Heilmörg verkefni á borðinu
Í amstri hversdagsins hugsa fæstir um hvernig samskipti ríkisins við sveitarfélög ganga fyrir sig eða hver stendur að baki hinum ýmsu verkefnum sem framkvæmd eru í okkar nærsamfélagi. Samtök sveitarfélaga á Norðurlandi vestra gegna æ stærra hlutverki í því sambandi og gera má ráð fyrir því að það verði aukið til muna í náinni framtíð. Til að forvitnast aðeins um þau fjölmörgu verkefni sem SSNV innir af hendi tók Feykir hús á Jóni Óskari Péturssyni framkvæmdastjóra SSNV sem segir frá því helsta í aðalviðtali blaðsins sem kom út í morgun.
-Samtök sveitarfélaga á Norðurlandi vestra voru stofnuð 1992 þegar Fjórðungssamband Norðlendinga var skipt upp í SSNV og Eyþing. Einhverra hluta vegna tóku menn þessa ákvörðun á þeim tíma og væntanlega voru það kjördæmamörkin sem réðu því hvar mörkin liggja. Landshlutasamtökin eru átta talsins og þau miðast í stórum dráttum við gömlu kjördæmaskiptinguna frá 1959, segir Jón en einhverjar hrókeringar hafa þó orðið innbyrðis þar sem meðal annars Bæjarhreppur gekk inn í SSNV um síðustu áramót og Siglfirðingar gengu úr SSNV inn í Eyþing árið 2008 og fleiri dæmi eru annars staðar á landinu. SSNV er samstarfsvettvangur sveitarfélaganna á Norðurlandi vestra. Öll sveitarfélög landsins eru aðilar að slíkum samtökum hvert af sínu svæði og telur Jón að sveitarfélögin hafi ávinning af slíkum samtökum.
Jón segir að samtökin séu misjöfn hvað varðar verkefni og að umfangi. Í grunnin er þetta pólitískur samráðsvettvangur sem þróast hefur í það að fleiri og fleiri verkefni eru falin samtökunum af sveitarfélögunum og síðustu ár hefur ríkisvaldið viljað færa verkefni til sveitarfélaganna þá í gegnum þessi samtök, segir Jón og líkir því við stundarglas þar sem ríkið er efri hluti glassins með ýmiss verkefni sem kemur þeim til SSNV sem er miðja þess og sveitarfélögin aftur neðri hlutinn sem tekur við verkefnunum. –Það má taka dæmi eins og um menningarsamninga sem gerðir eru við landshlutana, ekki við hvert og eitt sveitarfélag, segir Jón í viðtali Feykis. Einnig skýrir hann frá Sóknaráætlun 2020 sem oft er vitnað til og tólf meginstef hennar sem skipta Norðvestursvæðið miklu máli.
Fleiri fréttir
-
Gamall refur gerði Stólunum grikk
feykir.is Skagafjörður, Íþróttir, Lokað efni 13.07.2025 kl. 22.56Stólarnir fóru helst til þunnskipaðir austur á Höfn um helgina og léku við lið Sindra. Stólarnir voru fyrir leikinn í sjötta sæti en Hornfirðingar í níunda sæti. Staða liðanna breyttist ekki en þau gerðu 2-2 jafntefli þar sem gamall markarefur og fyrrum leikmaður Tindastóls jafnaði metin á lokakaflanum.Meira -
Þrjú stig sótt á Seltjarnarnesið
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 13.07.2025 kl. 18.54Eftir þrjá svekkjandi tapleiki í röð gerðu liðsmenn Kormáks/Hvatar góða ferð suður á Seltjarnarnes og að leik loknum var risið á heimamönnum bæði lítið og lágt. Gestirnir áttu góðan leik í fyrri hálfleik og leiddu 1-2 ú hálfleik og í síðari hálfleik var varist með kjafti og klóm og þó Gróttverjar gerðu sitt besta til að jafna þá tókst það ekki. Lokatölur 1-2 og mikilvæg þrjú stig í hús.Meira -
Gott teppi og kaffibolli best með bóklestri
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 13.07.2025 kl. 13.05Feykir plataði Maríu Rut Kristinsdóttur, þingmann Viðreisnar í Norðvesturkjördæmi, til að svara Bók-haldinu í miðju svokölluðu málþófi stjórnarandstöðunnar vegna veiðigjaldsins í upphafi síðustu viku. Vonandi var þetta bara skemmtilegt uppbrot á löngum degi í þinginu. María Rut fæddist árið 1989, er alin upp á Flateyri við Önundarfjörð en er búsett í Reykjavík.Meira -
Eyrarsundsbrúin tekin og étin
feykir.is Skagafjörður, Mannlíf, Lokað efni 12.07.2025 kl. 12.10„Það viðurkennist hér með að ég hef aldrei lagt mikinn metnað í hlaupalífsstílinn og látið duga að spretta á eftir rollum heima, svona þegar líður að hausti, og ríf nú frekar í lóðin heldur en að láta reyna á þolið ef ég kemst upp með það. Ég vissi að ég þyrfti að skipta um gír ef ég ætlaði nú að lifa þetta af og þó ég hafi haft meira en heilt ár til undirbúnings þá vissulega færði ég mig ekki yfir í þann gír fyrr en tveimur mánuðum fyrir hlaupið – eins og konu með frestunaráráttu á hæsta stigi einni er lagið,“ segir Rebekka Hekla Halldórsdóttir en hún tók ásamt vinkonum sínum þátt í Brúarhlaupinu milli Danmerkur og Svíþjóðar nú í júní.Meira -
Það er alltaf nóg að gera hjá Löggunni á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 11.07.2025 kl. 14.50Í síðasta mánuði kærði lögreglan á Norðurlandi vestra 178 ökumenn fyrir of hraðan akstur og er það tæplega 19% aukning frá því í maí þegar 150 ökumenn fengu kæru fyrir að aka of hratt í umdæminu. Sem fyrr aka flestir sem kærðir eru á 110-120 kílómetra hraða en sumri óku þó hraðar og fóru jafnvel yfir 150 kílómetra á klukkustund.Meira
