðjan maí. Hljómsveitin er skipuð nokkrum snillingum úr '69 árgangnum á Króknum, byrjaði sem skólasveitin Bad Boys, síðan Metan og loks Herramenn. Menn hafa komið og farið en kjarninn er og hefur alltaf verið þeir Árni Þór Þorbjörnsson á bassa, Birkir Guðmundsson á hljómborð, Karl Jónsson á trommur og Svavar Sigurðsson á gítar. Og punkturinn yfir i-ið er alltaf söngvarinn en þar finnum við fyrir Kristján Gíslason.
    Meira
Yfirlit frétta